Нацыянальнае аб’яднаньне дасьледаваньня і лячэньня гомасэксуальнасьці
| Нацыянальнае аб’яднаньне дасьледаваньня і лячэньня гомасэксуальнасьці | |
| анг. National Association for Research and Therapy of Homosexuality | |
| Абрэвіятура | НАДЛГ |
|---|---|
| Дэвіз | Дапамагаем кліентам прывесьці іх жаданьні і паводзіны да згоды зь іх каштоўнасьцямі |
| Дата ўтварэньня | сакавік 1992 |
| Тып | навуковая |
| Юрыдычны статус | некамэрцыйная арганізацыя |
| Мэта | пашырэньне навуковых ведаў аб лячэньні нежаданай гомасэксуальнасьці |
| Месцазнаходжаньне | Лос-Анджэлес, штат Каліфорнія, ЗША |
| Дзейнічае ў рэгіёнах | Аўстралія, ЗША, Канада, Эўропа |
| Сяброўства | 1500 псыхіятраў (2006) |
| Старшыня | Крыстафэр Росік |
| Зьвязаныя кампаніі | Міжнародны саюз за лячэбны выбар |
| Сайт | www.narth.org |
Нацыянальнае аб’яднаньне дасьледаваньня і лячэньня гомасэксуальнасьці — амэрыканскае згуртаваньне псыхіятраў, заснаванае ў 1992 годзе дзеля прапановы выніковай псыхатэрапіі гомасэксуалам, якія жадаюць зьмяніць сваю арыентацыю на гетэрасэксуальную. Мае міжнародную сетку прызнаных лекараў, якія прапануюць лячэньне гомасэксуальнасьці. Ладзіць абсьледаваньні былых гомасэксуалаў. Падае агляды навуковых дасьледаваньняў пра посьпех лячэньня і душэўных чыньніках гомасэксуальнасьці. Праводзіць адпаведныя лекцыі прызнаных псыхіятраў і выпускае тэматычныя навуковыя выданьні.
Дзейнасьць
[рэдагаваць | рэдагаваць крыніцу]Нацыянальнае аб’яднаньне дасьледаваньня і лячэньня гомасэксуальнасьці выдае штогоднік «Сабраныя дакумэнты НАДЛГ» (анг. NARTH Collected Papers)[1] і ад 2004 да 2006 году тройчы на год рассылала сябрам «Бюлетэнь НАДЛГ» (анг. NARTH Bulletin)[2]. З 2009 г. НАДЛГ выдае ў Солт-Лэйк-Сіці (штат Юта) навуковы штогоднік «Часопіс чалавечай сэксуальнасьці» (анг. Journal of Human Sexuality)[3].
Мінуўшчына
[рэдагаваць | рэдагаваць крыніцу]14 сьнежня 1991 году падчас Сходу Амэрыканскага псыхааналітычнага аб’яднаньня(en) ў Нью-Ёрку заслужаны псыхіятар Чарлз Сакарыдыс склікаў асобную сустрэчу ў нумары гасьцініцы Ўолдорф-Асторыя(en) з удзелам 25 псыхіятраў, сярод якіх былі Джозэф Нікалосі і Дын Бірд[4]. Абраныя на той сустрэчы ўпаўнаважаныя (Бэнджамін Каўфман, Джозэф Нікалосі і Чарлз Сакарыдыс), заснавалі Нацыянальнае аб’яднаньне дасьледаваньня і лячэньня гомасэксуальнасьці (НАДЛГ) у сакавіку 1992 году з удзелам каля 20 псыхіятраў. Першым старшынёю абралі Чарлза Сакарыдыса, які на 1995 г. за больш як 40 гадоў пры дапамозе псыхааналізу вылечыў ад гомасэксуальнасьці некалькі тысячаў чалавек. Траціна адпаведных пацыентаў Сакарыдыса завяла ўласных дзяцей ва ўстойлівым шлюбе, што супадала з пасьпяховасьцю лячэньня алькагалізму[5]. Да 2006 г. лік сябраў НАДЛГ перавысіў 1500 псыхіятраў[6].
Старшыні
[рэдагаваць | рэдагаваць крыніцу]- Чарлз Сакарыдыс (1992—2005)
- Джозэф Нікалосі(en) (2006—2007)
- Дын Бірд(en) (2008)
- Джулі Гэмільтан (2009—2010)
- Філіп Сатн (2011)
- Крыстафэр Росік (2012—2014)
Крыніцы
[рэдагаваць | рэдагаваць крыніцу]- ^ Сабраныя дакумэнты НАДЛГ // Нацыянальнае аб’яднаньне дасьледаваньня і лячэньня гомасэксуальнасьці, 2005 г. Праверана 25 сакавіка 2015 г.
- ^ Бюлетэні НАДЛГ. Нацыянальнае аб’яднаньне дасьледаваньня і лячэньня гомасэксуальнасьці. Архіўная копія ад 4 лютага 2013 г.
- ^ Што паказваюць дасьледаваньні гомасэксуальнасьці // Часопіс чалавечай сэксуальнасьці : часопіс. — 2009. — Т. 1. — С. 1-128.
- ^ Бэнджамін Каўфман. Доктар Чарлз Сакарыдыс — чалавекалюб (анг.) // Нацыянальнае аб’яднаньне дасьледаваньня і лячэньня гомасэксуальнасьці, 2012 г. Праверана 13 красавіка 2015 г.
- ^ Чарлз Сакарыдыс. Як Амэрыка сталася шалапутнай (анг.) // Амэрыка(en) : часопіс. — 18 лютага 1995. — Т. 172. — № 5 (4270). — ISSN 0002-7049.
- ^ Дын Бірд. Ушанаваньне Чарлза Ў. Сакарыдыса (анг.) // Нацыянальнае аб’яднаньне дасьледаваньня і лячэньня гомасэксуальнасьці, 2006 г. Праверана 13 красавіка 2015 г.
Вонкавыя спасылкі
[рэдагаваць | рэдагаваць крыніцу]- Стары сайт: Дакумэнты (анг.)
- Інстытут НАДЛГ (анг.)
- Джулі Гэмільтан. Гомасэксуальнасьць 101 (анг.) // Youtube, 31 студзеня 2013 г. Праверана 25 сакавіка 2015 г.
- Пытаньні дасьледаваньняў НАДЛГ: (анг.)
- Джозэф Нікалосі, Лінда Нікалосі. Бацькоўскі дапаможнік у прадухіленьні гомасэксуальнасьці = A Parent's Guide to Preventing Homosexuality. — Даўнэрс Гроўв(en): ІнтэрВэрсытэт(en), 2002. — 254 с. — ISBN 0-8308-2379-4