Альмецьеўск
| Альмецьеўск | |||||
| рас. Альметьевск | |||||
| |||||
| |||||
| Першыя згадкі: | пачатак XVIII стагодзьдзя | ||||
| Горад з: | 1953 | ||||
| Краіна: | Расея | ||||
| Суб’ект фэдэрацыі: | Татарстан | ||||
| Плошча: |
| ||||
| Вышыня: | 110 м н. у. м. | ||||
| Этнічны склад: | татары (50%), расейцы (40%), чувашы (2,5%) | ||||
| Часавы пас: | UTC+3 | ||||
| Тэлефонны код: | 8553 | ||||
| Паштовы індэкс: | 423450–423465 | ||||
| Нумарны знак: | 16, 116 | ||||
| Геаграфічныя каардынаты: | 54°54′0″ пн. ш. 52°18′0″ у. д. / 54.9° пн. ш. 52.3° у. д.Каардынаты: 54°54′0″ пн. ш. 52°18′0″ у. д. / 54.9° пн. ш. 52.3° у. д. | ||||
Альмецьеўск на мапе Расеі   Альмецьеўск | |||||
 Галерэя здымкаў у Вікісховішчы
| |||||
| http://almetyevsk.tatar.ru/ | |||||
_(1987).png)
Альмецьеўск (па-расейску: Альметьевск, па-татарску: Әлмәт) — горад (ад 3 лістапада 1953) у Расеі. Знаходзіцца ва ўсходняй частцы Рэспублікі Татарстан, на адлегласьці 265 км ад Казані. Разьмешчаны на левым беразе ракі Зай (прыток Камы)[1]. Зьяўляецца цэнтрам Альмецьеўскага раёну. Утварае гарадзкое паселішча горад Альмецьеўск. Самы вялікі горад у поліцэнтрычнай Альмецьеўска-Бугульмінска-Ленінагорскай аглямэрацыі і цэнтар тэрытарыяльна-вытворчага комплексу Паўднёва-ўсходняй эканамічнай зоны рэспублікі. За 13 км ад гораду разьмешчаная чыгуначная станцыя Альмецьеўская Куйбышаўскай чыгункі. Горад зьяўляецца пачатковым пунктам нафтапровада «Дружба». Колькасьць насельніцтва 141 675 чалавек (ацэнка 2006 году)[2]. Чацьверты паводле колькасьці насельніцтва і значэньня горад Татарстану.
Гісторыя
[рэдагаваць | рэдагаваць крыніцу]Дакладная дата заснаваньня вёскі Альмецьева не захавалася. Аднак ўэраг ускосных сьведчаньняў дазваляе меркаваць, што гэтая падзея адбылася на мяжы 1720-х — 1730-х. У 1840 годзе пад час апытаньня жыхары Альмецьеўска паведамілі ўладам, што іх паселішча было заснавана за 121 гадоў да гэтага, што значыць у 1719 годзе. У 1831 загадам Арэнбурскага ваеннага губэрнатара ў вёсцы Альмецьеўск стаў праводзіцца кірмаш па продажы зерня. У 1867 годзе Альмецьеўск — цэнтар воласьці, у склад якой уваходзілі 6 вёсак. Ад 1920 году ў складзе Бугульмінскага раёну Татарскай АССР. 10 жніўня 1930 году Альмецьеўск зрабіўся цэнтрам раёну[1]. Пад час Другой сусьветнай вайны ў Альмецьеўскім раёне выяўлена радовічша нафты, таму каля паселішча быў пабудаваны рабочы пасёлак. 3 лістапада 1953 году Загадам Прэзыдыюму Вярхоўнага Савету РСФСР пасёлак ператвораны ў горад.
Клімат
[рэдагаваць | рэдагаваць крыніцу]Клімат Альмецьеўску такі ж самы, як і ў Паволжы і ўсёй сярэдняй паласе Расеі. Лета дастаткова цёплае, у асобныя гады даволі сьпякотнае, зіма ўмерана халодная. Сярэдняя тэмпэратура студзеня — каля −10 °C, ліпеня — каля 20 °C.
 Кліматычныя зьвесткі для Альмецьеўску 
| |||||||||||||
|---|---|---|---|---|---|---|---|---|---|---|---|---|---|
| Паказьнік | Сту | Лют | Сак | Кра | Тра | Чэр | Ліп | Жні | Вер | Кас | Ліс | Сьн | Год |
| Сярэдняя t, °C | −10,9 | −10,8 | −5,7 | 4,8 | 13,9 | 19,0 | 20,7 | 18,2 | 12,6 | 4,6 | −4,6 | −10,2 | 4,4 |
Сярэдняя колькасьць ападкаў за год — каля 500 мм.
Эканоміка
[рэдагаваць | рэдагаваць крыніцу]Як і большасьць іншых гарадоў і вёсак паўднёвага ўсходу рэспублікі, горад Альмецьеўск моцна залежыць ад нафтавай прамысловасьці Татарстану. У горадзе разьмечшаная штаб-кватэра нафтаперапрацоўчай кампані АТАТ Tatneft, ад якой горад атрымлівае большасьць бюджэтных даходаў. Акрамя галаўнога офісу ў горадзе разьмешчаныя некалькі структурных падразьдзяленьняў Tatneft.
Транспарт
[рэдагаваць | рэдагаваць крыніцу]У горадзе ёсьць аўтавакзал. У Альмецьеўску ходзяць тралейбусы па 4 маршрутах і каля 20 маршрутраў аўтобусаў. Працуюць таксама маршрутныя таксі і звычайныя таксі. Бліжэйшы аэрапорт знаходзіцца ў горадзе Бугульма.
Культура
[рэдагаваць | рэдагаваць крыніцу]У горадзе працуюць краязнаўчы музэй, карцінная галерэя, палац культуры «Нефтьче», Альмецьеўскі татарскі дзяржаўны драматычны тэатар. Два кінатэатры. У горадзе разьмешчаныя некалькі тэлекампаній. Адзінае цалкам мясцовае «Жаданае радыё».
Рэлігія
[рэдагаваць | рэдагаваць крыніцу]Саборная мячэт пабудаваная ў 1990—1999 гадах. Другая Саборная мячэт пабудаваная ў 1872—1877 гадах. У горадзе ёсьць мусульманскі рэлігійны цэнтар імя Рызы Фахрэтдына, пры якім працуе новая мячэт. З хрысьціянскіх храмаў — Храм іконы Казанскай Маткі Боскай і Храм Божага Нараджэньня ў гонар воінаў, якія загінулі (асьвенчаны ў 2000 годзе).
Спорт
[рэдагаваць | рэдагаваць крыніцу]У горадзе створаная хакейная каманда «Нафтавік», якая ў 1998 і 2000 гадах перамагала ў найвышэйшай лізе чэмпіянату Расеі. Футбольны клюб «Нафтаград». Ад 2002 году выступае спартовая каманда па рэгбі «ALDAN», якая да 2009 году мела назву «Слава». У горадзе разьмешчаныя палац спорту «Юбілейны», дом каратэ, тэніс-сіці.
Гарады-сябры
[рэдагаваць | рэдагаваць крыніцу]- Сургут, Расея
- Балканабад, Туркмэністан
Крыніцы
[рэдагаваць | рэдагаваць крыніцу]- ^ а б Белов И. В. Альметьевск (рас.) Праверана 24 мая 2017 г.
- ^ Almetyevsk Encyclopedia Britannica Праверана 17 кастрычніка 2024 г.
Вонкавыя спасылкі
[рэдагаваць | рэдагаваць крыніцу]- Альметьевск: климат, экология, районы, экономика, криминал и достопримечательности (рас.). Не сидится — клуб желающих переехать (2013).
- Агирречу А. А. Альметьевск Большая российская энциклопедия. Электронная версия (2017) Праверана 17 кастрычніка 2024 г.
