Цмокі-Менск

Зьвесткі зь Вікіпэдыі — вольнай энцыкляпэдыі
(Перанакіравана з «Менск-2006»)
Цмокі

Ранейшыя назвы Менск-2006
Заснаваны 2006
Мінуўшчына
  • Менск-2006
    2006—2012
  • Цмокі-Менск
    2012 — цяпер
Месцазнаходжаньне МенскБеларусь
Арэна Менск-Арэна
Зьмяшчальнасьць: 15 000
Прэзыдэнт Юры Шакола
Галоўны трэнэр Расьціслаў Вяргун
Чэмпіянат Беларусі
2017—2018 1 месца
Форма
Клюбныя колеры               


Камандныя колеры


Камандныя колеры


Хатняя


Камандныя колеры


Камандныя колеры


Выязная
Спасылкі
Афіцыйная бачына
Галерэя здымкаў у Вікісховішчы

«Цмо́кі-Менск» — беларускі баскетбольны клюб, заснаваны ў 2006 годзе. Удзельнік нацыянальнага чэмпіянату і Адзінай лігі ВТБ. Да 2012 году меў назву «Менск-2006»[1]. Галоўны трэнэр — Расьціслаў Вяргун[2].

Мінуўшчына[рэдагаваць | рэдагаваць крыніцу]

Ідэя стварэньня прафэсійнага баскетбольнага клюбу належыць Канстанціну Шараверу. У 2001 годзе ён стварыў на базе агульнаадукацыйных школ Менску праект «Мэджык баскет». Праца сэкцыяў па баскетболе прыцягнула ўвагу гарадзкіх улад і атрымала разьвіцьцё. 9 сакавіка 2006 году яна займела спартовую і юрыдычную форму: на сьвет зьявіўся заснаваны гарвыканкамам прафэсійны баскетбольны клюб «Менск-2006». Праект нароўні з мужчынскай камандай аб’ядноўваў у сваёй структуры калектыў дублёраў, жаночае падразьдзяленьне, а таксама дзіцяча-юнацкую школу.

Далучыўшыся да змаганьняў пад эгідай нацыянальнай фэдэрацыі, «Менск-2006» адразу ж стаў заўважным гульцом на спартовым полі краіны. Ужо ў першым сэзоне клюб дайшоў да паўфіналу плэй-оф, дзе саступіў будучым чэмпіёнам — «Віталюру». Прагрэсуючы з году ў год, каманда падбіралася да вяршыняў айчыннага баскетболу, а з 2009 стала ягоным гегемонам — на ўнутранай арэне «гараджанам» не знаходзілася роўных.

У сэзоне 2009/2010, пачынаючы ад першага матчу рэгулярнага турніру і сканчаючы фіналам плэй-оф, «Менск-2006» ніводнага разу не атрымаў паразы і заваяваў другі чэмпіёнскі тытул, а таксама і кубак Беларусі. У гэтым жа сэзоне клюб заявіўся ў Эўрачэлендж, стаўшыся першым пасьля працяглага перапынку беларускім клюбам, які ўдзельнічаў у эўракубках. Пачаўшы з паразы ад расейскіх «Красных Крылаў», «Менск-2006» здолеў рэабілітавацца з «Амстэрдамам» і фінішаваў у групе на трэцім месцы, прапусьціўшы ў плэй-оф расейцаў і італьянскі «Скаваліні».

З сэзону-2010/11 зьяўляецца адзіным прадстаўніком краіны ў рамках Адзінай лігі ВТБ.

14 верасьня 2012 клюб абвясьціў пра рэбрэндынг — зьмену найменьня ўсіх прафэсійных і дзіцячых камандаў структуры. Гэта было зроблена з мэтай прыцягнуць дадатковую цікавасьць аматараў баскетболу ў краіне, стаць вядомым і непаўторным спартовым суб’ектам на міжнароднай арэне. Новая назва «Цмокі-Менск» адлюстроўвала духоўныя і гістарычныя карані, уласьцівыя беларусам, пры гэтым захоўваючы нестандартнасьць, якія дыктаваліся маркетынгавай стратэгіяй. У першы ж год пасьля зьмены «шыльды» каманда захапіла лідэрства па колькасьці гледачоў на хатніх матчах сярод усіх удзельнікаў Адзінай лігі ВТБ.

Дасягненьні[рэдагаваць | рэдагаваць крыніцу]

  • Чэмпіён Беларусі: 2009, 2010, 2011, 2012, 2013, 2014, 2015, 2016, 2017, 2018
  • Кубак Беларусі: 2009, 2010, 2011, 2012, 2013, 2014, 2015, 2016, 2017, 2018
  • Бронзавы прызэр кубка «Азоўмашу»: 2010

Склад[рэдагаваць | рэдагаваць крыніцу]

Актуальны на сэзон 2018—2019 гадоў[3]
Краіна Амплюа Нумар Гулец Дата нараджэньня Рост
Сьцяг ЗША А 0 Дэван Садлер 10.05.1991 185 см
Сьцяг Беларусі А 1 Кірыл Сітнік 05.04.1989 190 см
Сьцяг Беларусі Ф 6 Аляксей Трасьцінецкі 02.03.1986 200 см
Сьцяг Беларусі ЛФ 8 Мікіта Мешчаракоў 16.06.1988 200 см
Сьцяг Беларусі А 9 Сяргей Вабішчэвіч 04.06.1988 191 см
Сьцяг Беларусі А 10 Віталь Лютыч 09.05.1992 198 см
Сьцяг Беларусі Цт 15 Аляксандар Семянюк 14.09.1993 210 см
Сьцяг ЗША А 23 Брыян Раш 15.11.1984 186 см
Сьцяг Грэцыі Ц 34 Зысыс Сарыкопуляс 31.03.1990 213 см
Сьцяг Беларусі А 41 Аляксандар Кудраўцаў 23.05.1980 191 см
Сьцяг Беларусі ЦФ 44 Дзьмітры Паляшчук 21.05.1985 205 см

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]