Левая Лясная
| Левая Лясная лац. Levaja Lasnaja | |
 | |
| Агульныя зьвесткі | |
|---|---|
| Выток | каля в. Мыльніску |
| Вусьце | Лясная |
| Краіны басэйну | Беларусь |
| Вобласьці | Берасьце́йская во́бласьць |
| Даўжыня | 50 км |
| Сярэднегадавы сьцёк | 3,6 м³/с |
| Плошча басэйну | 750 км² |
| Нахіл воднай паверхні | 0,5 ‰ |
Ле́вая Лясна́я — рака ў Беларусі, у басэйне Віслы. Цячэ ў Пружанскім і Камянецкім раёнах Берасьцейскай вобласьці. Даўжыня 50 км. Плошча вадазбору 750 км². Выдатак вады ў вусьці 3,6 м³/с. Сярэдні нахіл воднай паверхні 0,5‰.
На рацэ стаіць мястэчка Шарашоў.
Асноўны прыток — рака Вішня (правы).
Агульныя зьвесткі
[рэдагаваць | рэдагаваць крыніцу]Пачынаецца на паўднёвым захадзе ад вёскі Мыльніску (Пружанскі раён), вусьце за 0,5 км на ўсход ад вёскі Вуглянаў. У сутоках з ракой Правай Лясной, утварае раку Лясную. Цячэ Прыбужанскай раўнінай.
Даліна ракі шырынёй 1,6—2,5 км, у сярэдняй плыні месцамі невыразная; схілы спадзістыя, вышынёй 7—9 м, парэзаныя ручаямі, лагчынамі і канавамі. Абалона нізкая, забалочаная (шырыня 0,3—0,5 км), перасечаная старыцамі і асушальнымі каналамі. У разводзьдзе затапляецца вадой на глыбіню да 0,6 м на 15—30 дзён. Рэчышча каналізаванае, шырыня яго 6—8 м, у ніжняй плыні месцамі да 20 м. Берагі нізкія, вышынёй 0,3—0,5 м, парасьлі хмызьняком[1].
Крыніцы
[рэдагаваць | рэдагаваць крыніцу]- ^ Блакітная кніга Беларусі. Энцыкл. — Мн.: 1994. С. 217.
Літаратура
[рэдагаваць | рэдагаваць крыніцу]- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 217.
- Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
- Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.