Леанід Ерын
Леанід Ерын | |
Прэзыдэнт: | Аляксандар Лукашэнка |
---|---|
Прэм’ер-міністар: | Сяргей Сідорскі |
Кіраўнік КДБ РБ | |
лістапад 2000 — 18 лістапада 2004 | |
Прэзыдэнт: | Аляксандар Лукашэнка |
Папярэднік: | Уладзімер Мацкевіч |
Наступнік: | Сьцяпан Сухарэнка |
Асабістыя зьвесткі | |
Нарадзіўся: |
17 лістапада 1951 (72 гады) |
Адукацыя: | |
Узнагароды: |
Леанід Ціханавіч Ерын (нарадзіўся 17 лістапада 1951) — беларускі вайсковы і дзяржаўны дзеяч, старшыня КДБ РБ (2000-2004).
Біяграфія
Нарадзіўся 17 лістапада 1951 году ў горадзе Ворша Віцебскай вобласьці.
Скончыў Беларускі інстытут інжынэраў чыгуначнага транспарта (1973), Чырванасьцяжны інстытут КДБ СССР (1981).
Служыў у Аўганістане (1982 – 1985).
Працаваў на розных пасадах у структурах КДБ СССР, у цэнтральным апараце КДБ Беларусі і Расеі. З лістапада 2000 - старшыня Камітэта дзяржаўнай бясьпекі Рэспублікі Беларусь. 18 лістапада 2004 г. вызвалены ад пасады старшыні Камітэта дзяржаўнай бясьпекі Рэспублікі Беларусь і залічаны ў распараджэньне Камітэта дзяржаўнай бясьпекі Рэспублікі Беларусь.
Званьне — генэрал-маёр.
Стала пражывае ў Маскве. Жанаты, мае сына.
Кар'ера
Працаваў на розных пасадах у структурах КДБ СССР.
У 1975-1986 гг. працаваў на розных пасадах у УКДБ па Віцебскай вобласьці.
У 1982-1985 гг. праходзіў воінскую службу ў Аўганістане.
У 1986-1989 гг. працаваў у цэнтральным апараце КДБ БССР.
У 1989-1995 гг. працаваў у Цэнтральным апараце КДБ СССР у г. Масква, узначальваў Кіраваньне ФСБ РФ па Маскве і Маскоўскай вобласьці.
20 кастрычніка 1995 г. указам №435 прызначаны намесьнікам старшыні Камітэта дзяржаўнай бясьпекі Рэспублікі Беларусь.
20 сьнежня 1995 г. указам №511 палкоўнік Леанід Ціханавіч Ерын прызначаны першым намесьнікам старшыні Камітэта дзяржаўнай бясьпекі Рэспублікі Беларусь і вызвалены ад пасады намесьніка старшыні Камітэта дзяржаўнай бясьпекі Рэспублікі Беларусь.
25 верасьня 2000 г. указам прэзыдэнта прызначаны начальнікам Службы бясьпекі прэзыдэнта.
27 лістапада 2000 г. указам №626 прызначаны старшынёй Камітэта дзяржаўнай бясьпекі Рэспублікі Беларусь (замест Уладзімера Мацкевіча) і вызвалены ад пасады начальніка Службы бясьпекі прэзыдэнта Рэспублікі Беларусь (вакансію 4 сьнежня 2000 г. заняў Генадзь Нявыглас).
21 верасьня 2001 г. Рада міністраў Рэспублікі Беларусь склала паўнамоцтвы перад новаабраным прэзыдэнтам.
25 верасьня 2001 г. указам прэзыдэнта №544 прызначаны старшынёй Камітэта дзяржаўнай бясьпекі Рэспублікі Беларусь.
18 лістапада 2004 г. вызвалены ад пасады старшыні КДБ.
Пераехаў у Маскву. На дадзены момант зьяўляецца дараднікам кіраўніка Расейскіх чыгунак
Узнагароды
Узнагароджаны дзяржаўнымі і ўрадавымі ўзнагародамі. У прыватнасьці, у лютым 1999 г. указам прэзыдэнта Беларусі ўзнагароджаны мэдалём «У памяць 10-годзьдзя вываду савецкіх войскаў з Аўганістану».