Васіль Стражаў

Васіль Стражаў
	Васіль Стражаў
Род дзейнасьці	фізык, выкладчык
Дата нараджэньня	26 ліпеня 1944 (80 гадоў)
Месца нараджэньня	Каменск, Палтаўская вобласьць, УССР
Месца вучобы	Фізычны факультэт БДУ[d] (сьнежань 1966);
Занятак	фізык, матэматык
Навуковая сфэра	фізыка
Месца працы	Інстытут фізыкі; БДУ;
Узнагароды	;

Вікіпэдыя мае артыкулы пра іншых асобаў з прозьвішчам Стражаў.

Васі́ль Іва́навіч Стра́жаў (нарадзіўся 26 ліпеня 1944 году ў Каменску, Палтаўская вобласьць) — беларускі фізык, пэдагог. Доктар фізыка-матэматычных навук, прафэсар, рэктар Беларускага дзяржаўнага ўнівэрсытэту (2003—2008), старшыня Рады па супрацоўніцтве ў вобласьці адукацыі краінаў СНД. Чалец Расейскай акадэміі адукацыі.

Біяграфія

Васіль Іванавіч Стражаў нарадзіўся 26 ліпеня 1944 году ў Каменску Палтаўскай вобласьці УССР. Пайшоў у школу ў г. Крупкі Менскай вобласьці ў 1951 годзе. У 1961 годзе скончыў сярэднюю школу № 22 у Менску ды паступіў на фізычны факультэт БДУ. Падчас вучобы ва ўнівэрсытэце заняўся вывучэньнем праблемы існаваньня магнітна-зараджаных часьціц пад кіраўніцтвам Льва Тамільчыка. У 1966 годзе скончыў БДУ, у 1970 годзе — асьпірантуру Інстытуту фізыкі Акадэміі навук БССР, пасьля чаго працаваў старэйшым інжынэрам-канструктарам гэтага інстытуту. Займаў пасаду вучонага сакратара Аддзяленьня фізыка-матэматычных навук АН БССР^[4]. Ад 1997^[5] да 2001 году — міністар адукацыі Беларусі.

Васіль Стражаў узначальваў БДУ ад 2003 да 2008 году, пасьля звальненьня з гэтай пасады Аляксандра Казуліна. Прадстаўляць калектыву новага рэктара прыйшоў міністар адукацыі Аляксандар Радзькоў.

Сярод чыньнікаў адстаўкі Васіля Стражава называюць ягоны ўзрост. Праз год яму мусіла споўніцца 65 гадоў — лімітавы ўзрост для кіраўніцтва дзяржустановай. Тым больш што ў лютым у Васіля Іванавіча сканчаўся кантракт.

4 лістапада 2008 году Васіль Стражаў узначаліў Рэспубліканскі інстытут кітаязнаўства імя Канфуцыя (дагэтуль ён кіраваў ім на грамадзкіх пачатках).

Сям’я

Жанаты, мае дачку і двух унукаў.

Папярэднік Аляксандар Казулін	Рэктар Беларускага дзяржаўнага ўнівэрсытэту 2003—2008	Наступнік Сяргей Абламейка

Крыніцы

^ Василий Иванович Стражев — БДУ.
^ Белорусские имена в науке (Физика, физико-технические науки, астрономия) Краткий биографический справочник
^ 2003 Стражев Василий Иванович — БДУ.
^ Веснік Беларускага дзяржаўнага універсітэта. Серыя 1. №3/2004. с. 112.
^ Указ Президента Республики Беларусь N 46 «О назначении В.И.Стражева Министром образования Республики Беларусь» 13 января 1997 г.

Вонкавыя спасылкі

[_54d1ee527d1f7c87-1] Василий Иванович Стражев — БДУ.

[_dc3f1efbc6b848ca-2] Белорусские имена в науке (Физика, физико-технические науки, астрономия) Краткий биографический справочник

[_79bc5968c934db3a-3] 2003 Стражев Василий Иванович — БДУ.

[4] Веснік Беларускага дзяржаўнага універсітэта. Серыя 1. №3/2004. с. 112.

[5] Указ Президента Республики Беларусь N 46 «О назначении В.И.Стражева Министром образования Республики Беларусь» 13 января 1997 г.

[1]

[2]

[3]

[4]

[5]