Перайсьці да зьместу

Путін — хуйло!

Зьвесткі зь Вікіпэдыі — вольнай энцыкляпэдыі
«Путін — хуйло»
«Пуцін — хуйло»
Аднайменны надпіс, Луганск
Краіна Украіна

НСК «Олімпійський» перад канцэртам гурту «Океан Ельзи»
«Путін — хуйло» у Вікісховішчы
Вонкавыя відэафайлы
Арыгінальны варыянт песьні ў выкананьні фанатаў ФК «Мэталіст» у Харкаве, які атрымаў масавае распаўсюджаньне
Песьня ў выкананьні в. а. міністра замежных справаў Украіны Андрэя Дзяшчыцы (амбасада РФ, Кіеў)
Беларусы і ўкраінцы сьпяваюць «Путін — хуйло», падчас выступу гурту «Гайдамаки», рок-фэст «Басовішча»

«Путін — хуйло!» (па-беларуску: Пуцін — хуйло!) — украінская народная[1][2] лаянкавая песьня-крычалка, інтэрнэт-мэм, які стаў папулярным пасьля расейскай інтэрвэнцыі ва Ўкраіну ў 2014 годзе сярод крытыкаў палітыкі прэзыдэнта Расейскай Фэдэрацыі Ўладзімера Пуціна як ва Ўкраіне, так і за яе межамі.

Словы

[рэдагаваць | рэдагаваць код]
« Путін - хуйло!
ла-ла-ла-ла-ла-ла-ла-ла
ла-ла-ла-ла-ла-ла-ла-ла
ла-ла-ла-ла-ла-ла-ла-ла		 »

Нярэдка крычалка выконваецца а капэла, але ўсё часьцей з дапамогай музычнага суправаджэньня й шматразова паўтараецца, перамяжоўваючыся зь перапеўкамі «ла-ла-ла-ла», часам таксама ўжываюць «ло-ло-ло-ло» для рыфмы са словам «хуйло».

"Путін — хуйло!" графіці ў Мелітопаль

Гісторыя

[рэдагаваць | рэдагаваць код]

Упершыню дакумэнтальна зафіксаваная ў Харкаве 30 сакавіка 2014 году, калі песьню выканалі на сумесным маршы фанаты харкаўскага «Мэталісту» і данецкага «Шахтару»[3]. Затым песьню падхапілі фанаты іншых футбольных клюбаў, у тым ліку кіеўскага «Дынама»[4], чарнігаўскай «Дзясны»[5], львоўскіх «Карпатаў»[6], палтаўскай «Ворсклы»[7] і іншыя.

Першы відэаролік на сэрвісе YouTube быў загружаны 4 красавіка пад назвай «инцидент на параде в Москве Путин хуйло Хит лета 2014 года»[8]

У траўні 2014 году кавэр-вэрсію песьні запісаў гурт «Телері», словы якой былі некалькі перайначаныя для пазьбяганьня нецэнзурнага тэксту — «Пуцін hello», але ў сюжэце відэакліпу герой песьні падвяргаецца катаваньням у выглядзе гвалтоўнага кармленьня традыцыйным украінскім прадуктам — салам[9].

Песьня хутка стала папулярнай і ў чэрвені зьявіўся першы запіс, выкананы пры ўдзеле ўкраінскіх турыстаў за мяжой — у Лос-Анджэлес[10].

22 ліпеня 2014 году ў сеціве зьявіўся відэазапіс з выкананьнем песьні беларусамі на штогадовым рок-фэсьце «Басовішча» у Польшчы[11].

Сусьветны розгалас

[рэдагаваць | рэдагаваць код]

На сёньняшні дзень крычалку выконваюць ужо і за межамі Ўкраіны, у тым ліку ў такіх краінах як ЗША, Канада, Мэксыка, Японія, краінах СНД і Заходняй Эўропы[12].

15 чэрвеня асноўны выраз песьні стаў больш вядомы дзякуючы в.а. міністра ўнутраных справаў Украіны Андрэю Дзяшчыцу, які вымавіў асноўныя словы песьні падчас антываеннага мітынгу ля амбасады РФ у Кіеве, на які Дзяшчыца прыбыў з мэтаю супакойваньня мітынгоўцаў[13][14]. Гэты факт выклікаў незадавальненьне ў кіраўніцтва РФ, міністар замежных спраў гэтай краіны Сяргей Лаўроў зрабіў адпаведную пратэсную заяву[15].

Песьня займела ўвагу ў незалежнай беларускай[16][17] і сусьветнай прэсы, была тэмай публікацыяў уплывовых міжнародных газэт, такіх як The Guardian[14], The Washington Post[12], The Wall Street Journal[18], Радыё «Свабодная Эўропа»/Радыё «Свабода»[19], Gazeta Wyborcza[20], The Atlantic[21], Israel HaYom[22] і шматлікіх іншых.

У Беларусі

[рэдагаваць | рэдагаваць код]
Вонкавыя відэафайлы
«Народны гіт» на Барысаў-Арэне

Найбольш вядомым прыкладам ужываньня крычалкі ў Беларусі зьяўляецца сумеснае выкананье 9 кастрычніка 2014 году беларускімі і ўкраінскімі футбольнымі фанатамі песьні на матчы Беларусь-Украіна на Барысаў-Арэне, відэа якога неўзабаве зьявілася на відэагостынгу YouTube.

Пасьля матчу за выкананьне крычалкі праваахоўнымі органамі былі затрыманыя дзясяткі беларускіх і ўкраінскіх заўзятараў[23].

Падзея выклікала пэўны розгалас у байнэце з прычыны неадназначнай трактоўкі падзеі ў беларускай блогасфэры і сацыяльных сетках[24].

Пераробкі

[рэдагаваць | рэдагаваць код]

21 красавіка 2014 году ўкраінскі рок-гурт «АстрагентА» выпусьціў музычны відэакліп зь пераробкай песьні ў жанры мэтал[25]. 7 чэрвеня таго ж году ўкраінскі гурт Mad Heads(uk) выканаў песьню на мотафэстывалі «Тарасава гара» ў сяле Чапаеўка(uk) (Залатаноскі раён, Чаркаская вобласьць, Украіна)[26]. 20 чэрвеня 2014 году гурт «Нікапаль-2» выдаў кліп зь пераробкай песьні ў танцавальным клюбным жанры[27].

У інтэрнэце

[рэдагаваць | рэдагаваць код]

Украінскімі праграмістамі быў распрацаваны адмысловы плагін[28], які аўтаматычна замяняе на прагляданых старонках усе словы з прозьвішчам расейскага прэзыдэнта на адпаведнае лаянкавае слова.

Галерэя

[рэдагаваць | рэдагаваць код]

Крыніцы

[рэдагаваць | рэдагаваць код]
  1. ↑ Дещиця приєднався до виконаньня народної пісьні про Путіна. (укр.)
  2. ↑ Информационное агентство «ОстроВ»: «Из песни слов не выкинешь! Народный шлягер». (рас.)
  3. ↑  Арыгінальны выступ .
  4. ↑  Арыгінальны выступ .
  5. ↑  Арыгінальны выступ .
  6. ↑  Арыгінальны выступ .
  7. ↑  Арыгінальны выступ .
  8. ↑  Арыгінальны выступ .
  9. ↑  Видэасюжэт ТСН . (укр.)
  10. ↑  Арыгінальны выступ .
  11. ↑  На «Басовішчы» .
  12. 1 2 Khuilo: The offensive term that has attached itself to Putin. The Washington Post. (анг.)
  13. ↑  Матэрыял Hromadske.TV .
  14. 1 2 Ukraine minister's abusive remarks about Putin spark diplomatic row (анг.) The Guardian
  15. ↑ Дещица перешел грань приличий, заявил Лавров. РИА Новости. (рас.)
  16. ↑ Міністр замежных спраў Украіны адкрыта назваў Пуціна «х*йлом», Наша Ніва.
  17. ↑ Глава МИД Украины объяснился по поводу частушки в адрес Путина. tut.by. (рас.)
  18. ↑ "Soccer Foes Join Forces on the Front Lines of Ukraine Crisis". The Wall Street Journal.  (анг.)
  19. ↑ "Some Smile, Others Squirm As Obscenity Becomes Latest Rallying Cry In Ukraine Crisis". Радыё «Свабодная Эўропа»/Радыё «Свабода». (анг.)
  20. ↑ Apel ukraińskich kibiców: Odśpiewajcie na mundialu naszą piosenkę o Putinie. Gazeta Wyborcza. (пол.)
  21. ↑ 'Putin Khuilo!': Ukraine's Obscene, Patriotic Rallying Cry". The Atlantic. (анг.)
  22. ↑ "שר החוץ האוקראיני קילל את פוטין". Israel HaYom.
  23. ↑ За выкананне «хіта пра Пуціна» на «Барысаў-арэне» затрыманыя дзясяткі беларускіх і ўкраінскіх заўзятараў. Наша Ніва.
  24. ↑ Стась Карпаў Пяць нярускіх капеек, ці Пра карысць самаметамарфозы. Наша Ніва
  25. ↑ АстрагентА. Пуцін ху*ло. Украінская народная (рок-вэрсія) // YouTube, 5 траўня 2014 г. Праверана 2 жніўня 2014 г.
  26. ↑ Mad Heads. Птн хло. Мотафэст «Тарасава гара - 2014» // YouTube, 22 чэрвеня 2014 г. Праверана 2 жніўня 2014 г.
  27. ↑ Нікапаль-2. Пуцін хуйло — танцавальная клюбная музыка // YouTube, 20 чэрвеня 2014 г. Праверана 2 жніўня 2014 г.
  28. ↑ https://chrome.google.com/webstore/detail/x%CE%BBlo/kmkjcgnagjmolnbchbokfnejaaledieg

Вонкавыя спасылкі

[рэдагаваць | рэдагаваць код]

Путін — хуйло! — сховішча мультымэдыйных матэрыялаў

Атрымана з «https://be-tarask.wikipedia.org/w/index.php?title=Путін_—_хуйло!&oldid=2430101»