Барысаў-Арэна

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Барысаў-Арэна
Borisov-arena stands.jpg
Краіна Беларусь
Адрас стадыёну Барысаў, вул. Гагарына, 119
Дата адкрыцьця 3 траўня 2014
Умяшчальнасьць 13 400
Хатняя каманда БАТЭ
Памеры поля 105 х 68 м
Геаграфічныя каардынаты 54°11′35″ пн. ш. 28°28′31″ у. д. / 54.19306° пн. ш. 28.47528° у. д. / 54.19306; 28.47528Каардынаты: 54°11′35″ пн. ш. 28°28′31″ у. д. / 54.19306° пн. ш. 28.47528° у. д. / 54.19306; 28.47528
Барысаў-Арэна на мапе Беларусі
Барысаў-Арэна
Барысаў-Арэна
Барысаў-Арэна

Барысаў-Арэна — футбольны стадыён у Барысаве, які зьяўляецца хатнім стадыёнам для футбольнага клюбу БАТЭ. Разьліковая ёмістасьць стадыёна — 13 400 гледачоў[1]. Стадыён быў уведзены ў эксплюатацыю ўвесну 2014 году. Афіцыйнае адкрыцьцё прайшло 3 траўня 2014 году фінальным матчам розыгрышу Кубка Беларусі паміж клюбамі «Шахцёр» і «Нёман»[2], перамогу ў якім атрымалі футбалісты з Салігорску з рахункам 0:1, адзіны мяч у гульні забіў украінскі паўабаронца Арцём Старгародзкі[3][4].

Будаўніцтва[рэдагаваць | рэдагаваць крыніцу]

Афіцыйна будаўніцтва новага барысаўскага стадыёна пачалося 12 лістапада 2010 году. Вучастак пад будаўніцтва быў абраны ў лясным масіве побач з трасай на Менск і на адлегласьці ў 60 кілямэтраў ад менскага аэрапорту.

Паводле стану на 3 кастрычніка 2012 году да стадыёна ўжо былі падведзены інжынэрныя камунікацыі — электразабесьпячэньне, водаправод, каналізацыя, пабудаваны будынак разьмеркавальнага пункта, у якім вёўся мантаж і наладка неабходнага абсталяваньня. Было ўсталявана 90 адсоткаў калёнаў і з дапамогай двух вежавых кранаў змантыравана каля 40 адсоткаў жалезабэтонных канструкцыяў. Усяго ж было сабрана мэталаканструкцыяў агульнай вагой каля 450 тонаў. Узьведзена амаль 45 адсоткаў трыбунаў, абсталявана 7 аўтастаянак, практычна цалкам уладкаваныя пад’язныя шляхі, на якіх засталося абкласьці толькі верхні пляст асфальтавага пакрыцьця. У першай дэкадзе кастрычніка плянавалася ўсталяваць першую фэрму даху і пачаць закладку сьценавых перагародак. На гэты час адкрыцьцё было заплянавана на сярэдзіну 2013 году.

У сярэдзіне сакавіка 2013 году для стадыёну гомельскае прадпрыемства «Сьвятлатэхніка» вырабіла больш за 12 тысячаў антывандальных сядзеньняў, якія немагчыма падпаліць і выламаць. У пачатку красавіку 2013 году было завершана ўсталяваньне фэрмаў, і іхная абвязка па крузе. Пасьля гэтага будаўнікі пачалі накрываць дах над паўночнай трыбунай.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Барысаў-Арэнасховішча мультымэдыйных матэрыялаў