Мачулішчы

Мачулішчы
Шматпавярховікі ў пасёлку
Вобласьць:	Менская
Раён:	Менскі
Вышыня:	228 м н. у. м.
Насельніцтва:	8,5 тыс. (2012)
Тэлефонны код:	+375 17
Паштовы індэкс:	223012
Геаграфічныя каардынаты:	53°46′53″ пн. ш. 27°35′45″ у. д.
Мачулішчы на мапе Беларусі Мачулішчы

Мачу́лішчы — мястэчка ў Менскім раёне Менскай вобласьці. Насельніцтва 8,5 тыс. чалавек (2012). Пасёлак разам зь вёскамі Александрова і Мачулішчы ўваходзяць да складу Мачулішчанскага пасялковага савету

Знаходзіцца за 15 км на паўднёвы ўсход ад Менску. Чыгуначная станцыя на лініі Менск — Асіповічы.

Гісторыя

• 1590: першыя згадкі, шляхецкая ўласнасьць у складзе маёнтку Гатава.
• 1600: згадваюцца як вёска Мочул, прыналежная І. Корсаку.
• 1791: уладаньне каталіцкай царквы.
• 1793: у выніку другога падзелу Рэчы Паспалітай апынуліся складзе Расейскай імпэрыі.
• 1858: дзяржаўная ўласнасьць.
• 1897: вёска ў Сеньніцкай воласьці Менскага павету.
• 1924—1930: у Менскай акрузе.
• 1997: атрымалі статус гарадзкога пасёлку.

Насельніцтва

• 2006 год — 8,2 тыс.
• 2008 год — 8,3 тыс.
• 2012 год — 8,5 тыс.

Інфраструктура

Насельніцтва мястэчка абслугоўваюць дзіцячы садок, сярэдняя школа (ДУА «Мачулішчанская АСШ»), амбуляторыя, пошта, стадыён, колькі прадуктовых і прамтаварная крамы, філія банка (ААТ «АСБ Беларусбанк»).

Эканоміка

На тэрыторыі пасялковага савету разьмешчаныя 72 прадпрыемствы розных формаў уласнасьці. Найбуйнейшыя прадпрыемствы: ААТ «Агракамбінат «Мачулішчы», ААТ «УВТК «Белсувязьбуд», ААТ «Белсчёттехника», ЗАТ «ГВТАМ «Аэрамаш», ВУП «Фери», ААТ «Древ-контракт», МРЭС.

Транспарт

Мястэчка абслугоўваюць наступныя віды транспарту:

• аўтобус
• маршрутнае таксі
• электрацягнік

Вайсковыя аб'екты

У Мачулішчах разьмешчаныя: 50 мяшаная авіяцыйная база ВПС і ВСПА Беларусі; Паўночна-заходняе апэратыўна-тактычнае камандаваньне; вайсковыя часткі непасрэднага падначаленьня; вайсковы аэрадром.

Інфармацыя для турыстаў

Помнікі

• Мэмарыяльны комплекс, прысьвечаны 17 Героям Савецкага Саюзу, выхаванцам мясцовай авіячасткі.
• На тэрыторыі пассавету знаходзіцца біялягічны заказьнік мясцовага значэньня «Сакаліны».

Галерэя

• 
  Чыгуначны прыпынак
• 
  Царква сьв. Панцеляймона
• 
  Аўтобусны прыпынак
• 
  Мачулішчанская школа
• 
  Абэліск у гонар загінулых лётчыкаў
• 
  Мэмарыяльны комплекс на Севастопальскае плошчы
• 
  Электрацягнік на прыпынку
• 
  Будынак Гарнізоннага Дому афіцэраў

Літаратура

• Мачулищи // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн., 2007. — 648 с. ISBN 978-985-11-0384-9.
• Moczuliszcze (3) // Słownik geograficzny Królestwa Polskiego i innych krajów słowiańskich. Tom IV: Kęs — Kutno. — Warszawa, 1883. S. 562