Кастусь Жмінько

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Кастусь Жмінько
Асабістыя зьвесткі
Нарадзіўся 17 лютага 1941
Сьцяг Беларускай Савецкай Сацыялістычнай Рэспублікі Пугачова Берасьцейскага раёну Берасьцейскай вобласьці
Памёр 13 красавіка 2015
Сьцяг Беларусі Берасьце
Літаратурная дзейнасьць
Род дзейнасьці паэт, мастак
Мова беларуская

Касту́сь (Канстанці́н Хве́даравіч) Жмінько́ (17 лютага 1941, вёска Пугачова, цяпер у Берасьці — 13 красавіка 2015, Берасьце[1]) — беларускі паэт, мастак.

Жыцьцяпіс[рэдагаваць | рэдагаваць крыніцу]

Скончыў сярэднюю школу № 4 м Берасьця. Працаваў на будоўлях электрамантажнікам. Служыў электрыкам-падводнікам у ВМФ СССР. Пасьля службы працаваў мастаком кінатэатраў гораду, мытнікам.

Навучаўся на факультэце мовы і літаратуры Берасьцейскага пэдагагічнага інстытуту імя А. С. Пушкіна, які скончыў у 1967. Накіраваны на службу ў праваахоўныя органы. У лістападзе 1994 у званьні палкоўніка з пасады начальніка аддзела абласное ўправы ўнутраных справаў выйшаў на пэнсію.

Сябра Саюзу беларускіх пісьменьнікаў (з 2008).

Творчасьць[рэдагаваць | рэдагаваць крыніцу]

Паасобныя творы друкаваліся ў пэрыёдыцы з 1970-х, а таксама ў калектыўных зборніках «Берасцейскія карані» (1993), «Дзядзінец» (1999, зборнік паэзіі Берасьцейшчыны), «Верш на Свабоду» (2002), «3 прыродаю зліўшыся душою» (2002), «Белавежская пушча ў духоўнай і культурнай спадчыне беларусаў» (2003). Аўтар кніг паэзіі «Між вамі…» (1999), «Кастусь казаў» (2008), «Наканаваны неспакой» (2008).

Маляваў таксама пэйзажы.

Узнагароды[рэдагаваць | рэдагаваць крыніцу]

Узнагароджаны ганаровымі граматамі, шэрагам мэдалёў, імя занесена ў «Кнігу гонару» МУС БССР.

Ляўрэат літаратурнай Мядовай прэміі (2008) за зборнікі паэзіі «Кастусь казаў» і «Наканаваны неспакой».

Крыніцы[рэдагаваць | рэдагаваць крыніцу]

  1. ^ Кастусь Жмінько Камунікат.орг Праверана 16 красавіка 2015 г.

Вонкавыя спасылкі[рэдагаваць | рэдагаваць крыніцу]