Багіня Мілда (карціна Казімера Альхімовіча)

	Багіня Мілда
	Польская мова: Bogini Milda, Летувіская мова: Deivė Milda
Мастак	Казімер Альхімовіч
Год	1910
Тып	алей, палатно
Памеры	133 × 76
Месцазнаходжаньне	Нацыянальны музэй у Варшаве, Варшава

«Багіня Мілда» ці «Мілда — багіня каханьня»^[1], альбо «Літоўская Вэнэра» (па-польску: Wenus Lіtewska) — жывапіснае палатно Казімера Альхімовіча, напісанае ў 1910 годзе. Захоўваецца ў Нацыянальным музэі ў Варшаве. Створана паводле паэтычнай трылёгіі з гісторыі Літвы «Анафэляс»^[1], якая была напісана Юзэфам Крашэўскім ў 1840—1845 гг.

За першы варыянт карціны, завершаны ў 1890 годзе^[2], на мастацкім конкурсе імя Войцеха Герсана ў Варшаве ў тым жа годзе К. Альхімовіч атрымаў першую прэмію^[1], у 1891 годзе залаты мэдаль у Бэрліне. Карціна была прададзена ў Нью-Ёрк у 1895 годзе^[2]. Другі аўтарскі варыянт карціны быў напісаны ў 1910 годзе. У 1918 годзе была перададзена з калекцыі Вінцэнта Валеўскага (па-польску: Wіncenty Walewskі) у Нацыянальны музэй у Варшаве. Памер карціны — 133 × 76 см.^[3].

Апісаньне[рэдагаваць | рэдагаваць крыніцу]

Мастак выбраў з паэтычнага твора адзін з самых запамінальных момантаў, калі багі караюць Мілду(lt) за каханьне з чалавекам Ромам. Чароўная багіня стаіць на вострых каменьнях пасярод разбушаванай стыхіі. Сьмела выкарыстоўваючы рамантычная выяўленчыя сродкі, К. Альхімовіч напаўняе палатно імклівым рухам, моцнымі перажываньнямі. Палатно напоўнена бурнымі пачуцьцямі, рэзкая гульня сьвятла й ценю, адкрытасьць колераў падкрэсьліваюць трывогу ў душы багіні-бунтаркі, нешчасьлівай у сваім каханьні^[1].

Крыніцы[рэдагаваць | рэдагаваць крыніцу]

^ ^а ^б ^в ^г Марына Загідуліна. Казімір Альхімовіч як ілюстратар польскіх пісьменьнікаў // Гісторыя, культуралёгія, мастацтвазнаўства: Матэрыялы ІІІ Міжнар. кангрэса беларусістаў «Беларуская культура ў дыялёгу цывілізацый» (Менск, 21-25 мая, 4-7 сьнеж. 2000 г.). — Мн.: Беларускі кнігазбор, 2001.
^ ^а ^б ІD: 235. Kazіmіerz Alchimowicz (1840—1916)(недаступная спасылка)
^ Mіlda — akt kobіecy w pejzażu і wzburzonego morza. cyfrowe.mnw.art.pl

[”Загідуліна”-1] а ^б ^в ^г Марына Загідуліна. Казімір Альхімовіч як ілюстратар польскіх пісьменьнікаў // Гісторыя, культуралёгія, мастацтвазнаўства: Матэрыялы ІІІ Міжнар. кангрэса беларусістаў «Беларуская культура ў дыялёгу цывілізацый» (Менск, 21-25 мая, 4-7 сьнеж. 2000 г.). — Мн.: Беларускі кнігазбор, 2001.

[”rempex”-2] а ^б ІD: 235. Kazіmіerz Alchimowicz (1840—1916)(недаступная спасылка)

[3] Mіlda — akt kobіecy w pejzażu і wzburzonego morza. cyfrowe.mnw.art.pl

[1]

[2]

[3]