Бэйб

	Бэйб
	па-ангельску: Babe
Жанр	кінакамэдыя, экранізацыя літаратурнага твору[d] і драматычны фільм
Рэжысэр	Крыс Нунан[d];
Сцэнарыст	Джордж Мілер[d]; Крыс Нунан[d];
Заснаваны на	The Sheep-Pig[d]
Прадусар	Біл Мілер[d]; Джордж Мілер[d];
У ролях	Джэймз Кромўэл[d]; Магда Шубанскі[d]; Брытані Бірнз[d]; Тына Ліфард[d]; Патрыка Дарба[d]; Пол Годард[d]; Маршал Нап’ер[d]; Рос Бэглі[d]; Разана Гуфман[d];
Дыктар	Роска Лі Браўн[d]
Кампазытар	Найджэл Ўэстлэйк[d];
Апэратар	Эндру Лэсьні[d];
Мантаж	Маркус Д’Арсі[d]
Вытворчасьць	Kennedy Miller Mitchell[d]
Распаўсюд	Universal Pictures
Дата выхаду	1995 і 7 сьнежня 1995
Працягласьць	92 хвіліна
Краіна	Аўстралія; ЗША;
Мова	ангельская мова
Прыбытак	254 100 000 $ і 36 776 544 A$
Наступны	Babe: Pig in the City[d]
	Старонка на IMDb

«Бэйб» (па-ангельску: Babe) — сямейны камэдыйна-драматычны фільм 1995 году рэжысэра Крыса Нунана. Прадусарам фільму выступіў Джордж Мілер, а сцэнар стварылі рэжысэр і прадусар ўдваёх. Галоўныя ролі выканалі Джэймз Кромўэл і Магда Шубанскі. Фільм ёсьць адаптацыяй раману Дыка Кінга-Сьміта «Пастухоўская сьвіньня» 1983 году, які распавядае гісторыю пра сьвіньню, якую вырошчваюць як жывёлу, якая хоча выконваць працу аўчаркі. Галоўныя пэрсанажы жывёлаў былі як сапраўдныя, гэтак і анімацыяваныя сьвіньні і бордэр-кольлі^[6].

Пасьля сямі гадоў распрацоўкі\, фільм быў зьняты ў Робэртсане, Новы Паўднёвы Ўэйлз, Аўстралія^[7]. Візуальныя эфэкты, як то жывёлы, якія размаўляюць, былі зроблены студыямі Rhythm & Hues Studios і Jim Henson's Creature Shop. Фільм меў і пракатны і крытычны посьпех. У сьвеце ён зарабіў 254 мільёны даляраў і атрымаў сем намінацыяў на «Оскар», у тым ліку перамогу за найлепшыя візуальныя эфэкты. У 1998 годзе выйшаў працяг фільму працы рэжысэра Мілера «Бэйб: Сьвіньня ў горадзе».

Сюжэт

Маленькае асірацелае парася, было абраные дзеля ўдзелу ў конкурсе «адгадай вагу» на вясковым кірмашы. Фэрмэр, які перамог у конкурсе, Артур Гогет, прыводзіць меленькую сьвіньню дадому і дазваляе яму знаходзіцца ў хляве разам з бордэр-кольлі Флай, а таксама ейным партнэрам Рэксам і іхнымі шчанюкамі.

Качка па імені Фэрдынанд, якая галасіць пеўнем кожную раніцу, каб разбудзіць людзей, каб ён лічыўся карысным і пазбавіўся ад рызыкі быць зьедзеным, угаворвае Бэйба дапамагчы яму зьнішчыць будзільнік, які пагражае ягонае місіі. Не зважаючы на посьпех у гэтае задуме, яны будзяць котку Гогетаў, і ў разгубленасьці яна выпадкова перагортвае рэчы ў гасьцёўні. На сустрэчы ў хляве Рэкс строга загадвае Бэйбу трымацца далей ад Фэрдынанда, які ўцёк з фэрмы, і дома. Некалі пазьней, калі шчанюкоў Флай выстаўляюць на продаж, Бэйб пытаецца, ці можа ён назваць яе «мамай».

На Каляды ў госьці да Гогетаў наведваюцца іхныя сваякі. На вячэру гаспадыня плянуе прыгатаваць Бэйба, але замест гэтага яна выбірае качку пасьля таго, як Гогет кажа жонцы Эсьме, што Бэйб можа прынесьці ім прыз за найлепшую вяндліну на наступным вясковым кірмашы. На Каляды Бэйб апраўдвае сваё існаваньне тым, што папярэджвае Гогета пра выкраданьне авечак, якія пасьвілісь на палёх. На наступны дзень Гогет бачыць, як Бэйб сартуе курэй, аддзяляючы карычневых ад белых. Уражаны, ён выводзіць яго на палі і дазваляе паспрабаваць пасьвіць авечак. Падбадзёраны старэйшай авечкай на імя Маа, авечкі супрацоўнічаюць з Бэйбам, але Рэкс разглядае дзеяньні Бэйба як ягоную абразу авечак і спрачаецца з Флай, якая спрабуе дапамагчы парсюку. Рэкс накідваецца на Флай і кусае яе за лапу, але выпадкова кусае руку Гогета, калі той спрабуе ўмяшацца. Пасьля здарэньня Рэкса прыкоўваюць да заканурка, пакідаючы працу Бэйбу.

Аднойчы раніцай Бэйб абуджаецца праз крыкі авечак і знаходзіць трох сабак, якія нападаюць на іх. Хоць яму ўдаецца іх адпудзіць, Маа сьмяротна траўмаваная і ў выніку памірае. Прыходзіць Гогет і, думаючы, што гэта Бэйб забіў яе, рыхтуецца застрэліць парсючка. Флай хоча даведацца, вінаваты ён ці невінаваты, і замест таго, каб загадаць авечкам сказаць праўду, што ёсьць звычайным для бордэр-кольлі, яна размаўляе зь імі нароўных, каб даведацца, што здарылася. Высьветліўшы праўду, яна брэша, каб адцягнуць увагу Гогета, затрымліваючы яго, пакуль не зьяўляецца Эсма і не згадвае мужу, што паводле словаў паліцыі дзікія сабакі забіюць авечак на суседніх фэрмах і пытаецца ў яго, чаму ён дастаў стрэльбу.

Калі Эсма выпраўляецца ў падарожжа, Гогет запісвае Бэйба на мясцовы конкурс, дзе выяўляюць найлепшага сабаку, што пасьвіць авечак. Напярэдадні ідзе дождж, Гогет запускае Бэйба і Флай у дом. Аднак котка драпае сьвіньню, калі той спрабуе зь ёй паразмаўляць, таму Гогет адразу ж выкідвае котку ў двор. Калі яна зноўку вяртаецца назад, яна помсьціць Бэйбу, раскрываючы, што людзі ядуць сьвіней. У жаху малы парсюк выбягае ў хлеў і даведваецца ад Флай, што гэта праўда. На наступную раніцу Флай выяўляе, што Бэйб зьбег. Яна і Рэкс папярэджваюць Гогета, і ўсе яны выпраўляюца на пошукі парсюка. Рэкс знаходзіць яго на могілках, а Гогет прыносіць яго дадому. Аднак Бэйб усё яшчэ дэмаралізаваны і адмаўляецца есьці. Гогет дае яму выпіць зь дзіцячае бутэлечкі, сьпявае яму песьню і танчыць перад ім. Гэта аднаўляе веру Бэйба ў прыхільнасьць Гогета, і ён зноўку пачынае есьці.

На спаборніцтвах Бэйб сустракае авечак, якіх ён будзе пасьвіць, але яны ігнаруюць ягоныя спробы размаўляць зь імі. Пакуль Гогета крытыкуюць зьдзіўленыя судзьдзі і зьдзекуюцца праз тое, што ён выкарыстаў сьвіньню замест сабакі, Рэкс бяжыць назад на фэрму, каб спытаць авечак, што рабіць Бэйбу. Яны даюць яму сакрэтны пароль, спачатку вымаючы абяцаньне, што з гэтага часу ён будзе ставіцца да іх лепш. Рэкс вяртаецца на кірмаш і перадае Бэйбу пароль, і авечкі цяпер бездакорна выконваюць усе ягоныя ўказаньні. Судзьдзі агалошваюць парсюка пераможцам і Гогет задаволена хваліць Бэйба.

Крытыка

Фільм меў вялікі посьпех у пракаце, зарабіўшы 36,7 мільёнаў даляраў у Аўстраліі^[8] і больш за 254 мільёны даляраў па ўсім сьвеце. На сайце агрэгатара аглядаў Rotten Tomatoes фільм мае рэйтынг ухваленьня 97% на аснове 70 водгукаў, пры сярэднім рэйтынгу 8,26/10. На думку крытыкаў, «Бэйб» ёсьць рэдкім сямейным фільмам, які прапануе захапляльную гісторыю, якая падойдзе гледачам усіх узростаў. Metacritic паставіў фільму 83 балы з 100 магчымых на аснове 16 аглядаў, што сьведчыць пра ўсеагульнае ўхваленьне.

Крыніцы

^ Швэдзкая база кіназьвестак (шв.) — Svenska Filminstitutet.
^ ^а ^б ^в ^г ^д ^е Чэхаславацкая кінабаза (чэс.) — 2001.
^ IMDb (анг.) — 1990.
^ Box Office Mojo (анг.) — 1999.
^ https://web.archive.org/web/20110218045303/http://film.vic.gov.au/resources/documents/AA4_Aust_Box_office_report.pdf
^ «This Pig Just Might Fly». EW.com.
^ «Robertson – New South Wales – Australia». The Age.
^ «Australian Films at the Australian Box Office». Film Victoria.

Вонкавыя спасылкі

Бэйб (анг.) на сайце IMDb.
Бэйб на сайце «Rotten Tomatoes» (анг.).
Бэйб на Metacritic.

[_6123d5716690d9e0-1] Швэдзкая база кіназьвестак (шв.) — Svenska Filminstitutet.

[_53e47f709fe36448-2] а ^б ^в ^г ^д ^е Чэхаславацкая кінабаза (чэс.) — 2001.

[_cabfa474d319deff-3] IMDb (анг.) — 1990.

[_06c32afbe2d7cbec-4] Box Office Mojo (анг.) — 1999.

[_a841f6887ca50293-5] ttps://web.archive.org/web/20110218045303/http://film.vic.gov.au/resources/documents/AA4_Aust_Box_office_report.pdf

[6] «This Pig Just Might Fly». EW.com.

[7] «Robertson – New South Wales – Australia». The Age.

[8] «Australian Films at the Australian Box Office». Film Victoria.

[1]

[2]

[3]

[4]

[5]

[6]

[7]

[8]

п а р Прэмія «Залаты Глёбус» за найлепшы фільм — камэдыя альбо м’юзыкал
1943—1975	Амэрыканец у Парыжы (1951) Зь песьняй у маім сэрцы (1952) Кармэн Джонз (1954) Хлопцы і лялі (1955) Кароль і я (1956) Дзяўчыны (1957) Жыжы / Цётачка Мэйм (1958) Поргі і Бэс / Хтосьці любіць гарачае (1959) Несканчоная песьня / Кватэра (1960) Ўэстсайдзкая гісторыя / Веліч аднаго (1961) Чалавек-музыка / Жанчына ў футры (1962) Том Джонз (1963) Мая чароўная лэдзі (1964) Гукі музыкі (1965) Расейцы ідуць! Расейцы ідуць! (1966) Выпускнік (1967) Олівэр! (1968) Таямніца Санта-Віторыі (1969) Вайскова-палявы шпіталь (1970) Скрыпач на даху (1971) Кабарэ (1972) Амэрыканскія графіці (1973) Найдаўжэйшы ярд (1974) Сонечныя хлопчыкі (1975)
1976—2000	Нараджэньне зоркі (1976) Да спатканьня, люба (1977) Нябёсы могуць пачакаць (1978) Сыходзячы ў адрыў (1979) Дачка шахтара (1980) Артур (1981) Тутсі (1982) Ентл (1983) Раман з каменем (1984) Гонар сям’і Прыццы (1985) Ганна і ейныя сёстры (1986) Надзея і слава (1987) Чынная дзяўчына (1988) Кіроўца міс Дэйзі (1989) Грын-карта (1990) Красуня і Пачвара (1991) Гулец (1992) Місіс Даўтфайр (1993) Кароль Леў (1994) Бэйб (1995) Эвіта (1996) Лепш не бывае (1997) Закаханы Шэксьпір (1998) Гісторыя цацак 2 (1999) Амаль знакаміты (2000)
з 2001	Мулен Руж! (2001) Чыкага (2002) Цяжкасьці перакладу (2003) На ўскраі (2004) Пераступіць рысу (2005) Дзяўчаты мары (2006) Сўіні Тод, дэман-цырульнік з Фліт-стрыт (2007) Вікі Крыстына Барсэлёна (2008) Хлапечнік у Вэгасе (2009) Зь дзецьмі ўсё добра (2010) Артыст (2011) Адрынутыя (2012) Амэрыканская афэра (2013) Гатэль «Гранд Будапэшт» (2014) Марсіянін (2015) Ла-Ла Лэнд (2016) Лэдзі Бэрд (2017) Зялёная кніга (2018) Аднойчы ў Галівудзе (2019) Барат 2 (2020) Ўэстсайдзкая гісторыя (2021) Баншы Інішэрына (2022) Небаракі (2023)