Максім Швяцоў
| Максім Швяцоў | ||
 | ||
| Пэрсанальная інфармацыя | ||
|---|---|---|
| Нарадзіўся | 2 красавіка 1998[1][2] (27 гадоў) | |
| Рост | 178 см | |
| Вага | 78 кг[3] | |
| Пазыцыя | абаронца | |
| Клюбная інфармацыя | ||
| Клюб | Дынама Менск | |
| Нумар | 3 | |
| Клюбы | ||
| Гады | Клюб | Гульні (галы)¹ |
| 2015—2024 | Дынама Менск | 152 (1) |
| 2024—2025 | Ротар Валгаград | 32 (0) |
| 2026— | Дынама Менск | |
| Зборныя | ||
| 2017—2020 | Беларусь (да 21) | 13 (0) |
| 2020—2022 | Беларусь | 12 (0) |
Максім Швяцоў (нар. 2 красавіка 1998 году) — беларускі футбаліст, абаронца менскага «Дынама» і нацыянальнай зборнай Беларусі. Атрымаў мянушку «Пуёль з Чыжоўкі» праз падабенства сваёй фрызуры да той, што была ў былога капітана «Барсэлёны» Карлеса Пуёля.
Кар’ера
[рэдагаваць | рэдагаваць код]Клюбная
[рэдагаваць | рэдагаваць код]Выхаванец дзіцячай школы менскага «Дынама». З 2015 году пачаў выступаць за клюбны дубль. 2 жніўня 2015 году дэбютаваў у асноўным складзе «Дынама» ў матчы Кубка Беларусі супраць «Смалявічаў-СТІ» (5:2), выйшаўшы на замену ў сярэдзіне другога тайму. У сэзоне 2016 году стаў таксама прыцягвацца да асноўнай каманды. 4 чэрвеня 2016 году дэбютаваў у Найвышэйшай лізе, адгуляўшы ўвесь матч супраць берасьцейскага «Дынама» (4:1) на пазыцыі цэнтральнага абаронцы. Зь ліпеня, пасьля прыходу ў каманду некалькіх дасьведчаных абаронцаў, выступаў ужо выключна за дубль.
У сакавіку 2017 году склаў новую доўгатэрміновую ўгоду з «Дынама»[4]. Пачынаў сэзон 2017 году ў дублі, але ўжо з траўня пачаў гуляць у стартавым складзе асноўнай каманды. У другой палове сэзону ўжо часьцей заставаўся на лаўцы запасных, гуляючы таксама за дубль. У лютым 2018 году зноў склаў дамову зь менчукамі[5]. У сэзоне 2018 году замацаваўся ў якасьці асноўнага цэнтральнага абаронцы дынамаўцаў. Захаваў сваё месца і ў сэзоне 2019 году. У ліпені 2020 году падоўжыў пагадненьне з сталічным клюбам[6]. У сьнежні 2022 году зноў падоўжыў кантракт з дынамаўцамі[7]. У сэзоне 2023 году пачаў часьцей заставацца на лаўцы запасных, саступаючы месца цэнтральнага абаронцы Сяргею Паліцевічу, Аляксандру Сачыўку, Аляксею Гаўрыловічу. У студзені 2024 году падоўжыў дзейнае пагадненьне з сталічным клюбам[8]. Улетку 2024 году склаў працоўнае пагадненьне з расейскім «Ротарам»[9]. Калі ў першы сэзон беларус яшчэ меў гульнёвую практыку і нават замацаваўся ў першай адзінаццатцы, ужо на пачатку сэзону 2025—2026 гадоў трывала засеў на лаву запасных расейскай каманды. У выніку абаронца пакінуў клюб, пасьля чаго паведамлялася аб мажлівай супрацы спартоўца з казаскім «Актабе» і польскім «Пястам»[10]. Тым ня менш, Швяцоў на пачатку 2026 году вярнуўся ў менскае «Дынама»[11], не зважаючы на добрае ўладкаваньне абарончых шыхтаў сталічнікаў да ягонага пераходу.
Міжнародная
[рэдагаваць | рэдагаваць код]У 2014 і 2015 гадах гуляў за зборную Беларусі (да 17 гадоў) у кваліфікацыі чэмпіянату Эўропы. У 2016—2017 гадах быў капітанам зборнай Беларусі (да 19 гадоў). 31 траўня 2017 году дэбютаваў у зборнай Беларусі (да 21 году), адгуляўшы другі тайм таварыскага матчу супраць зборнай Расеі (0:7). У далейшым быў адным з асноўных гульцоў моладзевай зборнай. 23 лютага 2020 году дэбютаваў за нацыянальную зборную Беларусі ў таварыскім матчы супраць зборнай Узбэкістану (1:0), зьявіўшыся на зьмену ў канцы сустрэчы.
Дасягненьні
[рэдагаваць | рэдагаваць код]«Дынама» Менск:
- Чэмпіён Беларусі: 2023
- Срэбны прызэр чэмпіянату Беларусі: 2017
- Бронзавы прызэр чэмпіянату Беларусі: 2018, 2021
- У сьпісе 22 найлепшых футбалістаў чэмпіянату Беларусі: 2022
Статыстыка
[рэдагаваць | рэдагаваць код]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Менск | 2016 | Найвышэйшая ліга | 3 | 0 |
| 2017 | Найвышэйшая ліга | 11 | 0 | |
| 2018 | Найвышэйшая ліга | 25 | 0 | |
| 2019 | Найвышэйшая ліга | 22 | 0 | |
| 2020 | Найвышэйшая ліга | 23 | 0 | |
| 2021 | Найвышэйшая ліга | 23 | 0 | |
| 2022 | Найвышэйшая ліга | 27 | 1 | |
| 2023 | Найвышэйшая ліга | 12 | 0 | |
Крыніцы
[рэдагаваць | рэдагаваць код]- ↑ Maksim Shvetsov // Transfermarkt (мн.) — 2000.
- ↑ Maksim Shvyatsow // FBref (анг.)
- ↑ https://dinamo-minsk.by/blr/asnouny-sklad/2022/shviatsou-maksim
- ↑ Максим Швецов подписал новое долгосрочное соглашение с минским "Динамо"
- ↑ Минское "Динамо" продлило контракт с Максимом Швецовым
- ↑ Швецов продлил контракт с минским "Динамо"
- ↑ Швецов продлил контракт с минским "Динамо" (рас.). football.by (2022-12-29). Праверана 2022-12-30 г.
- ↑ Швецов продлил соглашение с минским "Динамо" (рас.)
- ↑ Максим Швецов стал игроком "Ротора" (рас.)
- ↑ "Пяст" и "Актобе" заинтересованы в подписании Максима Швецова (рас.). Football.by (2026-01-14). Праверана 2026-01-24 г.
- ↑ Максим Швецов перешел в "Динамо" Минск (рас.). Football.by (2026-01-23). Праверана 2026-01-24 г.
Вонкавыя спасылкі
[рэдагаваць | рэдагаваць код]- Профіль на сайце менскага «Дынама»
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway