Слушна
Каардынаты: 53°54′57″ пн. ш. 27°26′26″ у. д. / 53.91583° пн. ш. 27.44056° у. д.
| «Слушна» | |
 | |
 Галоўная старонка (16 сьнежня 2022 г.) | |
| Слоган | Пра Беларусь і беларусаў |
|---|---|
| Тып | інтэрнэт-партал |
| Даступныя мовы | беларуская, расейская |
| Уладальнік | «Мэдыцынскі весьнік» |
| Аўтар | Васіль Жарко |
| Пачатак працы | 17 траўня 2017 (7 гадоў таму) |
| Камэрцыйны? | не |
| Рэгістрацыя | бясплатная, неабавязковая |
| Прадукцыя | даведка, агляд |
| Прыбытак | няма |
| Супрацоўнікаў | Вольга Сьвятліцкая (кіраўніца), Вікторыя Аскера-Дубовік (рэдактарка) |
| Актуальны стан | дзейны |
| Ліцэнзія | Усе правы абароненыя |
| slushna.by | |
«Слушна» — нацыянальны інтэрнэт-партал Беларусі пра здаровы лад жыцьця, заснаваны ў траўні 2017 года пад назвай «Здаровыя людзі», быў беларускай версіяй інфармацыйнага партала «Здоровые люди». Пасля чэрвеня 2021 года сайт «Здаровыя людзі» змяніў назву на «Слушна»[1].
«Слушна» пра Беларуь і беларусаў – гэта ўнікальны праект, які аб’ядноўвае экспертаў, высокакваліфікаваных урачоў і ўсіх зацікаўленых людзей, што імкнуцца захаваць ідэнтычнасць і здароўе беларусаў. На сайце вы знойдзеце інфармацыю пра адметнасці беларускай душы і побыту.
На 2022 год з журналістамі парталу супрацоўнічалі лекары, якія давалі парады наконт захаваньня здароўя і падтрымкі захварэлых. Дзейнічала 5 рубрык: «Сям’я» і «Здароўе», «Харчаваньне» і «Падарожжы», а таксама «Беларускі код» пра побыт[2]. Парталам ад заснаваньня загадвала кандыдатка мэдычных навук Вольга Сьвятліцкая, якая працавала дацэнткай катэдры анэстэзіялёгіі і раэніматалёгіі Беларускай мэдычнай акадэміі пасьлядыплёмнай адукацыі. Рэдактаркай беларускай вэрсіі парталу была Вікторыя Аскера-Дубовік. Заснавальнікам інтэрнэт-выданьня было Міністэрства аховы здароўя Беларусі. Сайт вяла рэдакцыя газеты «Мэдыцынскі веснік» (Менск, Фрунзэнскі раён, вул. Матусевіча, д. 77)[3].
Мінуўшчына
[рэдагаваць | рэдагаваць крыніцу]17 траўня 2017 году запрацаваў нацыянальны інтэрнэт-партал Беларусі «Здаровыя людзі» пра здаровы лад жыцьця. Яго стварыла Міністэрства аховы здароўя Беларусі на аснове газэты «Мэдыцынскі весьнік». Разам з журналістамі над парталам працавалі лекары і пісьменьнікі. Пры заснаваньні інтэрнэт-выданьня міністар аховы здароўя Беларусі Валеры Малашка заўважыў: «Хутчэй за ўсё, нашыя мэтады прапаганды здаровага ладу жыцьця не заўсёды дасягаюць мэты. Адна з прычынаў — зьмена структуры інфармацыйнай прасторы на карысць інтэрнэт-рэсурсаў. Гаджэты ёсьць практычна ў кожнага дзіцяці і дарослага. Мы трохі мяняем палітыку прасоўваньня здаровага ладу жыцьця і, вядома, улічылі, што ў Беларусі больш за 5 мільёнаў чалавек ад 15 да 74 гадоў рэгулярна карыстаюцца інтэрнэт-рэсурсамі». Валеры Малашка дадаў, што важна, каб у краіне працаваў нацыянальны праект, накіраваны на прапаганду здаровага ладу жыцьця, бо 9 зь 10 беларусаў маюць ад адной да 5 шкодных звычак, а кожны другі беларус мае залішнюю вагу. Кіраўніцай парталу «Здаровыя людзі» стала кандыдатка мэдычных навук Вольга Сьвятліцкая, якая працавала дацэнткай катэдры анэстэзіялёгіі і раэніматалёгіі БелМАПА. Сьвятліцкая заўважыла: «Гэта ўнікальны праект, ён рыхтаваўся даўно. Ідэя прыйшла Васілю Іванавічу Жарко (які стаў віцэ-прэм'ерам пасьля заняцьця пасады міністра аховы здароўя) год таму. Мы падышлі вельмі сур'ёзна, некалькі месяцаў зьбіралася каманда, мы аналізавалі паводніцкія рэакцыі людзей у інтэрнэце, замежныя і айчынныя сайты з такой інфармацыяй і прыйшлі да нейкага бачаньня гэтага праекту». Сярод іншага, Вольга Сьвятліцкая абвясьціла пра стварэньне ютуб-канала «Здаровыя людзі». На партале стварылі 7 разьдзелаў: «Будзь шчасьлівым», «Харчуйся правільна», «Жыві актыўна», «Расьці дзяцей», «Кантралюй здароўе», «Заставайся маладым», «Будзь незалежны». Сьвятліцкая падкрэсьліла: «Мы будзем гаварыць пра ўсё: як будаваць адносіны з партнэрамі, дзецьмі, калегамі, начальствам, пра сэкс, пра людзей, якім патрэбна дапамога. Велізарная колькасьць людзей не знаходзіць, куды ім зьвярнуцца. Адна з топавых пазыцыяў — як дапамагчы чалавеку перажыць гора. Мала хто працуе з гэтымі людзьмі. Мы возьмем іх пад сваю апеку, раскажам, як і куды зьвярнуцца, справіцца з горам». Партал адразу займеў вэрсіі на беларускай і расейскай мовах. Пры гэтым кіраўніца парталу адзначыла: «Я атрымліваю задавальненне, чытаючы на беларускай мове, і нам хочацца, каб гэты партал чыталі на сваёй роднай мове». Пагатоў, партал «Здаровыя людзі» меў старонкі ў 2-х амэрыканскіх і 2-х расейскіх сацыяльных сетках — «Твітэры» і «Фэйсбуку», а таксама ў «Аднаклясьніках» і «Ў кантакце» адпаведна. На сайце было магчыма пакінуць заяўку ў форме для зваротаў, каб журналісты напісалі артыкул паводле дарэчнай тэмы[4].
Урэшце, партал «Здаровыя людзі» даваў магчымасьць павелічэньня шрыфта для людзей са слабым зрокам і меў мабільную вэрсію. Дзейнічаў і форум, дзе было магчыма пакінуць пытаньне для атрыманьня кампэтэнтнага адказу. У асабістым анлайн-кабінэце пры рэгістрацыі была магчымасьць рабіць асабістыя закладкі[5]. У далейшым на партале працавала «Мапа здароўя», на якой было магчыма знайсьці 13 відаў установаў з разьбіўкай па 6 абласьцях: спартовыя залі і радзільні, басэйны і паліклінікі, стаматалёгіі і дыспансэры, лякарні і навукова-практычныя цэнтры Міністэрства аховы здароўя, фітнэс-цэнтры і здраўніцы, дзіцячыя паліклінікі і гурткі для пажылых, а таксама лякарні сястрынскага догляду. Пазьней узьнікла суполка ў мэсэнджэры «Вайбер»[6]. У 2018 годзе рэдактаркай беларускай вэрсіі парталу «Здаровыя людзі» стала Сьвятлана Адамовіч, якая дагэтуль працавала загадчыцай аддзелу лістоў у ігуменскай газэце «Раённы весьнік», а таксама карэспандэнткай газэтаў «Мінская праўда» і «Звязда»[7].
Крыніцы
[рэдагаваць | рэдагаваць крыніцу]- ^ Падарожжы // Партал «Слушна», 2023 г. Праверана 2023 г.
- ^ Аб праекце «Слушна» // Партал «Слушна», 2022 г. Праверана 16 сьнежня 2022 г.
- ^ Кантакты // Партал «Слушна», 2022 г. Праверана 16 сьнежня 2022 г.
- ^ Tut.by. У Беларусі зьявіўся нацыянальны партал пра здаровы лад жыцьця // Газэта «Наша ніва», 17 траўня 2017 г. Праверана 16 сьнежня 2022 г.
- ^ Сьвятлана Барысенка. Людзі без хваробаў // Зьвязда : газэта. — 19 траўня 2017. — № 93 (28457). — С. 1, 4. — ISSN 1990-763x.
- ^ Асобы і лёсы // Партал «Слушна», 2021 г.
- ^ Адметнасць беларусаў // Партал «Слушна», 2021 г.
| Гэта — накід артыкула. Вы можаце дапамагчы Вікіпэдыі, пашырыўшы яго. |