Gazeta Wyborcza

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Gazeta Wyborcza
Agora Gazeta Wyborcza ul. Czerska 2019.jpg
Тып штодзёньнік
Фармат А3
Выдавец Agora SA
Галоўны рэдактар Адам Міхнік
Заснаваная 1989
Палітыка грамадзка-палітычная
Мова польская
Штаб-кватэра Варшава
Наклад 458 832 (8/2009)
ISSN 0860-908X
Афіцыйны сайт Gazeta Wyborcza

Gazeta Wyborcza (афіцыйны скарот GW) — агульнапольскі грамадзка-палітычны штодзёньнік, выдаецца ў Варшаве ад 8 траўня 1989 году. Выдавец мэдыя-канцэрн Agora SA, галоўны рэдактар Адам Міхнік.

Мае свайго журналіста ў Беларусі. Апісвае й камэнтуе беларускія падзеі.

Гісторыя[рэдагаваць | рэдагаваць крыніцу]

Газэта паўстала згодна з пастановай круглага стала як выданьне, што будзе прадстаўляць «Салідарнасьць» пад час перадвыбарчай кампаніі ў Сойм. Напачатку выданьне хацелі назваць «Gazeta Codzienna», а слова «Wyborcza» мусіла заставацца толькі на час выбарчай кампаніі[1]. Першы 8-старонкавы нумар зьявіўся 8 траўня 1989 году накладам 150 000 асобнікаў. Падрыхтавалі яго 20 журналістаў — большасьць зь іх раней былі зьвязаныя з падпольным «Tygodnikiem Mazowsze».

У 90-х гадах XX стагодзьдзя сярэдні наклад дасягаў 500 000 асобнікаў, а сьвяточныя выданьні — да 1 мільёну[2]. Напрыканцы 2008 году сярэдні продаж газэты быў больш за 388 000 асобнікаў, ці другое месца пасьля штодзёньніка «Fakt»[3].

Ад часу заснаваньня газэты ейным галоўным рэдактарам зьяўляецца Адам Міхнік.

Штодзённыя мясцовыя выданьні[рэдагаваць | рэдагаваць крыніцу]

Рэдакцыя ў Лодзі
Сядзіба рэдакцыі ўроцлаўскага выданьня
Сядзіба рэдакцыі познанскага выданьня
  • Беластоцкае выданьне («Gazeta w Białymstoku») — Беласток
  • Бельскае выданьне — Бельска-Бяла
  • Быдгаскае выданьне («Gazeta w Bydgoszczy») — Быдгашч
  • Чэнстахоўскае выданьне («Gazeta w Częstochowie») — Чэнстахова
  • Гораўскае выданьне — Гораў Велікапольскі
  • Катавіцкае выданьне («Gazeta w Katowicach») — Катавіцы
  • Кельцкае выданьне — Кельцы
  • Кракаўскае выданьне («Gazeta w Krakowie») — Кракаў
  • Люблінскае выданьне («Gazeta w Lublinie») — Люблін
  • Лодзькае выданьне («Gazeta Łódzka») — Лодзь
  • Ольштынскае выданьне («Gazeta Warmii i Mazur») — Ольштын
  • Апольскае выданьне («Gazeta w Opolu») — Аполе
  • Плоцкае выданьне (раней мазавецкае — «Gazeta na Mazowszu») — Плоцк
  • Познанскае выданьне («Gazeta Wielkopolska») — Познань
  • Радамскае выданьне («Gazeta w Radomiu») — Радам
  • Жэшаўскае выданьне («Gazeta w Rzeszowie») — Жэшаў
  • Шчэцінскае выданьне («Gazeta na Pomorzu») — Шчэцін
  • Торунскае выданьне — Торунь
  • Выданьне Труймяста («Gazeta Morska») — Гданьск, Гдыня, Сопат
  • Варшаўскае выданьне («Gazeta Stołeczna») — Варшава
  • Уроцлаўскае выданьне («Gazeta Dolnośląska») — Уроцлаў
  • Зялёнагурскае выданьне («Gazeta Zachodnia») — Зялёна Гура

Штодзённыя тэматычныя дадаткі[рэдагаваць | рэдагаваць крыніцу]

  • панядзелак: Gazeta Praca, Gazeta Sport, Ludzie i Pieniądze
  • аўторак: Gazeta Komunikaty, Gazeta Komputer (толькі ў сталічным выданьні)
  • серада: Gazeta Dom, Gazeta Nieruchomości (у 13 мясцовых выданьнях)
  • чацьвер: Duży Format (з сакавіка 1993, напачатку як Magazyn)
  • пятніца: Gazeta Telewizyjna, Gazeta Co Jest Grane, Teatry (толькі ў сталічным выданьні), Supermarket (толькі ў выданьнях: лодзі і труймяста), Wieża Ciśnień (толькі ў ўроцлаўскім выданьні), Komiksowo (выдавалася да 2004 г.)
  • субота: Gazeta Turystyka, Gazeta Wysokie Obcasy (тэматыка зьвязаная з кабетамі, з 3 красавіка 1999), Gazeta Książki (раз у месяц ў сталічным выданьні), Zdrowie i Uroda (раз на месяц)

Акрамя таго, газэта выдае таксама тэматычныя сэрыі, кнігі, плыты і г. д. З газэтаю зьвязана Biblioteka Gazety Wyborczej.

Сусьветнае сеціва[рэдагаваць | рэдагаваць крыніцу]

З сакавіка 1995 году GW трымае ўласнае інфармацыйнае адлюстраваньне ў Інтэрнэце. На яе аснове паўстаў у 2001 годзе партал Gazeta.pl. У 2006 годзе з парталу вылучаны сэрвіс Wyborcza.pl, які стаў афіцыйным інтэрнэт-адлюстраваньнем газэты. Зь лютага 2009 году галоўным рэдактарам Wyborcza.pl зьяўлаецца Эдвард Кжэмень[4].

Крыніцы[рэдагаваць | рэдагаваць крыніцу]

  1. ^ Newsweek: Okrągły Stół, czyli gra o Polskę
  2. ^ [1] Kultura, nauka, media. Rynek prasowy w Polsce //Ministerstwo Spraw Zagranicznych
  3. ^ [2] // Teleskop Online, сьнежань 2008
  4. ^ Edward Krzemień redaktorem naczelnym Wyborcza.pl

Вонкавыя спасылкі[рэдагаваць | рэдагаваць крыніцу]

Commons-logo.svg Gazeta Wyborczaсховішча мультымэдыйных матэрыялаў