Аляксандар Карніцкі
| Аляксандар Карніцкі | ||
| ||
| Пэрсанальная інфармацыя | ||
|---|---|---|
| Нарадзіўся | 14 лютага 1989[1][2] (35 гадоў) | |
| Рост | 187 см[3] | |
| Вага | 77 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Дыёшд’ёр II[d] | |
| Клюбы | ||
| Гады | Клюб | Гульні (галы)¹ |
| 2009—2010 | Баранавічы | 25 (2) |
| 2011 | Полацак | 26 (2) |
| 2012 | Мікашэвічы | 27 (4) |
| 2013 | Гомель | 31 (4) |
| 2014—2016 | БАТЭ | 66 (11) |
| 2016—2017 | Гапаэль Раанана | 14 (0) |
| 2017 | Гомель | 11 (4) |
| 2017—2018 | Тосна | 23 (0) |
| 2018—2019 | Сэпсі Сфынту-Георге | 24 (1) |
| 2019—2024 | Мэзэкёвэшд | 116 (7) |
| 2024— | Дыёшд’ёр II[d] | |
| Зборныя | ||
| 2017—2018 | Беларусь | 6 (0) |
Аляксандар Карніцкі (нарадзіўся 14 лютага 1989 году, Стоўпцы, БССР) — беларускі футбаліст, паўабаронца вугорскі клюбу «Мэзэкёвэшд». У 2017—2018 гадах правёў 6 матчаў за нацыянальную зборную Беларусі. Пераважна дзейнічае ў цэнтры паўабароны, гуляе ў апорнай зоне ці выконвае атакуючыя абавязкі.
Кар’ера
[рэдагаваць | рэдагаваць крыніцу]Прафэсійную кар’еру пачаў у 2009 годзе ў складзе «Баранавічаў». Пасьля выступаў за іншыя клюбы першай лігі, «Полацк» і «Граніт». Пасьля сканчэньня сэзону 2012 году, паводле вынікаў якога Аляксандар быў прызнаны найлепшым гульцом клюбу, футбольны агент гульца зладзіў яму прагляды ў Польшчы, дзе ім цікавіліся некаторыя мясцовыя клюбы, сярод якіх любінскі «Заглембе», а таксама чэскі «Баўміт»[4].
«Гомель»
[рэдагаваць | рэдагаваць крыніцу]У сьнежні 2012 году перайшоў у клюб вышэйшай лігі «Гомель»[5], дзе адразу стаў гульцом асноўнага складу. 30 сакавіка 2013 году ў дэбютным матчы ў вышэйшай лізе супраць магілёўскага «Дняпра» Аляксандар забіў свой першы гол за клюб. 24 траўня ў кампэнсаваны час забіў пераможны гол у матчы супраць БАТЭ. У інтэрвію пасьля гульні гулец назваў гэты гол «пакуль вяршыняй сваёй кар’еры»[6]. У «Гомелі» Карніцкі звычайна выступаў на пазыцыі апорнага паўабаронцы. Згодна са статыстыкай InStatFootball, стаў найлепшым гульцом чэмпіянату 2013 году адразу ў некалькіх намінацыях, як то колькасьць выйграных адзінаборстваў, колькасьць пасьпяховых перахопаў, колькасьць парушэньняў на гульцы[7]. Акрамя таго, 7 ліпеня 2013 году вызначыўся голам, які забіў са сваёй паловы поля ў браму жодзінскага «Тарпэда-БелАЗу».
У лістападзе 2013 году была дасягнута дамоўленасьць на пераход Карніцкага ў БАТЭ[8], да якога ён далучыўся па сканчэньні сэзону ў сьнежні 2013 году. Кантракт з БАТЭ, пачаў дзейнічаць 11 сьнежня 2013 году і быў разьлічаны да 31 сьнежня 2016 году.
БАТЭ
[рэдагаваць | рэдагаваць крыніцу]У першай палове сэзону 2014 году зьяўляўся на полі нерэгулярна. Увосень, аднак, пачаў дэманстраваць выдатную гульню і замацаваўся ў асноўным складзе барысаўчанаў на пазыцыі атакуючага паўабаронцы. 16 кастрычніка 2014 году аформіў хет-трык у матчы з салігорскім «Шахцёрам», а 22 лістапада аддаў чатыры галявыя перадачы ў матчы супраць «Гомелю». У выніку стаў самым карысным гульцом другой паловы чэмпіянату, калі агулам пасьля падзелу лігі на шасьцёркі забіў 7 галоў і аддаў 6 галявых перадач. Актыўна Аляксандар гуляў у групавых матчах Лігі чэмпіёнаў, дзе быў уключаны ў сымбалічную зборную 2-га туру.
Пасьля БАТЭ
[рэдагаваць | рэдагаваць крыніцу]У верасьні 2016 году перайшоў у ізраільскі клюб «Гапаэль» з Раананы, зь якім падпісаў кантракт на 3 гады[9]. У сакавіку 2017 году перайшоў у клюб «Гомель»[10]. У чэрвені 2017 году падпісаў кантракт на адзін год з клюбам «Тосна»[11]. У ліпені 2018 году перайшоў у румынскі клюб «Сэпсі»[12].
Міжнародная
[рэдагаваць | рэдагаваць крыніцу]Дэбютаваў у нацыянальнай зборнай Беларусі 7 кастрычніка 2017 году ў адборачнай гульні чэмпіянату сьвету 2018 году супраць зборнай Нідэрляндаў.
Дасягненьні
[рэдагаваць | рэдагаваць крыніцу]БАТЭ:
- Чэмпіён Беларусі: 2014, 2015
- Уладальнік Кубка Беларусі: 2015
- Уладальнік Супэркубка Беларусі: 2014, 2015, 2016
- У сьпісе 22 найлепшых футбалістаў чэмпіянату Беларусі: 2013, 2014
- Уладальнік Кубка Расеі: 2018
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Гомель | 2013 | Найвышэйшая ліга | 31 | 4 |
| БАТЭ | 2014 | Найвышэйшая ліга | 27 | 7 |
| 2015 | Найвышэйшая ліга | 24 | 3 | |
| 2016 | Найвышэйшая ліга | 15 | 1 | |
| Гомель | 2017 | Найвышэйшая ліга | 11 | 4 |
Крыніцы
[рэдагаваць | рэдагаваць крыніцу]- ^ а б в Aleksandr Karnitskiy // Transfermarkt (мн.) — 2000.
- ^ а б в Alyaksandr Karnitsky // FBref (мн.)
- ^ а б в г https://www.teams.by/-/player-111/
- ^ Полузащитник «Гранита» Карницкий может продолжить карьеру в Польше или Чехии. Goals.by (рас.)
- ^ Жуковский и Карницкий стали игроками «Гомеля». Football.by (рас.)
- ^ Александр Карницкий: «Сегодня забил в ворота БАТЭ. Пока это вершина моей карьеры». Goals.by (рас.)
- ^ Футбольное измерение. Tribuna.com (рас.)
- ^ Футбол. Александр Карницкий станет игроком БАТЭ. «Прессбол» (рас.)
- ^ Александр Карницкий подписал 3-летний контракт с «Хапоэлем» Раанана (рас.)
- ^ «Гомель» объявил о подписании контракта с Александром Карницким (рас.)
- ^ Александр Карницкий стал игроком «Тосно» (рас.)
- ^ Александр Карницкий перешел в румынский «Сепси» (рас.)
Вонкавыя спасылкі
[рэдагаваць | рэдагаваць крыніцу]- Профіль на сайце БАТЭ (рас.)
- Профіль на сайце «Гомелю» (рас.)
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Нарадзіліся 14 лютага
- Нарадзіліся ў 1989 годзе
- Нарадзіліся ў Стоўпцах
- Футбалісты клюбу «Баранавічы»
- Футбалісты клюбу «Полацак»
- Футбалісты клюбу «Граніт» Мікашэвічы
- Футбалісты клюбу «Гомель»
- Футбалісты клюбу БАТЭ Барысаў
- Футбалісты клюбу «Гапаэль» Раанана
- Футбалісты клюбу «Тосна»
- Футбалісты клюбу «Сэпсі» Сфынту-Георге
- Футбалісты клюбу «Мэзэкёвэшд»
- Футбалісты зборнай Беларусі
- Беларускія футбалісты