Сяргей Русак
| Сяргей Русак | ||
| Пэрсанальная інфармацыя | ||
|---|---|---|
| Нарадзіўся | 3 верасьня 1993[1] (31 год) | |
| Рост | 190 см | |
| Вага | 85 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Макслайн | |
| Нумар | 8 | |
| Клюбы | ||
| Гады | Клюб | Гульні (галы)¹ |
| 2012—2014 | Менск-2 | 74 (7) |
| 2012—2017 | Менск | 48 (2) |
| 2018 | Тарпэда Менск | 22 (2) |
| 2019 | Факел | 8 (0) |
| 2019 | Паланга | 5 (0) |
| 2020 | Смалявічы | 4 (0) |
| 2020 | Слуцак | 5 (0) |
| 2021 | Белшына | 20 (5) |
| 2022—2024 | Слуцак | 52 (2) |
| 2024— | Макслайн | 10 (1) |
|
¹ Колькасьць гульняў і галоў за прафэсійны клюб лічыцца толькі | ||
Сярге́й Руса́к (нарадзіўся 3 верасьня 1993 году) — беларускі футбаліст, паўабаронца «Макслайну».
Кар’ера
[рэдагаваць | рэдагаваць крыніцу]З 2010 году выступаў за дубль футбольнага клюбу «Менск». 23 чэрвеня 2012 году дэбютаваў у Найвышэйшай лізе ў асноўнай камандзе «Менску», выйшаўшы на замену на 71-й хвіліне матчу супраць «Шахцёра». Неўзабаве пасьля дэбюта быў пераведзены ў фарм-клюб «Менск-2», у якім правёў два з паловай гады. З 2013 году разам зь «Менскам-2» гуляў у Першай лізе, здолеў замацавацца ў якасьці аднаго з ключавых гульцоў каманды. Па заканчэньні сэзону 2014 году «Менск-2» спыніў існаваньне, але Русак падоўжыў кантракт зь «мяшчанамі»[3] і быў пераведзены ў асноўную каманду, у складзе якой і пачаў сэзон 2015 году. Пачаў трывала зьяўляцца на полі ў Найвышэйшай лізе, чаргуючы выхады ў пачатковым складзе і на замену. Першую палову сэзону 2016 году прапусьціў праз траўмы, а пазьней вярнуўся ў асноўны склад. У першай палове сэзону 2017 году зьяўляўся на полі нерэгулярна, але потым замацаваўся ў якасьці асноўнага апорнага паўабаронцы менчукоў.
У лютым 2018 году па заканчэньні кантракта пакінуў «Менск»[4], пасьля чаго выправіўся на прагляд у «Гомель», аднак у выніку падпісаў кантракт зь менскім «Тарпэда»[5]. Здолеў замацавацца ў стартавым складзе каманды, у траўні 2018 году не гуляў праз траўмы. У лютым 2019 году знаходзіўся на праглядзе ў варонескім «Факеле» і ў выніку падпісаў кантракт[6]. Пакінуў каманду па заканчэньні сэзону 2018—2019 гадоў.
У верасьні 2019 году далучыўся да летувіскай «Палангі», дзе гуляў да сканчэньня сэзону, пасьля якога клюб за ўдзел у дамоўных матчах быў выпраўлены ў трэці дывізіён. У пачатку 2020 году праходзіў прагляд у «Віцебску», але беспасьпяхова. У сакавіку 2020 году стаў гульцом «Смалявічаў»[7], аднак зрэдку зьяўляўся на полі, у тым ліку праз траўмы. У жніўні 2020 году пакінуў смалявіцкі клюб[8].
У верасьні 2020 году далучыўся да «Слуцка»[9], дзе пачаў гуляць у першай адзінаццатцы. У сьнежні 2020 году пакінуў слуцкі клюб[10]. У пачатку 2021 году праходзіў прагляд у казаскім «Туране», а ў лютым далучыўся да бабруйскай «Белшыны», зь якой у сакавіку склаў працоўную дамову[11]. Хутка замацаваўся ў пачатковым складзе бабруйскай каманды, дапамог ёй паводле вынікаў сэзону 2021 году вярнуцца ў Найвышэйшую лігу. У сакавіку 2022 году вярнуўся ў «Слуцак»[12]. У складзе каманды пачаў пераважна выходзіць на замену. У лютым 2023 году падоўжыў кантракт са слуцкім клюбам[13]. У студзені 2024 году працягнуў супрацу з камандай[14]. У ліпені 2024 году, згуляўшы ў Найвышэйшай лізе 12 матчаў, абаронца далучыўся да віцебскага «Макслайну»[15].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2015 | Найвышэйшая ліга | 15 | 1 |
| 2016 | Найвышэйшая ліга | 10 | 0 | |
| 2017 | Найвышэйшая ліга | 22 | 1 | |
| Тарпэда Менск | 2018 | Найвышэйшая ліга | 22 | 2 |
Крыніцы
[рэдагаваць | рэдагаваць крыніцу]- ^ а б в Sergey Rusak // Transfermarkt (мн.) — 2000.
- ^ а б в г http://sfc-slutsk.by/person/308
- ^ Маевский и Русак продлили контракты с "Минском" (рас.)
- ^ Сергей Русак покинул "Минск" (рас.)
- ^ Русак сменил "Минск" на "Торпедо" (рас.)
- ^ Воронежский «Факел» пополнили семь новичков (рас.)
- ^ «Смолевичи» подписали контракт с Русаком (рас.)
- ^ Футбол. Сергей Русак расстался со "Смолевичами" (рас.)
- ^ Русак и Ращеня стали игроками "Слуцка" (рас.)
- ^ "Слуцк" расторг контракт с десятью футболистами (рас.)
- ^ Сергей Русак теперь игрок "Белшина" (рас.) Афіцыйны сайт бабруйскай «Белшыны»
- ^ Русак сменил "Белшину" на "Слуцк" (рас.)
- ^ Три игрока продлили контракты со "Слуцком" (рас.)
- ^ "Слуцк" продлил контракт с полузащитником на третий год (рас.)
- ^ Игрок основного состава "Слуцка" перешел в команду первой лиги (рас.)
Вонкавыя спасылкі
[рэдагаваць | рэдагаваць крыніцу]- Профіль на сайце «Менску» (рас.)
- Статыстыка «ПБ-Инфо» (рас.)
- Нарадзіліся 3 верасьня
- Нарадзіліся ў 1993 годзе
- Нарадзіліся ў Менску
- Футбалісты клюбу «Макслайн» Віцебск
- Футбалісты клюбу «Менск-2»
- Футбалісты клюбу «Менск»
- Футбалісты клюбу «Тарпэда» Менск
- Футбалісты клюбу «Факел» Варонеж
- Футбалісты клюбу «Паланга»
- Футбалісты клюбу «Смалявічы»
- Футбалісты клюбу «Слуцак»
- Футбалісты клюбу «Белшына» Бабруйск
- Беларускія футбалісты