Вікторыя Азаранка

	Вікторыя Азаранка
Краіна	Беларусь
Пражывае ў	Монтэ-Карлё, Манака
Нарадзілася	31 ліпеня 1989 (35 гадоў); Менск, Беларуская ССР, СССР
Рост	183 см
Вага	66 кг
Пачатак кар’еры	2003
Працоўная рука	правая, бэк-гэнд абодвума
Прызавыя грошы	$26 068 236
Адзіночны разрад
Матчаў	446–164
Тытулаў	19 WTA, 1 ITF
Найвышэйшы рэйтынг	1 (30 студзеня 2012)
Турніры Вялікага шлему
Аўстралія	пераможца (2012)
Францыя	паўфінал (2013)
Ўімбэлдан	паўфінал (2011, 2012)
ЗША	фінал (2012, 2013)
Асноўныя турніры
WTA	фінал (2011)
Алімпіяда	бронза (2012)
Парны разрад
Матчаў	136–51
Тытулаў	6 WTA, 3 ITF
Найвышэйшы рэйтынг	7 (7 ліпеня 2008)
Турніры Вялікага шлему ў пары
Аўстралія	фінал (2007)
Францыя	пераможца (2008)
Ўімбэлдан	чвэрцьфінал (2008)
ЗША	пераможца (2007)
	Вікторыя Азаранка ў Вікісховішчы

Вікто́рыя Фёдараўна Аза́ранка (нарадзілася 31 ліпеня 1989 году, Менск, цяпер Беларусь) — беларуская тэнісістка. Жыве і трэніруецца ў Монтэ-Карлё (Манака). Заслужаны майстар спорту Рэспублікі Беларусь (2010)^[2].

Жыцьцяпіс

У 1996 г. пачала займацца тэнісам у 7 гадоў. У кастрычніку 2004 г. збройнае прадпрыемства «Белтэхэкспарт» Уладзімера Пефціева аплаціла пераезд Вікторыі Азаранкі і Вольгі Гаварцовай у Марбэльлю (аўтаномная супольнасьць Андалюзія, Гішпанія) для заняткаў у мясцовай тэніснай акадэміі. Падрыхтоўкай Вікторыі заняўся нямецкі трэнэр, які раней працаваў са Штэфі Граф. У 2009 г. за кошт расейскага хакеіста Мікалая Хабібуліна(ru) пераехала ў Скотсдэйл (штат Арызона, ЗША) для заняткаў з трэнэрам Сэмам С’юмікам, які дагэтуль рыхтаваў расейскую тэнісістку Веру Званарову(ru)^[3].

Дасягненьні

Юніёрскі этап

Пераможца Адкрытага чэмпіянату ЗША (2005) у юніёрскім разрадзе. Пераможца юніёрскага (да 18 гадоў) Адкрытага чэмпіянату Аўстраліі ў 2005 годзе ў адзіночным і парным разрадах. У парным разрадзе сярод юніёрак Вікторыя Азаранка таксама перамагла ў Адкрытым чэмпіянаце Францыі ў 2005 годзе (разам з вугоркай Агнэш Савай), і на Ўімбэлдане ў 2004 годзе (разам зь беларускай Вольгай Гаварцовай). На 2005 год у юніёрскім разрадзе Вікторыя Азаранка мела шэсьць тытулаў у адзіночцы (і яшчэ дзесяць у парным разрадзе), зьяўлялася чэмпіёнкай Эўропы ў парным разрадзе сярод 14-гадовых і пераможцай каманднага Кубку Эўропы да 14 і 16 гадоў. У 2005 годзе стала чэмпіёнкай сьвету сярод юніёрак па вэрсіі Міжнароднай тэніснай фэдэрацыі (ITF).

Першы нумар юніёрскага рэйтынгу (2005).

Прафэсійная кар’ера

Пераможца турніраў WTA Tour у адзіночным выступе:

Пераможца Адкрытага чэмпіянату ЗША (2007) (разам з Максімам Мірным) і Адкрытага чэмпіянату Францыі — 2008 (разам з Бобам Браянам).
Пераможца Адкрытага чэмпіянату Аўстраліі (Мэльбурн, 2012) у адзіночным разрадзе. У выніку гэтай перамогі ўзьнялася на першы радок рэйтынгу WTA і зарабіла $2,3 млн^[3].
Пераможца Адкрытага чэмпіянату Аўстраліі (Мэльбурн, 2013) у адзіночным разрадзе.
Найвышэйшае месца ў рэйтынгу WTA (адзіночны выступ) — 1-е (30 студзеня 2012)
Найвышэйшае месца ў рэйтынгу WTA (парны выступ) — 7-е (7 ліпеня 2008).

Дзяржаўныя ўзнагароды

Ордэн Айчыны III ступені (2012)^[4]

Крыніцы

^ Виктория Азаренко выиграла Australian Open и стала первой ракеткой мира (рас.)
^ Указ Прэзідэнта Рэспублікі Беларусь ад 29 ліпеня 2010 г. № 394 «Аб узнагароджанні дзяржаўнымі ўзнагародамі Рэспублікі Беларусь»(недаступная спасылка)
^ ^а ^б Алена Аўчыньнікава. «Я галодная да перамог» // Зьвязда : газэта. — 31 студзеня 2012. — № 19 (27134). — С. 1-2. — ISSN 1990-763x.
^ Указ Президента Республики Беларусь от 28 января 2012 г. № 44 «Аб узнагароджанні В.Ф.Азаранка ордэнам Айчыны III ступені» (1/13270)

Вонкавыя спасылкі

Вікторыя Азаранка — сховішча мультымэдыйных матэрыялаў

[1] Виктория Азаренко выиграла Australian Open и стала первой ракеткой мира (рас.)

[2] Указ Прэзідэнта Рэспублікі Беларусь ад 29 ліпеня 2010 г. № 394 «Аб узнагароджанні дзяржаўнымі ўзнагародамі Рэспублікі Беларусь»(недаступная спасылка)

[з-3] а ^б Алена Аўчыньнікава. «Я галодная да перамог» // Зьвязда : газэта. — 31 студзеня 2012. — № 19 (27134). — С. 1-2. — ISSN 1990-763x.

[4] Указ Президента Республики Беларусь от 28 января 2012 г. № 44 «Аб узнагароджанні В.Ф.Азаранка ордэнам Айчыны III ступені» (1/13270)

[1]

[2]

[3]

[4]

п а р 10 наймацнейшых беларускіх тэнісістак паводле рэйтынгу Жаночай тэніснай асацыяцыі
1. Арына Сабаленка (2 ) 2. Вікторыя Азаранка (19 ) 3. Аляксандра Сасновіч (99 ) 4. Вольга Гаварцова (136 ) 5. Юлія Гатоўка (249 )
6. Ганна Кубарава (332 ) 7. Вера Лапко (360 ) 8. Ірына Шымановіч (369 ) 9. Шалімар Тальбі (372 ) 10. Вікторыя Канапацкая (790 )
Месцы ў рэйтынгу прыведзеныя на 23 жніўня 2021 году