Царква Сьвятога Ўладзімера (Горадня)

Помнік гісторыі
Царква Сьвятога Ўладзімера
Краіна	Беларусь
Места	Горадня
Каардынаты	53°39′52″ пн. ш. 23°49′41″ у. д.
Канфэсія	Беларускі экзархат
Эпархія	Гарадзенская і Ваўкавыская япархія[d]
Архітэктурны стыль	псэўдарускі стыль[d]
Аўтар праекту	Іван Плотнікаў[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятога Ўладзімера на мапе Беларусі Царква Сьвятога Ўладзімера

Царква Сьвятога Ўладзімера — помнік гісторыі канца XIX стагодзьдзя (мураўёўка) у Горадні. Знаходзіцца ў Занёманскім прадмесьці пад адрасам вуліца Перамогі, 5. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Іканастас, 1899 г.

Мураваную царкву Ўрадавага сыноду Расейскай імпэрыі (Маскоўскай царквы) у Занёманскім прадмесьці Горадні збудавалі ў 1896 годзе паводле праекту расейскага архітэктара Івана Плотнікава.

Архітэктура

Прыклад эклектычнай царкоўнай архітэктуры Расейскай імпэрыі. Аб’ёмна-прасторавая кампазыцыя складаецца з 2-яруснай званіцы і асноўнага аб’ёму зь 5-граннай апсыдай. Асноўны аб’ём накрываецца 4-схільным дахам, званіца завяршаецца шатром з купалам-цыбулінай. Аконныя праёмы аркавыя і лучковыя. Сьцены пэрымэтрам завяршаюцца зубчастым пасам, філёнгавым фрызам і прафіляваным карнізам. На бакавых фасадах невялікія кілападобныя франтоны. Цокаль дэкаруецца філёнгамі і прафіляванымі цягамі. Архітэктура зьмяшчае стылізаваныя элемэнты дэкору дойлідзтва Маскоўскай дзяржавы: закамары, кілападобныя аркі, крыжовыя і аркавыя нішы, кутнія калёнкі, ліштвы вокнаў ды іншае.

Унутраная прастора перакрываецца роўнай стольлю. Дэкаратыўны акцэнт інтэр’еру — драўляны іканастас.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  412Г000019

• Царква Сьвятога Ўладзімера , Radzima.org