Царква Покрыва Багародзіцы (Янаў)

Помнік гісторыі
Царква Покрыва Багародзіцы
Пакроўская царква
Краіна	Беларусь
Места	Янаў
Каардынаты	52°08′51.75″ пн. ш. 25°32′9.82″ у. д.
Канфэсія	Беларускі экзархат
Эпархія	Пінская япархія
Архітэктурны стыль	псэўдарускі стыль[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Царква Покрыва Багародзіцы — помнік гісторыі пачатку XX стагодзьдзя (мураўёўка) у Янаве. Знаходзіцца ў цэнтры места, на гістарычным Рынку. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Царкву Маскоўскага патрыярхату ў Янаве збудавалі ў 1901 годзе на месцы царквы Сьвятога Пасаду.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую падоўжана-восевую кампазыцыю: званіца, трапезная, асноўны аб’ём з бакавымі прыдзеламі, апсыда з рызьніцамі. 2-ярусная (васьмярык на чацьверыку) званіца, надбудаваная над шырокім 2-павярховым прытворам, і 8-гранны шатровы барабан над асноўным кубападобным аб’ёмам завяршаюцца купаламі-цыбулінамі. Імі ж завяршаюцца 2-схільныя дахі ганка галоўнага ўвахода і прыдзелаў. Фасады праразаюцца адзінарнымі і падвойнымі аркавымі вокнамі з броўкамі, падзяляюцца кутнімі лапаткамі і прастакутнамі нішамі, апярэзваюцца прафіляванымі карнізамі з зубчастымі фрызамі.

У царкве захоўваюцца абразы XVII—XVIII стагодзьдзяў: «Тройца старазапаветная» і «Маці Божая Рымская» (паходзіць зь Ільлінскай царквы ў в. Дастоеве), «Арханёл Міхал», «Маці Божая Адзігітрыя» (з Прачысьценскай царквы ў в. Сьнітаве), «Маці Божая Чантахоўская», «Раство Маці Божай», «Уваскрасеньне», «Сьвятыя Канстантын і Алена»; абразы XIX ст.: «Маці Божая ўсіх смуткуючых радасьць», «Аляксандр Неўскі», «Цуд Юрыя пра зьмея».

Галерэя

Гістарычныя здымкі

• Старыя здымкі
• 
  1916 г.
• 
  1916 г.
• 
  1916 г.
• 
  1917 г.

• 
  1917 г.
• 
  1915—18 гг.
• 
  1915—18 гг.
• 
  1915—18 гг.

Сучасныя здымкі

• Сучасны стан
• 
  Агульны выгляд
• 
  Галоўны фасад
• 
  Выгляд з боку апсыды
• 
  Фрагмэнт

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000262

Царква Покрыва Багародзіцы (Янаў) — сховішча мультымэдыйных матэрыялаў