Сяргей Рутэнка
- Вікіпэдыя мае артыкулы пра іншых асобаў з прозьвішчам Рутэнка.
| Сяргей Рутэнка лац. Siarhiej Rutenka | ||
 | ||
| Пэрсанальная інфармацыя | ||
|---|---|---|
| Нарадзіўся | 29 жніўня 1981 (43 гады) Прывольны, БССР | |
| Рост | 199 см | |
| Вага | 99 кг | |
| Пазыцыя | левы паўсярэдні | |
| Клюбы | ||
| Гады | Клюб | |
| 1998—2000 2000—2001 2001—2005 2005—2009 2009—2015 2015 2016 2016—2017 |
Аркатрон Менск Гарэнье Вяленье Цэле Сьюдад-Рэал Барсэлёна Лехвія СКА Менск Аль Кіяда |
|
| Зборныя | ||
| 2001—2004 2004—2008 2010—2016 |
.svg){kind=small} Беларусь Славенія Беларусь
|
54 (361) |
Сярге́й Аляксе́евіч Рутэ́нка (нар. 29 жніўня 1981 году, Прывольны[1]) — колішні беларускі, славенскі і гішпанскі гандбаліст. Заслужаны майстар спорту Рэспублікі Беларусь (2016).
Улетку 2009 году стаўся найдаражэйшым гандбалістам сьвету праз заключэньне з гішпанскай «Барсэлёнай» кантракту сумай 1,2 млн эўра з гадавым заробкам каля 240 тыс. эўра[2].
Кар’ера
[рэдагаваць | рэдагаваць крыніцу]Выхаванец менскае школы гандболу. Прафэсійную кар’еру пачаў у «Аркатроне», дзе правёў два сэзоны (1998—2000).
У 2000 року ў складзе моладзевай зборнай стаў срэбным прызэрам чэмпіянату сьвету. Пасьля гэтага посьпеху ў 19-гадовым узросьце перайшоў у славенскі «Гарэнье», а праз год — у наймацнейшы клюб краіны — «Цэле».
Першы матч за зборную Беларусі згуляў 4 студзеня 2001 году супраць зборнай Эстоніі. З клюбам выйграў свой першы Кубак Эўропы (2004) і стаў найлепшым бамбардзірам спаборніцтва (86 мячоў)[3].
У 2004 року прыняў славенскае грамадзянства. Дэбютны матч за Славенію правёў на Алімпіядзе ў Атэнах супраць зборнай Расеі. Агулам за Славенію Сяргей Рутэнка правёў 40 гульняў і закінуў 269 мячоў, стаўшыся найлепшым бамбардырам чэмпіянату Эўропу 2006 року (51 гол).
У наступным сэзоне «Цэле» саступіў у паўфінале Лігі чэмпіёнаў «Барсэлёне», аднак Сяргей Рутэнка зноў стаў найлепшым бамбардзірам спаборніцтва з 95 мячамі[4]. Дадаткова ён стаў пераможцам, найлепшым бамбардзірам і найлепшым гульцом Супэркубку 2004—2005.
У 2005 року Рутэнка перайшоў у адзін з наймацнейшых клюбаў Эўропы — гішпанскі «Сьюдад-Рэал», зь якім цягам чатырох сэзонаў здабыў тры перамогі ў Лізе чэмпіёнаў, Лізе ASOBAL і Кубку Гішпаніі. У сьнежні 2008 зь ініцыятывы кіраўніцтва клюбу праз квоту на легіянэраў прыняў грамадзянства Гішпаніі. У той жа час Рутэнка выказаў жаданьне вярнуцца ў беларускую зборную адразу па завяршэньні неабходнага трохгадовага тэрміну з часу ягонай апошняй гульні за Славенію.
Улетку 2009 року гандбаліст перайшоў у «Барсэлёну», падпісаўшы з клюбам кантракт на 5 гадоў. Сума трансфэру склала €1,2 млн, што зрабіла Сяргея Рутэнку найдаражэйшым гандбалістам сьвету[5].
У студзені 2010 року Рутэнка быў уключаны ў пашыраную заяўку зборнай Беларусі на адборачны турнір чэмпіянату сьвету-2011, аднак празь юрыдычныя перашкоды вяртаньне гульца было адкладзенае. У верасьні таго ж року Рутэнка ўсё ж атрымаў права выступаць за Беларусь, а зь лістапада 2011 зьяўляўся ейным капітанам.
У 2015 року Рутэнка пакінуў «Барсэлёну», зь якой стаў шасьціразовым чэмпіёнам Гішпаніі. Кароткі час правёў у катарскай Лехвіі, у красавіку 2016 року прыняў прапанову менскага СКА[6]. У верасьні таго ж року ўганараваны званьнем Заслужанага майстра спорту Рэспублікі Беларусь[7].
У сьнежні 2016 перайшоў у катарскі клюб «Аль Кіяда»[8]. У студзені 2017 року абвясьціў пра завяршэньне гульнявой кар’еры[9].
Дасягненьні
[рэдагаваць | рэдагаваць крыніцу]Камандныя
[рэдагаваць | рэдагаваць крыніцу]- 4-разовы чэмпіён Славеніі (2001, 2003, 2004, 2005)
- 3-разовы ўладальнік Кубка Славеніі (2002, 2003, 2004)
- 6-разовы чэмпіён Гішпаніі (2007, 2008, 2009, 2011, 2012[10], 2015)
- 5-разовы ўладальнік Кубка Гішпаніі (2006, 2007, 2008, 2009, 2011)
- 2-разовы ўладальнік Супэркубка Гішпаніі (2008, 2009)
- 6-разовы пераможца Лігі чэмпіёнаў (2004, 2006, 2008, 2009, 2011, 2015)
- 4-разовы ўладальнік Супэркубка Эўропы (2004, 2005, 2006, 2008)
- Срэбраны прызэр моладзевага чэмпіянату Эўропы (2000)
Асабістыя
[рэдагаваць | рэдагаваць крыніцу]- Найлепшы бамбардзір Лігі чэмпіёнаў (2004, 2005)
- Найлепшы бамбардзір чэмпіянату Эўропы 2006 году
- Найлепшы левы паўсярэдні сьвету (2013)
Крыніцы
[рэдагаваць | рэдагаваць крыніцу]- ^ Siarhei Rutenka (анг.). EHF. Праверана 12 студзеня 2017 г.
- ^ Алена Аўчыньнікава. Сяргей Рутэнка: «Некаторыя заўзятары лічаць мяне прадажным» // Зьвязда : газэта. — 13 студзеня 2011. — № 6 (26870). — С. 1-2. — ISSN 1990-763x.
- ^ Top 50 Scorers (анг.) EHF Champions League 2003/04. Velux EHF Champions League. Праверана 7 траўня 2015 г.
- ^ Top 50 Scorers (анг.) EHF Champions League 2004/05. Velux EHF Champions League. Праверана 7 траўня 2015 г.
- ^ Щурко, Сергей (20 ліпеня 2009) Звезда не в гости к нам. «Барса» & Беларусь. Сергей Рутенко: уж как-нибудь без Карабатича (рас.) Легионеры. Прессбол. Праверана 12 студзеня 2017 г.
- ^ Сергей Рутенко: надеюсь, помогу СКА (рас.). Гандбольны клюб СКА Менск (11 красавіка 2016). Праверана 12 студзеня 2017 г.
- ^ Заслужил!!!. Беларуская фэдэрацыя гандболу (3 кастрычніка 2016). Праверана 12 студзеня 2017 г.
- ^ Siarhei Rutenka to Qatari Al Quiada (анг.) // Handball Planet, 25 сьнежня 2016 г. Праверана 12 студзеня 2017 г.
- ^ Славуты беларускі гандбаліст Сяргей Рутэнка завяршыў кар’еру Іншы спорт. Наша Ніва (12 студзеня 2017). Праверана 12 студзеня 2017 г.
- ^ Сяргей Рутэнка стаў пяцікратным чэмпіёнам Гішпаніі, Наша Ніва
Вонкавыя спасылкі
[рэдагаваць | рэдагаваць крыніцу]
| |||||||||
| |||||||||
| |||||||||
| |||||||||
- Нарадзіліся 29 жніўня
- Нарадзіліся ў 1981 годзе
- Беларускія гандбалісты
- Гандбалісты зборнай Беларусі
- Гандбалісты клюбу «Аркатрон» Менск
- Гандбалісты клюбу «Сьюдад-Рэаль»
- Гандбалісты клюбу «Барсэлёна»
- Гандбалісты клюбу «Гарэнье» Вяленье
- Гандбалісты клюбу «Цэле»
- Гандбалісты клюбу «Лехвія»
- Гандбалісты клюбу «Аль Кіяда»
- Гандбалісты СКА Менск
- Чэмпіёны Гішпаніі па гандболе сярод мужчынаў
- Заслужаныя майстры спорту Беларусі
- Нарадзіліся ў Менскім раёне