Сом звычайны

Зьвесткі зь Вікіпэдыі — вольнай энцыкляпэдыі
Сом
Клясыфікацыя
ЦарстваЖывёлы
НадклясаКасьцявыя рыбы
АтрадСомападобныя
СямействаСомавыя
РодСамы звычайныя
ВідСом звычайны
Бінамінальная намэнклятура
Silurus glanis

Звычайны сом, эўрапейскі сом (па-лацінску: silurus glanis) — буйная прэснаводная бязлускавая рыба сямейства сомавыя атраду сомападобныя.

Даўжыня цела да 5 м, вага да 300 кг. Цела верацёнападобнае, бяз лускі. Сьпіна чорная, бакі жоўта-зялёныя, бруха амаль белае. Скура мяккая, сьлізкая. Галава вялікая, пляскатая. Рот шырокі, ніжняя сківіца даўжэйшая за верхнюю. На верхняй сківіцы пара доўгіх вусікаў, на ніжняй — дзьве пары кароткіх. Вочы невялікія. Анальны плаўнік доўгі, зьліваецца з закругленым хваставым, тлуставы плаўнік адсутнічае, непарныя плаўнікі ня маюць шыпоў.

Пашыраны ў Еўропе на ўсход ад р. Райн (акрамя басэйна Паўночнага Ледавітага акіяна і Балканскага паўвострава) і ў Азіі ў басэйне Аральскага мора, ракі Амур.

Аседлы від, жыве ў глыбокіх месцах. Драпежнік.

Аб’ект промыслу.