Ikarus 280T

Ikarus 280T
Агульныя зьвесткі
Вытворца	Ikarus
Гады вытворчасьці	1976—1989
Зьнешні выгляд
Кляса	MAXI
Кузаў	Высокападлогавы мескі тралейбус
Прывад
Габарыты
Колавая база	5400 мм / 6200 мм
Даўжыня	16,5 м
Шырыня	2500 мм
Вышыня	3400 мм
Маса	12 200 кг
Поўная маса	22 500 кг
Ikarus 280T у Вікісховішчы

«Ikarus 280T» — марка тралейбусаў вугорскага вытворцы «Ikarus», створаная на базе аўтобусу «Ikarus 280». У залежнасьці ад вэрсіі камплектаваліся электрыкай фірмы Ganz, здэмантаванай з тралейбусаў ЗіУ-5, альбо іншых вытворцаў. Тралейбусы гэтай маркі, акрамя Вугоршчыны, пастаўляліся ў НДР і КНДР.

Мінуўшчына

У Будапэшце першы тралейбус «Ikarus 280.T1» (абсталяваны электрыкай з састарэлых ЗіУ-5) быў сабраны ў 1975—1976 і паступіў у эксплюатацыю пад інвэнтарным нумарам 100. Гэты тралейбус езьдзіў да 1991 року, а ў 2000 быў разабраны. Паралельна зь ім была сканструяваная кароткая вэрсія «Ikarus 260T», пазначаная нумарам 600. У 1976—1978 паўстала першая афіцыйная сэрыя, пазначаная 280.91. У Будапэшце езьдзілі 78 такіх тралейбусаў пад нумарамі 101—178. Сярод іх тралейбус №120 меў дадатковы бэнзінавы рухавік маркі «Лада», а №155 — рухавік «Фальксвагену».

У 1978 зьявіліся два прататыпы «Ikarus 280.T3» з электрыкай швайцарскае фірмы BBC. Першы зь іх пасьля тэстаў у Жэнэве паехаў у Паўночную Амэрыку (Мэксыка і Сан-Францыска), а пазьней вярнуўся на фабрыку і быў разабраны. Другі прататып тэставаўся ў Жэнэве, Лінцы і Грэноблі, пакуль урэшце ў 1987 року ня трапіў у Сэгед без электрыкі. Тут на яго было пастаўленае абсталяваньне Ganz, і ён езьдзіў да 2000 року.

Ikarus 280 ў Талінe

Яшчэ адзін прататып 1978 року з электрыкай Kiepe, прамаркіраваны 280.T4, трапіў у Сэгед у 1982 як T4-281 і працаваў там да 1992.

«Ikarus 280.T5» камплектаваўся электрыкай фірмы Škoda, а «280.T6» — Ganz. Былі сабраныя два экзэмпляры апошняй мадэлі, першы зь якіх пасьля тэстаў у Баўгарыі і НДР таксама трапіў у Сэгед і ў 1996 быў утылізаваны. Другі тэставаўся ў Анкары, але ў выніку езьдзіў у Дэбрэцэне, дзе пад інвэнтарным нумарам 400 быў абсталяваны электрыкай ад ЗіУ-9, у 2000 скасаваны. Апрача гэтых мадэляў, існавалі Ікарусы 280T з абсталяваньнем Hitachi (Ikarus 280.T7) і VKM (Ikarus 280.T8). Абодва былі разабраныя.

Ад 1985 року Ikarus з Ganz-ам выпускалі для Баўгарыі вэрсію 280.92. У 1985-89 выпушчаныя 160 тралейбусаў гэтага тыпу — галоўным чынам для Сафіі. Ад 1985 да 1989 для НДР выпускаліся тралейбусы вэрсіі 280.93, таксама з абсталяваньнем Ganz-a. Адтуль гэтыя экзэмпляры трапілі ў Румынію (Тымішаара), Эстоніі альбо ў Сэгед.

Ад 1987 Будапэшт таксама замовіў 76 тралейбусаў з абсталяваньнем Ganz, пазначаных як 280.94.

Тыпы

• Ikarus 280.T1:
• Вытворчасьць: BKV 1975
  • Электрыка: ZIU
  • Дзьверы: 2-2-2-2 сучленены
• Ikarus 280.T3:
  • Вытворчасьць: 1978
  • Электрыка: BBC
  • Дзьверы: 2-2-2-2
• Ikarus 280.T4:
  • Вытворчасьць: 1978
  • Электрыка: Kiepe
  • Дзьверы: 2-2-2-2
• Ikarus 280.T6:
  • Вытворчасьць: 1980
  • Электрыка: Ganz
  • Дзьверы: 2-2-2-2
• Ikarus 280.T7:
  • Вытворчасьць: 1980
  • Электрыка: Hitachi
  • Дзьверы: 2-2-2-2
• Ikarus 280.T8:
  • Вытворчасьць: BKV 1981
  • Электрыка: BKV-VKI
  • Дзьверы: 2-2-2-2
• Ikarus 280.91:
  • Электрыка: ZIU vagy Kiepe-Obus
  • Дзьверы: 2-2-2-2 плоскія ці сучлененыя
• Ikarus 280.91D:
  • Электрыка: ZIU
  • Дзьверы: 2-2-2-2
• Ikarus 280.92:
  • Вытворчасьць: 1985—1989
  • Электрыка: Ganz
  • Дзьверы: 2-2-2-2
• Ikarus 280.93:
  • Вытворчасьць: 1985—1989
  • Электрыка: Ganz
  • Дзьверы: 2-2-2-2 плоскія ці сучлененыя
• Ikarus 280.94:
  • Вытворчасьць: 1987—1989
  • Электрыка: Ganz
  • Дзьверы: 2-2-2-2 плоскія ці сучлененыя

Вонкавыя спасылкі

Ikarus 280T — сховішча мультымэдыйных матэрыялаў