Рэшаў

	Жэшаў
	Rzeszów
	; Жэшаў, стары горад
Герб Жэшава	Сьцяг Жэшава
Першыя згадкі:	XI ст.
Горад з:	1354
Прэзыдэнт гораду:	Тадэўш Фэрэнц
Плошча:	116,36 км²
Вышыня:	197—384 м м н. у. м.
Насельніцтва (2010); • колькасьць:; • шчыльнасьць:	; 177 862; 1528,5
Часавы пас:; • летні час:	UTC+1 ; UTC+2
Тэлефонны код:	+(48) 17
Паштовы індэкс:	з 35-001 да 35-959
Аўтамабільны код:	RZ
Геаграфічныя каардынаты:	50°02′01″ пн. ш. 22°00′17″ у. д. / 50.03361° пн. ш. 22.00472° у. д.Каардынаты: 50°02′01″ пн. ш. 22°00′17″ у. д. / 50.03361° пн. ш. 22.00472° у. д.
	Жэшаў на мапе Польшчы Жэшаў
	Галерэя здымкаў у Wikimedia Commons
	www.rzeszow.pl

Жэ́шаў (па-польску: Rzeszów) — горад у паўднёва-усходняй Польшчы, зьяўляецца адміністрацыйным цэнтрам Падкарапацкага ваяводзтва і Жэшаўскай дыяцэзіі. Жэшаў утварае гарадзкую акругу, а таксама зьяўляецца адміністрацыйным цэнтрам Жэшаўскага павету. Колькасьць насельніцтва налічвае 177 862 чалавекі^[1].

Горад зьяўляецца адміністрацыйным, прамысловым, гандлёвым, адукацыйным і культурным цэнтрам паўднёва-ўсходнай Польшчы. Тут знаходзіцца міжнародны аэрапорт, а таксама Падкарпацкі навукова-тэхналягічны парк, дзейнасьць якога скіраваная на разьвіцьцё высокатэхналягічнай прамысловасьці. У Жэшаве знаходзяцца буйныя дзяржаўныя навучальныя ўстановы: Жэшаўскі ўнівэрсытэт і Жэшаўскі політэхнічны інстытут імя Ігнацыя Лукасевіча. Акрамя гэтага дзейнічаюць прыватныя навучальныя ўстановы, буйнейшай зь якіх зьяўляецца Вышэйшая школа Інфармацыйных тэхналёгіяў і кіраваньня. У Жэшаве знаходзяцца тры консульскія ўстановы (нямецкая, славацкая і ўкраінская).

Праз горад праходзяць чыгуначныя лініі Дрэздэн — Кіеў, Беласток — Кошыцэ. Прыкладна ў 100 км ад Жэшава праходзяць дзяржаўныя межы з Украінай і Славаччынай.