Сяржук Цімохаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сяржук Цімохаў
Дата нараджэньня 1960
Месца нараджэньня в. Кротаў, Гомельская вобласьць, Беларусь
Дата сьмерці 9 кастрычніка 2012
Месца сьмерці Менск, Беларусь
Адукацыя Беларуская акадэмія мастацтва
Занятак жывапіс

Сяржу́к Цімо́хаў (1960 — 9 кастрычніка 2012) — беларускі мастак. Працаваў ў жанры станкавага жывапісу і графікі, манумэнтальна-дэкаратыўнага мастацтва.

Сяржук Цімохаў нарадзіўся ў 1960 годзе ў вёсцы Кротаў Гомельскай вобласьці. У 1979 годзе скончыў Менскую мастацкую вучэльню. У 1984 годзе скончыў Беларускую акадэмію мастацтва (катэдру манумэнтальнага мастацтва). З 1999 году жыў і працаваў у Менску.

Творы мастака знаходзяцца ў Музэі сучаснага мастацтва Беларусі (Менск), Мастацкім фондзе Саюза мастакоў Беларусі (Менск), Мастацкім фондзе Міністэрства культуры Расеі (Масква), Музэі М. Шагала (Віцебск), Полацкім мастацкім музэі (Полацак), Галерэі «Galeria stuki Katarzyny Napiorkowskaj»(Варшава), Галерэі «Walentowski Galerien» (Дрэздэн), а таксама ў прыватных калекцыях у Беларусі і за межамі.

Cябра Саюза мастакоў Беларусі з 1989 году. Быў намесьнікам старшыні Саюза мастакоў Беларусі. Ляўрэат 2-га Міжнароднага Шагалаўскага плэнэру 1997 году. Гран-Пры 7-га міжнароднага біянале ілюстрацыі «Залатое пяро Бялграду» 2003 году.

Вонкавыя спасылкі[рэдагаваць | рэдагаваць крыніцу]