Мікалай Куляшоў

Мікалай Куляшоў
	Мікалай Куляшоў
Дата нараджэньня	10 жніўня 1957 (67 гадоў)
Месца нараджэньня	Галавічполе, Касьцянеўскі сельсавет[d], Васілішкаўскі раён, Гарадзенская вобласьць, БССР, СССР;
Месца вучобы	БДУ;
Навуковая сфэра	лазэрная фізыка
Месца працы	Беларускі нацыянальны тэхнічны ўнівэрсытэт
Вядомы як	распрацоўнік некалькіх цьвёрдацельных пасіўных лазэрных затвораў
Навуковая ступень	доктар навук (1998)
Узнагароды

Вікіпэдыя мае артыкулы пра іншых асобаў з прозьвішчам Куляшоў.

Мікала́й Васі́левіч Куляшо́ў (нар. 1957, Галавічполе, Шчучынскі раён, Гарадзенская вобласьць, цяпер Беларусь) — беларускі фізык.

Доктар фізыка-матэматычных навук (1998) і прафэсар. Выдатнік адукацыі Беларусі (2015) і кавалер ордэна Айчыны 3-й ступені (2020). Сябар-карэспандэнт Нацыянальнай акадэміі навук Беларусі (2021). Распрацаваў шэраг цьвёрдацельных пасіўных лазэрных затвораў. На 2022 год працаваў загаднікам катэдры лазэрнай тэхнікі і тэхналёгіі на прыборабудаўнічым факультэце Беларускага нацыянальнага тэхнічнага ўнівэрсытэту.

Жыцьцяпіс

У 1979 годзе скончыў Беларускі дзяржаўны ўнівэрсытэт і працаўладкаваўся ў Навукова-дасьледчы інстытут дастастоўных фізычных праблемаў. У 1993 годзе стаў намесьнікам кіраўніка Міжнароднага лазэрнага цэнтру Беларускай дзяржаўнай політэхнічнай акадэміі, які ўзначаліў у 1999 годзе. Напісаў навуковыя працы ў галіне лазэрнай фізыкі і спэктраскапіі. Дасьледаваў паглынаньне з узбуджаных станаў іёнаў пераходных і рэдказямельных элемэнтаў у лазэрных крышталях. Распрацаваў шэраг лазэрных матэрыялаў і цьвёрдацельных пасіўных лазэрных затвораў^[2]. У 1999 годзе ўладкаваўся на катэдру лазэрнай тэхнікі і тэхналёгіі на прыборабудаўнічым факультэце Беларускай дзяржаўнай політэхнічнай акадэміі. Пазьней узначаліў гэтую катэдру. Да 2021 году пад яго кіраўніцтвам абаранілі 5 кандыдацкіх і 4 магістарскія дысэртацыі. Напісаў звыш 180 артыкулаў у навуковых часопісах і атрымаў 5 аўтарскіх пасьведчаньняў і патэнтаў^[3].

У 2015 годзе Міністэрства адукацыі Беларусі ўзнагародзіла Мікалая Куляшова нагрудным знакам «Выдатнік адукацыі Беларусі»^[4]. 1 сьнежня 2020 году А. Лукашэнка падпісаў Указ аб узнагароджаньні Мікалая Куляшова ордэнам Айчыны 3-й ступені^[5], які той асабіста атрымаў 10 сьнежня^[6]. У 2020 годзе Мікалай Куляшоў увайшоў у лік найбольш цытаваных навукоўцаў сьвету ў галіне лазэрнай фізыкі. Пад кіраўніцтвам Куляшова катэдра лазэрнай тэхнікі і тэхналёгіі стала вядучай у БНТУ паводле навукова-дасьледчай дзейнасьці. У сьнежні 2020 году Мікалай Куляшоў адзначыў: «За 20 гадоў падрыхтавалі каля 500 інжынэраў. На іх рахунку — распрацоўка і выраб Беларускага касьмічнага апарата, самай перадавой прадукцыі такіх вядомых прадпрыемстваў, як ААТ „Пеленг“ і БелОМА. Ёсьць і прыклады, калі нашыя выхаванцы самі стварылі інавацыйныя прадпрыемствы, прызнаныя сёньня ў свеце. Дарэчы, агульнапрызнаны і наш лазэрны цэнтар»^[7]. 17 сьнежня 2021 году Агульны сход Нацыянальнай акадэміі навук Беларусі з блізу 300 прадстаўнікоў абраў Мікалая Куляшова сябрам-карэспандэнтамам^[8].

Крыніцы

^ ^а ^б ^в ^г https://files.knihi.com/preview/Knihi/Slounik/Bielaruskaja_encyklapedyja.djvu.zip/Bielaruskaja_encyklapedyja.18-1.djvu/414_996x9999.jpeg
^ Куляшоў Мікалай Васілевіч // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 2004. — Т. 18. Кн. 1: Дадатак: Шчытнікі — Яя. — С. 414. — 473 с. — 10 000 ас. — ISBN 985-11-0295-4
^ Куляшоў Мікалай Васілевіч (рас.) // Беларускі нацыянальны тэхнічны ўнівэрсытэт, 2021 г. Праверана 27 студзеня 2022 г.
^ Віншуем прафэсара Куляшова М.В. з узнагародай (рас.) // Беларускі нацыянальны тэхнічны ўнівэрсытэт, 2015 г. Праверана 27 студзеня 2022 г.
^ Ордэны, мэдалі і ганаровыя званьні - узнагарод удастоеныя больш за 60 прадстаўнікоў розных галін // Беларускае тэлеграфнае агенцтва, 1 сьнежня 2021 г. Праверана 27 студзеня 2022 г.
^ Лукашэнка ўручыў БНТУ ордэн Працоўнай Славы і дзяржузнагароды супрацоўнікам ВНУ // БелТА, 10 сьнежня 2021 г. Праверана 27 студзеня 2022 г.
^ Аляксандар Піменаў. У лепшых традыцыях // Беларусь : часопіс. — Сьнежань 2020. — № 12 (1047). — С. 12—13. — ISSN 0320-7544.
^ Надзея Нікалаева. Шэрагі акадэмікаў папоўніліся // Зьвязда : газэта. — 21 сьнежня 2021. — № 246 (29615). — С. 6. — ISSN 1990-763x.

Гэта — накід артыкула пра асобу з Беларусі. Вы можаце дапамагчы Вікіпэдыі, пашырыўшы яго.

[_26f4f74bb3252a37-1] а ^б ^в ^г https://files.knihi.com/preview/Knihi/Slounik/Bielaruskaja_encyklapedyja.djvu.zip/Bielaruskaja_encyklapedyja.18-1.djvu/414_996x9999.jpeg

[2] Куляшоў Мікалай Васілевіч // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 2004. — Т. 18. Кн. 1: Дадатак: Шчытнікі — Яя. — С. 414. — 473 с. — 10 000 ас. — ISBN 985-11-0295-4

[3] Куляшоў Мікалай Васілевіч (рас.) // Беларускі нацыянальны тэхнічны ўнівэрсытэт, 2021 г. Праверана 27 студзеня 2022 г.

[4] Віншуем прафэсара Куляшова М.В. з узнагародай (рас.) // Беларускі нацыянальны тэхнічны ўнівэрсытэт, 2015 г. Праверана 27 студзеня 2022 г.

[5] Ордэны, мэдалі і ганаровыя званьні - узнагарод удастоеныя больш за 60 прадстаўнікоў розных галін // Беларускае тэлеграфнае агенцтва, 1 сьнежня 2021 г. Праверана 27 студзеня 2022 г.

[6] Лукашэнка ўручыў БНТУ ордэн Працоўнай Славы і дзяржузнагароды супрацоўнікам ВНУ // БелТА, 10 сьнежня 2021 г. Праверана 27 студзеня 2022 г.

[7] Аляксандар Піменаў. У лепшых традыцыях // Беларусь : часопіс. — Сьнежань 2020. — № 12 (1047). — С. 12—13. — ISSN 0320-7544.

[8] Надзея Нікалаева. Шэрагі акадэмікаў папоўніліся // Зьвязда : газэта. — 21 сьнежня 2021. — № 246 (29615). — С. 6. — ISSN 1990-763x.

[1]

[2]

[3]

[4]

[5]

[6]

[7]

[8]