Цяжкі форвард

Тым Данкан.

Цяжкі форвард (па-ангельску: Power Forward) ці чацьвёрты нумар — пазыцыя гульца ў баскетбольнай камандзе.

Галоўнаю мэтаю 4-га нумару зьяўляецца падбор мяча падчас нападу і абароны. Таму магутныя форварды павінны быць трывалымі і моцнымі фізычна. Сярэдні рост іх каля 200—210 см. Гульцы гэтага тыпу лёгка закідаюць мяч у кошык, але робяць яны гэта ня так, як менш высокія гульцы накшталт атакуючыя абаронцы.

Зь цягам часу стыль гульні на пазыцыі цяжкага форварда зьмяняўся, і можна сустрэць гульцоў якія набіраюць па 20—25 ачкоў за матч, і яшчэ пасьпяваюць гуляць у абароне: (Кевін Гарнэт, Тым Данкан, Дырк Навіцкі), але і такіх, што цалкам займаюцца абаронаю і мала калі скончваюць атакі каманды: (Дэніс Родман, Бэн Ўолес).

Сярод сучасных гульцоў НБА можна адзначыць наступных:

• Кевін Гарнэт — (#5 Бостан Сэлтыкс)
• Тым Данкан — (#21 Сан-Антоніё Спэрз)
• Дырк Навіцкі — (#41 Далас Мэвэрыкс)
• Блэйк Грыфін — (#32 Лос-Анджэлес Кліпэрз)
• Сэрж Ібака — (#9 Аклагома-Сіці Тандэр)
• Крыс Бош — (#1 Маямі Гіт)
• Кевін Лаў — (#42 Мінэсота Тымбэрўулвз)
• Амарэ Стадэмайр — (#1 Нью-Ёрк Нікс)
• Ламар Одам — (#7 Лос-Анджэлес Кліпэрз)
• Антуан Джэймісан — (#4 Лос-Анджэлес Лэйкерз)
• Пол Мілсэп — (#24 Юта Джаз)