Мястра

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Возера
Мястра
Панарама Мястра
Возера Мястра
Краіна Беларусь
Плошча 13,1 км²
Плошча вадазбору 130 км²
Максымальная глыбіня 11,3 м
Сярэдняя глыбіня 5,4 м
Найбольшая даўжыня 5,8 км
Найбольшая шырыня 4,5 км
Даўжыня берагавой лініі 20,2 км
Аб’ём вады 70,2 млн м³
Каардынаты 54°52′ пн. ш. 26°54′ у. д. / 54.867° пн. ш. 26.9° у. д. / 54.867; 26.9Каардынаты: 54°52′ пн. ш. 26°54′ у. д. / 54.867° пн. ш. 26.9° у. д. / 54.867; 26.9
Месцазнаходжаньне Мястра
Мястра
Мястра
Мястра
Commons-logo.svg Галерэя здымкаў у Вікісховішчы

Мя́стра — возера ў Мядзельскім раёне Менскай вобласьці Беларусі. Належыць да сыстэмы ракі Нарачанкі, якая зьяўляецца правым прытокам Вяльлі.

Апісаньне[рэдагаваць | рэдагаваць крыніцу]

Возера ўваходзіць у Нарачанскую групу азёр. Зьяўляецца другім па велічыні сярод азёраў Нарачанскай групы. Берагавая лінія ўтварае некалькі паўвыспаў і затокаў.

  • Плошча возера — 13,1 км²
  • Плошча вадазбору — 130 км²
  • Найбольшая глыбіня возера — 11,3 м
  • Сярэдняя глыбіня — 5,4 м
  • Найбольшая даўжыня возера — 5,8 км
  • Найбольшая шырыня — 4,5 км
  • Даўжыня берагавой лініі — 20,2 км
  • Аб’ём вады — 70,2 млн м³

Мястра злучанае ручаямі з Нараччу і Баторына. Вада выцякае зь Мястра ў Нарач праз пратоку Скема, а ўцякае праз рачулку Дробня, што злучае возера з Баторынам. Даўжыня Скемы складае ўсяго 166 м, шырыня — ад 4 да 8 м, глыбіня найбольшая глыбіня — 0,8-1,3 м. Даўжыня Дробні складае 1,4 км.

Водны балянс возера Мястра падобны да воднага балянсу Нарачы.

Флёра і фаўна[рэдагаваць | рэдагаваць крыніцу]

У возеры налічваецца 48 відаў водных расьлінаў, 102 віды фітапланктона, 56 відаў зоапланктона. Сярэдняя біямаса складае ад 2 да 4,7 г/м³. Таксама налічваецца 56 відаў і формаў дольных жывёлаў, у тым ліку 30 хіранамідаў і 9 малюскаў.

Спрыяльны газавы, тэмпэратурны і хімічны рэжым возера і багатая харчавальная база станоўча ўплываюць на разьвіцьцё колькасьці і разнастайнасьці рыбаў. У возеры водзяцца ляшчы, шчупакі, вугры, платва, яльцы, язі, краснапёркі, ліні, пескары, выкляя, гусьцера, самы, налімы, уюны, акуні, залатыя і срэбныя карасі. Возера неаднаразова зарыблася судакамі, срэбнымі карасямі, сазанамі. Шырока разьвітая прамысловая і аматарская рыбная лоўля.

Населеныя пункты[рэдагаваць | рэдагаваць крыніцу]

На беразе Мястра разьмешчаныя некалькі населеных пунктаў: горад Мядзел і вёскі Мікольцы, Гатавічы, Гірына, Качаргі.

Возера Мястра ўваходзіць у курортную зону «Нарач».

Панарама[рэдагаваць | рэдагаваць крыніцу]

Панарамны выгляд на возера Мястра з боку вёскі Качаргі.
Панарамны выгляд на возера Мястра з боку вёскі Качаргі.

Галерэя[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Мястрасховішча мультымэдыйных матэрыялаў