Пагоня (мастацкая суполка)

Творчая суполка «Пагоня» была створаная ў 1990 годзе ў складзе Саюзу мастакоў Беларусі.

Прыдумалі і пасьпяхова рэалізавалі яе ў знакамітай майстэрні «На паддашку» Аляксей Марачкін, Яўген Кулік, Віктар Маркавец, Мікола Купава, браты Ўладзімер і Міхась Басалыгі.

Сябры суполкі амаль штогод ладзяць выставы сваіх прац, частку зь якіх здымаюць па патрабаваньню чыноўнікаў. В 2015 годзе былі зьнятыя 3 творы: жывапісныя палотны Алеся Мары «Двубой, альбо супраціў двухгаловаму мутанту», Алеся Пушкіна «Памяці беларусаў, загінулых за Ўкраіну» і партрэт амэрыканскай мастачкі беларускага паходжаньня Галіны Русак работы Віктара Маркаўца. Прычым, апошняе палатно зьнялі толькі за тое, што фон карціны нагадаў цэнзаршы бел-чырвона-белы сьцяг.

Кіраўнікі суполкі

• Аляксей Марачкін (1990—1998)
• Мікола Купава (1998—2004)
• Леў Талбузін (2004—2007)
• Аляксей Марачкін (2007—2011)
• Генадзь Драздоў (2011—2016)
• Ігар Марачкін (2017 — па сёньня)

Мэта аб’яднаньня

Разьвіцьцё нацыянальнага мастацтва, захаваньне яго пераемнасьці, узбагачэньне традыцыяў, зьберажэньне і памнажэньне мастацкіх набыткаў культурна-гістарычнай спадчыны. Усё дзеля абуджэньня нацыянальнай самасьвядомасьці народу, ягонага духоўнага, культурнага і дзяржаўнага адраджэньня.

Сябры суполкі

Сябрамі суполкі былі выбітныя беларускія мастакі розных пакаленьняў, сярод іх

• Уладзімер Сулкоўскі
• Сяргей Цімохаў
• Віктар Маркавец
• Тодар Копша
• Генадзь Сокалаў-Кубай
• Генадзь Асташонак
• Віктар Сташчанюк
• Яўген Кулік
• Яўген Шатохін
• Пятро Шарыпа
• Кастусь Харашэвіч
• Лявон Раманоўскі
• Вольга Раманоўская
• Міхась Раманюк
• Яўген Ціхановіч
• Генрых Ціхановіч
• Віктар Шматаў
• Рыгор Кійко.

У 2016 годзе сябрамі творчай суполкі «Пагоня» — крыху больш за паўсотні беларускіх масткоў.

Вонкавыя спасылкі

• Суполка Пагоня. Выстава памяці.
• Гісторыя суполкі