Крысьціна Сабаляўскайце
Крысьціна Сабалеўская | |
Kristina Sabaliauskaitė | |
Асабістыя зьвесткі | |
---|---|
Імя пры нараджэньні | Крысьціна Сабалеўская |
Нарадзілася | 1 студзеня 1974 (50 гадоў) |
Літаратурная дзейнасьць | |
Род дзейнасьці | пісьменьніца, журналістка, гістарыца мастацтва |
Гады творчасьці | з 2008 |
Жанр | гістарычны раман |
Дэбют | 2008 |
Значныя творы | Silva rerum I—IV (2008—2016), Petro Imperatorė I—II (2019—2021) |
Крысьці́на Сабаляўска́йце (або Крысьціна Сабалеўская па-летувіску: Kristina Sabaliauskaitė; нар. 1974, Вільня, Летувіская ССР, СССР) ― летувіская пісьменьніца, гістарыца мастацтва.
Жыцьцяпіс[рэдагаваць | рэдагаваць крыніцу]
Нарадзілася ў Вільні ў 1974 годзе.
Выпускніца Віленскай акадэміі мастацтва (1998). Магістратура Віленскай акадэміі мастацтва (1998—2000). Дактарантура Віленскай акадэміі мастацтва (2001—2005). Ганаровая доктарка гэтай акадэміі (2020)[1].
З-за недахопу работы з 2002 году жыве ў Лёндане, дзе робіць у розных установах. Многія насельнікі Жэмойці вымушаныя пакідаць свой край, каб пракарміць сабе.
2003—2005: дадаткова навучалася ва Варбурскім інстытуце (Лёнданскі ўнівэрсытэт)[2].
Да 2010 года працавала замежнай карэспандэнтай у Лёндане і аглядальніцай найбуйнейшай штодзённай газэты Летувы — «Lietuvos rytas»[3].
Творчасьць[рэдагаваць | рэдагаваць крыніцу]
У 2008 годзе яна дэбютавала гістарычным раманам «Silva rerum» (выдавецтва «Baltos lankos»), у якім апісвае жыцьцё шляхецкай сям’і ў 1659—1667 гадах, падчас швэдзкага патопу. Кніга стала бэстсэлерам і была абвешчаная «літаратурнай падзеяй» у Летуве, прызнаная крытыкамі і гісторыкамі, ацэненая за захапляльны аповед і вялікую ўвагу да гістарычных дэталяў. У тым жа годзе аўтарка атрымала прэмію Юргі Іванаўскайце[2].
У 2009 годзе раман «Silva rerum» стаў кнігай году ў Летуве. У 2011 годзе быў напісаны працяг кнігі — «Silva rerum II» пра вялікую чуму падчас Паўночнай вайны 1707—1710 гадоў. Яна таксама стала кнігай году ў Летуве[2].
Піша пераважна на гістарычныя тэмы.
Творы[рэдагаваць | рэдагаваць крыніцу]
- Silva Rerum, romanas — Baltos Lankos, 2008
- Silva Rerum II, romanas — Baltos Lankos, 2011
- Silva Rerum III, romanas — Baltos Lankos, 2014
- Silva Rerum IV, romanas — Baltos Lankos, 2016
- Petro Imperatorė, romanas — Baltos Lankos, 2019
- Petro Imperatorė II, romanas — Baltos Lankos, 2021
- Danielius Dalba & kitos istorijos, trumpų istorijų rinkinys — Baltos Lankos, 2012.
Крыніцы[рэдагаваць | рэдагаваць крыніцу]
- ^ «Žodžių kalba, vaizdų kalba: dailės ir literatūros svarba šiandienos pasaulio kisme». Bernardinai.lt. 25 лютага 2020.
- ^ а б в Vilnijos vartai. «Kristina Sabaliauskaitė». Parengė Danguolė Dainienė (VAVB), 2012; 2017.
- ^ Kristina Sabaliauskaitė. Lietuvos kultūros institutas.