Правая Лясная

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рака
Правая Лясная
Правая Лясная
Рэчка Правая Лясная ў Белавескай пушчы
Агульныя зьвесткі
Выток каля в. Дубіны (Польшча)
Вусьце Заходні Буг
Краіны басэйну Беларусь, Польшча
Даўжыня 63 км
Сярэднегадавы сьцёк 4,8 м³/с
Плошча басэйну 996 км²
Нахіл воднай паверхні 0,5 ‰
Commons-logo.svg Галерэя здымкаў у Вікісховішчы

Правая Лясная — рака ў Падляскім ваяводзтве Польшчы і Камянецкім раёне Берасьцейскай вобласьці Беларусі, правы прыток Заходняга Бугу (басэйн Віслы). Даўжыня 63 км (у межах Беларусі 30 км). Плошча вадазбору 996 км² (у Беларусі каля 650 км²). Выдатак вады ў вусьці 4,8 м³/с. Сярэдні нахіл воднай паверхні 0,5‰.

Асноўныя прытокі[рэдагаваць | рэдагаваць крыніцу]

Агульныя зьвесткі[рэдагаваць | рэдагаваць крыніцу]

Пачынаецца на поўнач ад места Гайнаўка каля вёскі Чыжыкі на тэрыторыі Польшчы[1]. За 0,8 км на ўсход ад вёскі Вугляны Камянецкага раёну зьліваецца з ракой Левая Лясная (утвараюць раку Лясная). Цячэ Прыбужанскай раўнінай, перасякае тэрыторыю Белавескай пушчы.

Даліна месцамі невыразная, у ніжняй плыні яе шырыня да 4 км Абалона двухбаковая, пераважна ўвільготненая, у нізоўі забалочаная, шырынёй 200—400 м, бліжэй да вусьця пашыраецца да 1 км. Рэчышча зьвілістае, вольна мэандруе, слабаразгалінаванае, шырыня ў ніжняй плыні 20—25 м. Берагі адкрытыя або пад хмызьняком, нізкія, пераважна забалочаныя. Замярзае ў канцы сьнежня, лёд трымаецца да сярэдзіны сакавіка. Найбольшы ўзровень веснавога разводзьдзя звычайна ў 2-й палове сакавіка[2].

Рака Лясная, у прыватнасьці Правая Лясная, была апісаная беларускай і польскай пісьменьніцай Элізай Ажэшкай у ейным апавяданьні «Ad astra. Dwugłos».

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1.
  • Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
  • Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971

Вонкавыя спасылкі[рэдагаваць | рэдагаваць крыніцу]

Commons-logo.svg Правая Ляснаясховішча мультымэдыйных матэрыялаў