Васіль Дэбіш

	Васіль Дэбіш
Асабістыя зьвесткі
Нарадзіўся	22 ліпеня 1962 (62 гады); Шамятоўка[d], Вердаміцкі сельсавет, Сьвіслацкі раён, Гарадзенская вобласьць, БССР, СССР;
Літаратурная дзейнасьць
Род дзейнасьці	паэт
Узнагароды	Мядовая прэмія (2012) Літаратурная прэмія імя Ўладзімера Калесьніка[d] (2019)

Васі́ль Дэ́біш (нар. 22 ліпеня 1962, вёска Шамятоўка, Сьвіслацкі раён Гарадзенскай вобласьці) — беларускі паэт.

Жыцьцяпіс

Нарадзіўся ў сялянскай сям’і. Навучаўся ў Мсьціслаўскай сярэдняй школе, якую скончыў у 1979 годзе. Па сканчэньні школы працаваў на чыгунцы манцёрам пуці, кіроўцам у калгасе «Гнезна». З 1980 па 1982 год служыў у войску ў горадзе Кушка (Туркмэністан). З 1982 па 1987 год навучаўся ў Менскім інстытуце культуры па спэцыяльнасьці культурна-асьветніцкая работа. Пасьля ягонага сканчэньня працаваў дырэктарам клюбу Берасьцейскага мясакамбінату з 1987 па 1989 год. З 1990 году і па гэты час працуе выхавацелем у Берасьцейскім прафэсыйна-тэхнічным каледжы сфэры абслугоўваньня. Жыве ў Берасьці.

Творчасьць

Першая публікацыя ў 1987 годзе ў часопісе «Маладосьць». Друкаваўся ў штотыднёвіку «Літаратура і мастацтва», часопісе «Беларусь», альманаху «Дзень паэзіі», зборніках «Матчына слова», «Берасьцейскія карані», «Паўлюк Багрым».

Аўтар зборнікаў вершаў «Белыя птахі» (1993), «Лісты да Марыі» (1996), «Праз дождж» (2012), «Чуйнар» (2015).

Узнагароды

Ляўрэат Мядовай прэміі^[1] за кнігу «Праз дождж»^[2] (2012)

Крыніцы

^ Янкевіч, Сямён (27 сакавіка 2013) Мы ёсьць! Пісьменьніцкія вынікі і далягляды. Брестский курьер. Праверана 23 красавіка 2015 г.
^ Праз дождж. Камунікат.орг. Праверана 23 красавіка 2015 г.

[1] Янкевіч, Сямён (27 сакавіка 2013) Мы ёсьць! Пісьменьніцкія вынікі і далягляды. Брестский курьер. Праверана 23 красавіка 2015 г.

[2] Праз дождж. Камунікат.орг. Праверана 23 красавіка 2015 г.

[1]

[2]