Мужчынская зборная Нямеччыны па хакеі

	Нямеччына
Фэдэрацыя	Нямецкая хакейная фэдэрацыя
Мэнэджар	Штэфан Шайднагель
Трэнэр	Марка Штурм
Капітан	Франк Гёрдлер
Найбольш гульняў	Уда Кісьлінг (320)
Найбольш пунктаў	Эрых Кюнгакль (210)
Рэйтынг ІІХФ	13
Максымум ІІХФ	8 (2003)
Мінімум ІІХФ	12 (2006)
Колеры
Форма
Хатнія колеры	Выязныя колеры
Першая гульня
	Нямеччына 9:1 Швайцарыя; (Мантро, Швайцарыя — 10 студзеня 1910)
Найбуйнейшая перамога
	Нямеччына 14:0 Югаславія ; (Любляна, Славенія — 10 лютага 2000)
Найбуйнейшая параза
	СССР 10:0 Нямеччына ; (Цуг, Швайцарыя — 7 сьнежня 1990)
Чэмпіянаты сьвету
Удзелаў	63 (упершыню ў 1930)
Дасягненьні	(1930, 1953)
Эўропа
Удзелаў	9
Дасягненьні	(1910, 1911, 1914)
Алімпійскія гульні
Удзелаў	20 (упершыню ў 1928)
Мэдалёў	(2018), (1932, 1976)

Збо́рная Няме́ччыны па хаке́і — нацыянальная хакейная каманда Нямеччыны. У рэйтынгу ІІХФ за 2014 год знаходзіцца на 13 месцы^[1]. Кіроўны орган — Нямецкая хакейная фэдэрацыя; галоўным трэнэрам зьяўляецца канадзкі спэцыяліст Пэт Картына. Пасьля падзелу Нямеччыны пасьля Другой сусьветнай вайны да 1990 году існавала асобная зборная Ўсходняй Нямеччыны па хакеі. У 1991 годзе каманды і гульцы былі аб’яднаны пад эгідай адзінай Нямецкай хакейнай фэдэрацыі.

Мінуўшчына[рэдагаваць | рэдагаваць крыніцу]

Першы хакейны матч адбыўся ў Нямеччыне ў лютым 1887 году на лёдзе возера Галензээ ў Бэрліне. Каманда мясцовага спартовага клюбу атрымала перамогу ў студэнцкай зборнай зь лікам 11:4. Першая афіцыйная гульня зборнай Нямеччыны на ўзроўні зборных камандаў прайшла ў Швайцарыі ў горадзе Мантро 10 студзеня 1910 году супраць зборнай Швайцарыі, нямецкая зборная перамагла з буйным лікам 9:1. Папулярнасьць хакея пачала расьці, асабліва ў Бэрліне. Сталічныя клюбы дамінавалі ў гэтым відзе спорту ажно да Другой сусьветнай вайны.

Пасьля падзелу Нямеччыны хакейная зборная таксама падзялілася на зборную ФРН і НДР. Больш пасьпяхова і вынікова выступала зборная ФРН. Па аб’яднаньні Нямеччыны зборная не паказвала значных вынікаў, адным з найвышэйшых дасягненьняў стала 6 месца на чэмпіянаце сьвету 2003 году, дзе нямецкі калектыў трываў паразу ў чвэрцьфінале ў гульні супраць зборнай Канады ў овэртайме. Пачынаючы з 1998 году ў зборнай пачалася зацяжная крыза на дзесяць гадоў, як і ва ўсім нямецкім хакеі.

Сапраўдны посьпех прыйшоў да немцаў на хатнім чэмпіянаце сьвету 2010 году, дзе каманда прабілася ў паўфінал і заняла чацьвёртае месца. На наступным чэмпіянаце сьвету 2011 году, які праходзіў у Славаччыне, зборная Нямеччыны таксама паказала годны вынік. У сваёй групе заняла першае месца перамогшы ўсе матчы, як то ў зборнай Расеі 2:0, Славаччыны 4:3 і Славеніі 3:2. У чвэрцьфінале каманда саступіла зборнай Швэцыі 2:5 і заняла ў выніку сёмае месца.