Аркадзь Качан

Вікіпэдыя мае артыкулы пра іншых асобаў з прозьвішчам Качан.

Аркадзь Качан
Дата нараджэньня	13 траўня 1921(1921-05-13)
Месца нараджэньня	Барсукі, гміна Порплішча[d], Дунілавіцкі павет[d], Наваградзкае ваяводзтва, Польская Рэспубліка
Дата сьмерці	4 сьнежня 1982(1982-12-04) (61 год)
Месца сьмерці	Сыднэй, Аўстралія
Месца пахаваньня	Руквуд
Месца працы	Беларускае аб’яднаньне ў Новым Паўднёвым Уэльсе (надпалітычнае) Рада БНР Беларускі культурна-грамадзкі клюб Фэдэральная рада беларускіх арганізацыяў у Аўстраліі
Сябра ў	Беларускае аб’яднаньне ў Новым Паўднёвым Ўэйлзе, Рада Беларускай Народнай Рэспублікі, Беларускі культурна-грамадзкі клюб і Фэдэральная рада беларускіх арганізацыяў у Аўстраліі
Бацька	Антон Качан
Маці	Вера Качан
Дзеці	Юрка Качан

Аркадзь Качан (13 траўня 1921 — 4 сьнежня 1982) — беларускі грамадзкі і вайсковы дзеяч.

Жыцьцяпіс

Нарадзіўся 13 траўня 1921 г. у в. Барсуках Наваградзкага ваяводзтва ў Польскай Рэспубліцы у сям’і настаўнікаў Антона і Веры Качаноў.

Вучыўся ў Дзісенскай польскай гімназіі, у 1941 г. скончыў дзесяцігодку ў Маладэчне. Пазьней працаваў сакратаром суда ў Глыбокім. Па сканчэньні курсаў каманднага складу Беларускай самааховы ў Лебедзеве каля Маладэчна кіраваў ротай 13-га Беларускага паліцыйнага батальёну СД у Вялейскай акрузе. Улетку 1944 г. выехаў у Нямеччыну і трапіў у дывізію «Беларусь», разам зь якой пазьней здаўся амэрыканцам.

Па вайне некалькі гадоў правёў у лягеры для перамешчаных асобаў у Розэнгайме. Ад 1950 г. жыў у Аўстраліі, у Сыднэі. Адзін з заснавальнікаў і доўгагадовы сакратар Беларускага аб’яднаньня ў Новай Паўднёвай Валіі. Сябра Рады БНР, Беларускага культурна-грамадзкага клюбу і Фэдэральнае рады беларускіх арганізацыяў у Аўстраліі. Напрыканцы 1970-х гг. — беларускі прадстаўнік у Выканаўчым камітэце Этнічнай рады ў Новай Паўднёвай Валіі. Адзін са стваральнікаў і каардынатар беларускага радыё ў Сыднэі. Сталы фундатар беларускіх выданьняў і ўстановаў на эміграцыі. Дасылаў беларускую літаратуру ў кніжні аўстралійскіх унівэрсытэтаў.

Памёр 4 сьнежня 1982 г. у Сыднэі. Пахаваны на беларуска-ўкраінскай частцы могілак Роквуд.

Памяць

• Кастусь Акула прысьвяціў верш памяці Аркадзя Качана.

Вонкавыя спасылкі

• Сёння 100 гадоў ад нараджэння... - Натальля Гардзіенка
• Качан Аркадзь  (бел.) // Запісы. — Нью-Ёрк - Менск: БІНіМ, 2014. — № 37. — С. 110.
• Кастусь Акула. Аркадзь Качан  (бел.) // Зважай. — Таронта: Сакавік, 1983. — № 1 (29). — С. 7. — ISSN 0700-5172.
• Кастусь Акула. Памяці Аркадзя Качана  (бел.) // Зважай. — Таронта: Чырвень, 1983. — № 2 (30). — С. 8. — ISSN 5172.