Ганна Сьвятаслаўна

Ганна Сьвятаслаўна
	Ганна Сьвятаслаўна
	Ганна Сьвятаслаўна. Т. Нарбут, каля 1839
Дата нараджэньня	1350-е
Месца нараджэньня	Смаленск, Смаленскае княства;
Дата сьмерці	31 жніўня 1418
Месца сьмерці	Троцкі астраўны замак, Трокі, Вялікае Княства Літоўскае;
Месца пахаваньня	Касьцёл Сьвятых Станіслава і Ўладзіслава;
Бацька	Сьвятаслаў Іванавіч[d]
Муж	Вітаўт
Дзеці	Соф’я
	Ганна Сьвятаслаўна ў Вікісховішчы

Ганна Сьвятаслаўна (? — 31 жніўня 1418) — вялікая княгіня літоўская, жонка Вітаўта.

Біяграфія[рэдагаваць | рэдагаваць крыніцу]

Згодна з найбольш пашыраным меркаваньне была дачкой вялікага князя смаленскага Сьвятаслава Іванавіча (1358—1386)^[1].

Паводле крыжацкага паведамленьня, шлюб Вітаўта і Ганны адбыўся яшчэ пры жыцьці вялікага князя літоўскага Альгерда (памёр у 1377). Відаць, вясельле адбылося ў 1360-я, калі Вітаўт быў удзельным князем берасьцейскім.

У 1382 спрыяла ўцёкам мужа зь вязьніцы, куды яго пасадзіў Ягайла. У 1392 абяцала пры набыцьці Вітаўтам пасады вялікага князя літоўскага, што яе муж выканае ўмовы прысягі, прынесенай ім каралю польскаму Ягайле і Кароне Польскай.

Мела дачку Соф’ю Вітаўтаўну, выдадзеную замуж за вялікага князя маскоўскага Васіля Дзьмітрыевіча, а таксама іншых дзяцей, пэўных зьвестак пра якіх не захавалася.

Пахавалі вялікую княгіню ў Віленскім катэдральным касьцёле.

Крыніцы[рэдагаваць | рэдагаваць крыніцу]

^ Ганна Святаслаўна // ВКЛ. Энцыкл. — Мн.: 2010 Т. 3. С. 155.

Літаратура[рэдагаваць | рэдагаваць крыніцу]

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2010. — Т. 3: Дадатак А — Я. — 690 с. — ISBN 978-985-11-0487-7

[1] Ганна Святаслаўна // ВКЛ. Энцыкл. — Мн.: 2010 Т. 3. С. 155.

[1]