Іказьнь (возера)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Іказьнь (неадназначнасьць).

Возера

Іказьнь

Возера Іказьнь

Краіна	Беларусь
Плошча	2,38 км²
Плошча вадазбору	25,3 км²
Максымальная глыбіня	8,4 м
Сярэдняя глыбіня	3,3 м
Найбольшая даўжыня	2,97 км
Найбольшая шырыня	0,8 км
Даўжыня берагавой лініі	12,7 км
Вышыня над узроўнем мора	146 м^[1]
Аб’ём вады	7,94 млн м³
Каардынаты	55°37′32.76″ пн. ш. 27°17′4.37″ у. д. / 55.6257667° пн. ш. 27.2845472° у. д. / 55.6257667; 27.2845472Каардынаты: 55°37′32.76″ пн. ш. 27°17′4.37″ у. д. / 55.6257667° пн. ш. 27.2845472° у. д. / 55.6257667; 27.2845472

Іказьнь на мапе Беларусі

Іказьнь

Галерэя здымкаў у Вікісховішчы

Іказьнь — возера ў Беларусі, у басэйне ракі Друйкі. Знаходзіцца ў Браслаўскім раёне Віцебскай вобласьці, за 14 км на ўсход ад Браслава. Належыць да групы Абстэрнаўскіх азёр. Плошча паверхні возера 2,38 км². Даўжыня 2,97 км, найбольшая шырыня 0,8 км. Найбольшая глыбіня дасягае 8,4 м, сярэдняя складае 3,3 м. Аб’ём вады 7,94 млн м³. Даўжыня берагавой лініі 12,7 км.

На заходнім беразе возера стаіць гістарычнае мястэчка Іказьнь.

Апісаньне[рэдагаваць | рэдагаваць крыніцу]

Катлавіна складанага тыпу, выцягнутая з захаду на ўсход. Схілы маюць вышыню 12—15 мэтраў. У верхняй частцы разараныя, на паўднёвым усходзе — парослыя лесам. Берагі нізкія, абразійныя, знаходзяцца пад хмызьняком. У паўночна-заходняй затоцы берагі сплавінныя. Мелкаводзьдзе пясковае і пяскова-галькавае. На глыбінях дно высьцілаецца сапрапэлем.

На возеры знаходзяцца 2 выспы, агульная плошча якіх складае 0,012 км².

Возера эўтрофнае, слабапраточнае. На паўночным захадзе выцякае рака Усьвіца, якая злучае вадаём з возерам Дрывятамі. Упадаюць мэліярацыйныя каналы.

Зарастае слаба. Шырыня прыбярэжнай паласы надводнай расьліннасьці не перавышае 10 мэтраў, месцамі яе ўвогуле няма.

Флёра і фаўна[рэдагаваць | рэдагаваць крыніцу]

Уздоўж берагоў расьце трысьнёг і чарот.

У возеры водзяцца шчупак, лешч, акунь, карась, верхаводка, лінь, краснапёрка ды іншыя віды рыбаў^[2].

Крыніцы[рэдагаваць | рэдагаваць крыніцу]

^ ^а ^б http://www.geonames.org/7576663/vozera-ikazn.html
^ Мельнікаў А. Іказнь // Энцыклапедыя прыроды Беларусі: у 5 т. Т. 2: Гатня ― Катынь / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. С. 400.

Літаратура[рэдагаваць | рэдагаваць крыніцу]

Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1
Энцыклапедыя прыроды Беларусі: у 5 т. Т. 2: Гатня ― Катынь / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 520 с.

[_5ea2563532ef1fe3-1] а ^б http://www.geonames.org/7576663/vozera-ikazn.html

[2] Мельнікаў А. Іказнь // Энцыклапедыя прыроды Беларусі: у 5 т. Т. 2: Гатня ― Катынь / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. С. 400.

[1]

[2]