Аляксандар Сачыўка
| Аляксандар Сачыўка | ||
| ||
| Пэрсанальная інфармацыя | ||
|---|---|---|
| Нарадзіўся | 5 студзеня 1986[1][2] (39 гадоў) | |
| Рост | 183 см | |
| Вага | 80 кг[3] | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2003 | Дынама Менск | 30 (0) |
| 2004 | Дарыда | 28 (4) |
| 2005 | Менск-2 | 28 (1) |
| 2006—2016 | Менск | 270 (18) |
| 2017—2018 | Дынама Менск | 32 (3) |
| 2018—2021 | Шахцёр Салігорск | 78 (5) |
| 2022—2024 | Дынама Менск | 37 (5) |
| Зборныя | ||
| 2006—2009 | Беларусь (да 21) | 12 (0) |
| 2017—2021 | Беларусь | 12 (1) |
Алякса́ндар Сачы́ўка (нар. 5 студзеня 1986 году, Менск, БССР) — беларускі футбаліст, абаронца. З 2017 па 2021 гады правёў 12 матчаў за нацыянальную зборную Беларусі.
Кар’ера
[рэдагаваць | рэдагаваць крыніцу]Клубная
[рэдагаваць | рэдагаваць крыніцу]Выхаванец школы менскага «Тарпэда», але выступаў потым за дубль менскіх «Дынама» і «Дарыды». У 2005 годзе стаў гульцом менскай «Зьмены», які ў 2006 годзе быў пераўтвораны ў футбольны клюб «Менск». Адразу ў клюбе стаў адным з асноўных абаронцаў, цягам 12 сэзонаў зьяўляўся апірышчам лініі абароны менчукоў. Доўгі час быў віцэ-капітанам каманды. У студзені 2014 году падоўжыў кантракт з клюбам. У сэзоне 2014 году стаў капітанам каманды пасьля зыходу Андрэя Разіна. У траўні 2014 году некаторы час выкарыстоўваўся як апорны паўабаронца. У чэрвені 2014 году не гуляў праз траўмы, але пазьней вярнуўся на звыклае месца цэнтральнага абаронцы.
У студзені 2015 году чарговы раз падоўжыў кантракт зь «Менскам»[4]. У сэзоне 2016 забіў 6 галоў у чэмпіянаце, у тым ліку 16 верасьня аформіў хет-трык у матчы супраць «Славіі», які стаў увогуле адзіным у тым сэзоне Найвышэйшай лігі. У сьнежні 2016 году падпісаў кантракт зь менскім «Дынама»[5]. У складзе дынамаўцаў быў асноўным цэнтральным абаронцам, дапамог камандзе выйграць срэбраныя мэдалі чэмпіянату 2017 году. У сьнежні 2017 году падоўжыў кантракт з «Дынама»[6]. У сэзоне 2018 году пачаў радзей зьяўляцца на полі.
У жніўні 2018 году, скасаваўшы кантракт з «Дынама», стаў гульцом салігорскага «Шахцёра»[7]. Неўзабаве замацаваўся ў пачатковым складзе салігорскай каманды. У лістападзе 2019 году падоўжыў кантракт з «Шахцёрам» да сканчэньня 2021 году[8]. У пачатку 2022 году, пакінуўшы «Шахцёр», трэнаваўся з расейскім «Тэкстыльшчыкам», але ў сакавіку паводле сямейных абставінаў вярнуўся ў Беларусь[9] і ў красавіку далучыўся да менскага «Дынама»[10]. У сьнежні 2022 году падоўжыў пагадненьне з сталічным клюбам[11]. У студзені 2024 году падпісаў новы кантракт з дынамаўцамі[12]. У студзені 2025 году пакінуў табар сталічнага «Дынама»[13].
Міжнародная
[рэдагаваць | рэдагаваць крыніцу]У складзе моладзевай зборнай Беларусі правёў 12 гульняў, у тым ліку на чэмпіянаце Эўропы ў Швэцыі ўлетку 2009 году.
У кастрычніку 2015 году быў упершыню выкліканы ў нацыянальную зборную Беларусі[14], але тады гэтак і не згуляў за яе. 1 чэрвеня 2017 году дэбютаваў у складзе нацыянальнай зборнай Беларусі ў таварыскім матчы супраць зборнай Швайцарыі.
Дасягненьні
[рэдагаваць | рэдагаваць крыніцу]- Чэмпіён Беларусі: 2020, 2021, 2023, 2024
- Срэбраны прызэр чэмпіянату Беларусі: 2017, 2018
- Бронзавы прызэр чэмпіянату Беларусі: 2010, 2019
- Уладальнік Кубка Беларусі: 2013, 2019
- Уладальнік Супэркубка Беларусі: 2021
- У сьпісе 22 найлепшых футбалістаў чэмпіянату Беларусі: 2016, 2017, 2019, 2020, 2021, 2023
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2015 | Найвышэйшая ліга | 22 | 0 |
| 2016 | Найвышэйшая ліга | 28 | 6 | |
| Дынама Менск | 2017 | Найвышэйшая ліга | 25 | 3 |
| 2018 | Найвышэйшая ліга | 7 | 0 | |
| Шахцёр Салігорск | 10 | 0 | ||
Крыніцы
[рэдагаваць | рэдагаваць крыніцу]- ^ а б в Aleksandr Sachivko // Transfermarkt (мн.) — 2000.
- ^ а б в Alyaksandr Sachywka // FBref (мн.)
- ^ а б https://dinamo-minsk.by/blr/asnouny-sklad/2022/sachyka-alyaksandr
- ^ Сачивко продлил контракт с «Минском» (рас.)
- ^ Александр Сачивко подписал контракт с минским "Динамо" (рас.)
- ^ Сачивко продолжит в "Динамо" (рас.)
- ^ Сачивко стал игроком "Шахтера" (рас.)
- ^ "Шахтер" объявил о продлении контракта с Сачивко (рас.)
- ^ Александр Сачивко покинул расположение "Текстильщика" (рас.)
- ^ Александр Сачивко вновь стал игроком минского "Динамо" (рас.)
- ^ Минское "Динамо" объявило о продлении соглашения с Сачивко (рас.)
- ^ 38-летний защитник продлил контракт с минским "Динамо" (рас.)
- ^ Александр Сачивко покинул минское "Динамо" (рас.). Football.by (2025-01-03). Праверана 2025-03-02 г.
- ^ Игорь Бурко, Николай Януш и Александр Сачивко вызваны в сборную Беларуси на матч с Македонией (рас.)
Вонкавыя спасылкі
[рэдагаваць | рэдагаваць крыніцу]- Профіль на афіцыйным сайце ФК «Менск» (рас.)
- Профіль на сайце transfermarkt.de (анг.)
- Статыстыка «ПБ-Инфо» (рас.)
- Нарадзіліся 5 студзеня
- Нарадзіліся ў 1986 годзе
- Нарадзіліся ў Менску
- Футбалісты клюбу «Дынама» Менск
- Футбалісты клюбу «Дарыда» Менскі раён
- Футбалісты клюбу «Менск-2»
- Футбалісты клюбу «Менск»
- Футбалісты клюбу «Шахцёр» Салігорск
- Футбалісты моладзевай зборнай Беларусі
- Футбалісты зборнай Беларусі
- Беларускія футбалісты