beZ bileta

Зьвесткі зь Вікіпэдыі — вольнай энцыкляпэдыі
(Перанакіравана з «Безь Білета»)
Перайсьці да навігацыі Перайсьці да пошуку
beZ bileta
BeZ bileta performing at the “Fiesta Borealis” festival in 2006.jpg
beZ bileta на фестывалю “Fiesta Borealis” 22 ліпеня 2006 году, злева направа: Сяргей Бакавец, Віталь Артыст, Дзяніс Шураў, Дзяніс Стурчанка
Інфармацыя
Гады 1999 — цяпер
Адкуль Беларусь
Мова расейская, беларуская
Жанр рок-музыка
Зьвязаныя праекты «Jitters», «КонтраБанда»
Афіцыйная старонка www.bezbileta.net
Удзельнікі Віталь Артыст
Юры Рубанік
Аляксандар Івашкевіч
Аляксандар Гуляеў

beZ bileta — беларускі альтэрнатыўны гурт, заснаваны ў 1999 годзе.

Гісторыя[рэдагаваць | рэдагаваць крыніцу]

beZ bileta — каманда, створаная Віталем Артыстам у 1999 годзе[1]. Пачынаў гурт зь беларускамоўнага фольку, але з 2004 году перайшоў да інды-року са складанымі электроннымі аранжыроўкамі. У 2005 годзе быў абраны кірунак на некаторае спрашчэньне саўнду, які, разам з тым, стаў больш насычаным. Тры пэрыяды творчай эвалюцыі beZ bileta ілюструюць альбомы «На неба» (2001) і «нарисована» (2004) і самотнік «Поправка 22» (2006).

beZ bileta двойчы былі ўзнагароджаныя прэстыжнай беларускай музычнай прэміяй «Рок-каранацыя» ў намінацыях «Адкрыцьцё году» (2000) і «Песьня году» (2001, за гіт «Мая краіна Беларусь»). Гурт мае каштоўны досьвед выступленьня на фэстывальных пляцоўках Беларусі («Славянскі Базар»), ПольшчыБасовішча», «Fiesta Borealis» (разам з Jitters і Hair Peace Salon[2][3][4]), Італіі («Spirit of Woodstock»), Нямеччыны («Good-By»).

Творчасьць[рэдагаваць | рэдагаваць крыніцу]

Кліпы[рэдагаваць | рэдагаваць крыніцу]

У «відэаскарбонцы» beZ bileta — і анімацыйныя працы («Stop Business», «Шла дальше»), і арт-відэа («нарисована», «Смотреть вверх»), і сюжэтны ролік «Лодочки». Маляваны кліп «Шла дальше» (рэжысэр Таня Кушнер, мастак Дзяніс Волкаў) удзельнічаў у анімацыйных фэстывалях у Нідэрляндах, Чэхіі, Італіі, Вялікабрытаніі, Аўстраліі. Кліп «Место для тебя» выйшаў увесну 2006 году, асновай роліка сталі фатаздымкі ўдзельнікаў гурту, яго сяброў і проста людзей, неабыякавых да beZ bileta.

Віталь Артыст[рэдагаваць | рэдагаваць крыніцу]

Лідэр beZ bileta Віталь Артыст вядомы як аўтар саўндтрэку да расейскага фільму 2006 году «Охота на пиранью». Віталь таксама піша музыку да сэрыялаў («Мужчины не плачут»), тэатральных пастановак (спэктакль «После» менскага тэатру «ИнЖест»), тэлепраектаў (новы сэзон вядомага цыклю «Саша и Сирожа»), мультфільмаў і рэклямы. Восеньню 2006 году Артыст скончыў працу над саўндтрэкам да расейскага сэрыялу «Супермаркет», які выйшаў напачатку 2007 году.

Дзень безьбілетніка[рэдагаваць | рэдагаваць крыніцу]

Гурт beZ bileta вядомыя штогадовым сьвяткаваньнем «Дня безьбілетніка» з удзелам саміх музыкаў, іх прыхільнікаў і ўсіх, хто хоча далучыцца да пазытыўнай і крэатыўнай дзеі. Бясплатная раздача дыскаў у абмен на штрафную квітанцыю; міні-канцэрт па тэлефоне для ўсіх, хто патэлефанаваў; конкурс рэміксаў на песьні beZ bileta, у якім удзельнічаюць музыкі з розных краінаў сьвету; конкурс кавэраў — такія акцыі, якія ладзіліся Віталем Артыстам і яго камандай. Так, пераможца акцыі «Дзень безьбілетніка 2006» змог выступіць разам з гуртам на канцэрце beZ bileta, які прайшоў 10 лістапада ў менскім клюбе «Рэактар».

Дыскаграфія[рэдагаваць | рэдагаваць крыніцу]

Альбомы[рэдагаваць | рэдагаваць крыніцу]

DVD[рэдагаваць | рэдагаваць крыніцу]

  • Про самое негрустное на свете (2007)

Самотнікі[рэдагаваць | рэдагаваць крыніцу]

  • «Поправка 22» (2006)
  • «Мечтатели» (2008)
  • «Good.bye» (2008)

Саўндтрэкі[рэдагаваць | рэдагаваць крыніцу]

  • Саўндтрэк да кінафільму «Охота на пиранью» (Расея, 2006)
  • Саўндтрэк да спэктаклю «После» тэатру «ИнЖест» (2006)

Удзельнікі[рэдагаваць | рэдагаваць крыніцу]

Былыя ўдзельнікі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ БЕЗ БИЛЕТА — официальный сайт группы / Биография(рас.)
  2. ^ ИТОГИ ГОДА: К итогам 2006-го(рас.). Музыкальная газета (2007). Праверана 2018-12-03 г. Архіўная копія ад 2018-10-17 г.
  3. ^ “Дзень Безквітоўніка”(бел.). Жывы журналПраверана 2018-10-24 г.
  4. ^ Марыя Грудзько; Пазьнякоў, Віктар (2006-08-02) beZ bileta на польскім фэсьце Przystanek(бел.) Tuzin.fm. mpby.ru. Праверана 2019-03-17 г. Архіўная копія ад 2019-03-17 г.

Вонкавыя спасылкі[рэдагаваць | рэдагаваць крыніцу]