Каляндар Багаі

Каляндар Багаі — каляндар, які выкарыстоўвае вера Багаі. Быў уведзены Бабам, папярэднікам Бахавулы і вядомы зараз як каляндар Бадзі альбо каляндар Багаі. Паводле гэтага календара дзень — гэта пэрыяд часу паміж двума пасьлядоўнымі заходамі сонца. У Баяне Баб зрабіў месяц Ала месяцам Посту. Ён пазначыў, што дзень Наўруза сьведчыць пра сканчэньне гэтага пэрыяду, і абвесьціў Наўруз Божым Днём. Бахавула зацьвердзіў каляндар Бадзі, у якім Наўруз пазначаны як сьвята.

Наўруз — першы дзень новага году. Ён прыпадае на веснавое роўнадзеньне ў паўночным паўшар’і, якое звычайна адбываецца 21 сакавіка. Бахавула тлумачыць, што гэтае сьвята мусіць адзначацца ў той дзень, калі сонца пераходзіць у сузор’е Аўна, нават калі гэта адбываецца ўсяго за хвіліну да заходу сонца. Такім чынам, Наўруз можа прыпасьці на 20, 21 альбо 22 сакавіка, у залежнасьці ад надыходу роўнадзеньня.

Права ўдакладняць шматлікія зь ягоных запаветаў Бахавула перадаў Сусьветнаму Дому справядлівасьці. Сярод іх — і пэўныя пытаньні, якія тычацца календара Багаі. Захавальнік Веры Багаі казаў, што для ўвядзеньня міжнароднага закону пра час сьвяткаваньня Наўруза неабходна вызначыць месца на зямной паверхні, якое б зьяўлялася эталонам для вызначэньня моманту надыходу веснавога роўнадзеньня. Ён таксама зазначыў, што выбраць такое месца даручана Сусьветнаму Дому Справядлівасьці.

Каляндар Бадзі заснаваны на сонечным годзе ў 365 дзён, 5 гадзінаў і 50 дадатковых хвілінаў. Год складаецца зь 19 месяцаў па 19 дзён кожны (такім чынам усяго — 361 дзень) з дадаваньнем чатырох (у высакосны год — пяці) дзён. Баб ня вызначыў дакладнага месца гэтых устаўных дзён у новым календары. У Кітаб-і-Агдам гэтае пытаньне разьвязваецца шляхам замацаваньня за гэтай «рэштай» дзён пастаяннага каляндарнага месца непасрэдна перад месяцам Ала, пэрыядам Посту.

Тыдзень Багаі складаецца зь сямі дзён, выходны — пятніца. Вылучаюцца таксама дзевятнаццацігадовыя цыклі, у якіх кожны год мае сваю назву. Пэрыяд у 361 год (19×19 дзён) называецца Кул-і Шай (па-арабску — «усё існае»).

Месяцы багаі

Арабская назва	Па-арабску	Пераклад	Грэгарыянскія даты
Бахā	بهاء	Пышнасьць	21 сакавіка—8 красавіка
Джалāл	جلال	Слава	9 красавіка—27 красавіка
Джамāл	جمال	Прыгажосьць	28 красавіка—16 траўня
‘Аз̣амат	عظمة	Вялікасьць	17 траўня—4 чэрвеня
Нур	نور	Сьвятло	5 чэрвеня—23 чэрвеня
Рах̣мат	رحمة	Літасьцівасьць	24 чэрвеня—12 ліпеня
Калімāт	كلمات	Словы	13 ліпеня—31 ліпеня
Камāл	كمال	Дасканаласьць	1 жніўня—19 жніўня
Асмā’	اسماء	Імёны	20 жніўня—7 верасьня
‘Ізат	عزة	Моц	8 верасьня—26 верасьня
Машыйят	مشية	Воля	27 верасьня—15 кастрычніка
‘Ільм	علم	Веды	16 кастрычніка—3 лістапада
К̣удрат	قدرة	Магутнасьць	4 лістапада—22 лістапада
К̣аул	قول	Мова	23 лістапада—11 сьнежня
Масā’іль	مسائل	Пытаньні	12 сьнежня—30 сьнежня
Шараф	شرف	Гонар	31 сьнежня—18 студзеня
Султ̣ан	سلطان	Валадарства	19 студзеня—6 лютага
Мульк	ملك	Панаваньне	7 лютага—25 лютага
Аййāм-і Хā'	ايام الهاء	Устаўныя дні	26 лютага—1 сакавіка
‘Алā’	علاء	Узвышанасьць	2 сакавіка—20 сакавіка (месяц Посту)

Сьвятыя Дні Багаі

Імя	Грэгарыянскія даты	Праца прыпыняецца
Наў-Руз (Новы год Багаі)	21 сакавіка	Так
Першы дзень Рыд̣вāна	21 красавіка	Так
Дзявяты дзень Рыд̣вāна	29 красавіка	Так
Дванаццаты дзень Рыд̣вāна	2 траўня	Так
Апавяшчэньне Баба	23 траўня	Так
Узьнясеньне Бахавулы	29 траўня	Так
Пакутніцкая сьмерць Баба	9 ліпеня	Так
Дзень народзінаў Баба	20 кастрычніка	Так
Дзень народзінаў Бахавулы	12 лістапада	Так
Дзень Запавету	26 лістапада	Не
Узьнясеньне Абдул-Баха	28 лістапада	Не

Тыдзень Багаі

Арабская назва	Па-арабску	Пераклад	Дзень тыдня
Джалāль	جلال	Слава	субота
Джамāль	جمال	Прыгажосьць	нядзеля
Камāль	كمال	Дасканаласьць	панядзелак
Фід̣āль	فضال	Ласка	аўторак
‘Ідāль	عدال	Справядлівасьць	серада
Істыджлāль	استجلال	Вялікасьць	чацьвер
Істык̣лāль	استقلال	Незалежнасьць	пятніца

Вāх̣ід і Кул-і Шай’

У календары Багаі таксама існуюць 19-гадовыя цыклі, якія называюцца «Вāх̣ід», і 361-гадовыя (19×19) цыклі, якія называюцца Кул-і Шай’ (літаральна — «усё існае»). Дзявяты Вāх̣ід першага Кул-і Шай’ пачаўся ў 1996 годзе. Другі Кул-і Шай’ пачнецца 21 сакавіка 2205 году. Годазьлічэньне вядзецца ад 1844 году.

Назвы гадоў у Вāх̣ідах:

№	Арабская назва	Па-арабску	Пераклад
1	Аліф	أﻟﻒ	А
2	Бā’	باء	Б
3	Аб	أب	Бацька
4	Дāль	دﺍﻝ	Д
5	Бāб	باب	Вароты
6	Вāв	وﺍو	В
7	Абад	أبد	Вечнасьць
8	Джāд	جاد	Шчодрасьць
9	Бахā'	بهاء	Пышнасьць
10	Х̣уб	حب	Любоў
11	Багāдж	بهاج	Цудоўны
12	Джавāб	جواب	Адказ
13	Ах̣ад	احد	Адзіны
14	Вагāб	وﻫﺎب	Багацьце
15	Відāд	وداد	Зьвязанасьць
16	Бады‘	بديء	Пачатак
17	Бахі	بهي	Прамяністы
18	Абхā	ابهى	Найпрамяністы
19	Вāх̣ід	واحد	Адзінства