Дабраслаўка

Дабраслаўка
трансьліт. Dabraslaŭka
Сьвята-Траецкая царква
Краіна:	Беларусь
Вобласьць:	Берасьцейская
Раён:	Пінскі
Сельсавет:	Бабрыкоўскі
Насельніцтва:	348 чал. (2009)
Часавы пас:	UTC+3
Тэлефонны код:	+375 165
Паштовы індэкс:	225742
Нумарны знак:	1
Геаграфічныя каардынаты:	52°24′0″ пн. ш. 26°15′0″ у. д.
Дабраслаўка на мапе Беларусі ± Дабраслаўка Дабраслаўка
Галерэя здымкаў у Вікісховішчы

Дабрасла́ўка — вёска ў Пінскім раёне Берасьцейскай вобласьці. Уваходзіць у склад Бабрыкоўскага сельсавету. Празь вёску праходзіць аўтастрада Ганцавічы — Лагішын Р105. Празь вёску цячэ ручай, які ўліваецца ў вёску Вісьліца.

Гісторыя

Першая пісьмовая згадка ў 1657 годзе. Вёска зьяўлялацца даўняй уласнасьцю князёў Друцкіх-Любецкіх, на сродкі якіх ў 1758 годзе была пабудавана Траецкая царква.

У XIX стагодзьдзі — цэнтар воласьці Пінскага павету (17 вёсак з 1229 жыхарамі).

Падчас Першай сусьветнай вайны 10 верасьня 1915 году (па старым стылі) у царкве прайшла імша па загінулай недалёка ад вёскі сястры міласэрнасьці 105-га пяхотнага Арэнбурскага палка Рымы Івановай — адзінай у гісторыі Расеі жанчыны, узнагароджанай ордэнам Сьвятога Георгія 4-й ступені.

У 1920—1930-я гады цэнтар гміны, у якую ўваходзілі вёскі Бобрык, Канатоп, Ліпнікі, Малая Плотніца, Пласкіна, Багны, Церабень, Чухава, Задуб’е, шэраг прыватных уладаньняў і хутароў. Мясцовы маёнтак належаў Веры Хамянтоўскай, а пасьля яе сынам Аляксею і Дзьмітрыю.

У 1944 годзе фашысты спалілі 67 двароў і забілі 16 жыхароў.

Насельніцтва

• XX стагодзьдзе: 1998 год — 507 жыхароў, 245 двароў; 1999 год — 485 жыхароў
• XXI стагодзьдзе: 2005 год — 429 жыхароў, 220 двароў; 2009 год — 348 жыхароў

Славутасьці

• Сьвята-Траецкая царква (XVIII стагодзьдзе) —  Гісторыка-культурная каштоўнасьць Беларусі, шыфр 112Г000558
• Драўляная капліца на могілках

Вонкавыя спасылкі

• Дабраслаўка  (рас.), Глёбус Беларусі
• Дабраслаўка , Radzima.org