Сяргей Маскевіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сяргей Маскевіч
5-ы міністар адукацыі Рэспублікі Беларусь
29 сьнежня 2010 — 27 сьнежня 2014
Прэзыдэнт: Аляксандар Лукашэнка
Прэм’ер-міністар: Міхаіл Мясьніковіч
Папярэднік: Аляксандар Радзькоў
Наступнік: Міхаіл Жураўкоў
Дэпутат Палаты прадстаўнікоў Нацыянальнага сходу Рэспублікі Беларусь
27 кастрычніка 2004 — 29 сьнежня 2010
Прэзыдэнт: А.Лукашэнка
Прэм’ер-міністар: Сяргей Сідорскі
Асабістыя зьвесткі
Нарадзіўся: 1 жніўня 1953 (66 гадоў)
в. Быкаўка, Шчучынскі раён Гарадзенская вобласьць, Беларуская ССР, СССР
Адукацыя: Гарадзенскі пэдагагічны інстытут (1974)

Сярге́й Алякса́ндравіч Маске́віч (нар. 1953; в. Быкаўка, Шчучынскі раён, Гарадзенская вобласьць, цяпер Беларусь) — беларускі палітык. Доктар фізыка-матэматычных навук (1996), прафэсар (1997)[1]. 5- ы міністар адукацыі Рэспублікі Беларусь (2010—2014). Акадэмік Міжнароднай акадэміі адукацыі.

Жыцьцяпіс[рэдагаваць | рэдагаваць крыніцу]

У 1974 г. скончыў Гарадзенскі дзяржаўны пэдагагічны інстытут імя Я. Купалы па спэцыяльнасьці «фізыка». Навучаўся ў асьпірантуры Інстытуту біяхіміі Акадэміі навук БССР. У 1983 годзе абараніў кандыдацкую дысэртацыю па фізыка-матэматычных навуках. Затым працаваў на катэдры агульнай і тэарэтычнай фізыкі Гарадзенскага дзяржаўнага ўнівэрсытэту (ГрДУ) лябарантам, старшым лябарантам, старшым інжынэрам, старшым навуковым супрацоўнікам, старшым выкладчыкам і дацэнтам. У 1995 годзе абараніў доктарскую дысэртацыю па фізыка-матэматычных навуках і стаў прарэктарам ГрДУ па навуковай працы. З 1 лістапада 1997 г.[1] па 2005 год быў рэктарам Гарадзенскага дзяржаўнага ўнівэрсытэту імя Я. Купалы.

Быў дэпутатам Гарадзенскага абласнога савету дэпутатаў 23-га і 24-га скліканьняў. З кастрычніка 2004 году па сьнежань 2010-га быў дэпутатам Палаты прадстаўнікоў Нацыянальнага сходу Рэспублікі Беларусь 3-га і 4-га скліканьняў, дзе займаў пасаду старшыні Пастаяннай камісіі па міжнародных справах і сувязях з СНД[2]. З 29 сьнежня 2010 году па 27 сьнежня 2014-га займаў пасаду міністра адукацыі Рэспублікі Беларусь[3]. На 2012 г. быў аўтарам больш як 270 навуковых працаў па фізыцы малекулаў і мэнэджмэнту ў адукацыі. Вядомы дасьледаваньнямі ў галіне спэктраскапіі складаных біяарганічных малекулаў, оптыкі нанакампазытных паўправадніковых і мэталічных матэрыялаў. Распрацаваў мэтад спэктраскапіі гіганцкага камбінацыйнага расьсейваньня сьвятла[1].

З 2015 году ўзначальвае Міжнародны экалягічны інстытут БДУ.

Крыніцы[рэдагаваць | рэдагаваць крыніцу]

  1. ^ а б в Надзея Нікалаева. «Выпускны вечар перавярнуў усё мае жыцьцё» // Зьвязда : газэта. — 9 чэрвеня 2012. — № 109 (27224). — С. 2. — ISSN 1990-763x.
  2. ^ Маскевіч Сяргей Аляксандравіч // Зьвязда : газэта. — 30 сьнежня 2010. — № 255 (26863). — С. 1. — ISSN 1990-763x.
  3. ^ Урад разагнаны. На месца Мясніковіча і Ермаковай прызначаныя Кабякоў і Калавур, на месца Кабякова — Косінец. Наша Ніва (27 сьнежня 2014). Праверана 28 сьнежня 2014 г.<