Мюнстэр (Вэстфалія)

Гэтая назва мае некалькі сэнсаў. Калі вас цікавяць іншыя сэнсы, глядзіце Мюнстэр (неадназначнасьць).

Мюнстэр ням. Münster
Населены пункт
Сьцяг Герб
Кароткая назва: Mue
Краіна	Нямеччына
Зямля	Паўночны Райн — Вэстфалія
Кіраўніцтва і ўлада
Обэрбургамістар	Tilman Fuchs[d]
Геаграфія
Плошча	302,96 км²
Вышыня НУМ	60 м
Часавы пас	UTC+1 UTC+2 (летні час)
Каардынаты	51°58′ пн. ш. 7°38′ у. д.
Насельніцтва
Колькасьць	307 071 чал. (2023)
Лічбавыя ідэнтыфікатары
Тэлефонны код	0251
Паштовы індэкс	48143–48167
Нумарны знак	MS
Сайт	www.muenster.de
Мюнстэр на мапе Нямеччыны Мюнстэр

Мюнстэр (па-нямецку: Münster (Westfalen)) — горад на захадзе Нямеччыны, у зямлі Паўночны Райн — Вэстфалія. Насельніцтва на 31 сьнежня 2023 году — 307 071 чалавек. Буйны ўнівэрсытэцкі цэнтар, месцазнаходжаньне шэрагу важных судовых і адміністрацыйных установаў зямлі Паўночны Райн — Вэстфалія.

Гісторыя

У VI стагодзьдзі на месцы сучаснага Саборнага пляцу існавала саксонскае паселішча Мімігернафорд. У 793 годзе фрыскі місіянэр Людгер заснаваў тут кляштар (па-лацінску: monasterium). Узьнікшы вакол яго горад атрымаў назву Мюнстэр, а Людгер стаў у 805 годзе першым Мюнстэрскім біскупам.

У 1170 годзе Мюнстэр атрымаў гарадзкія прывілеі. У 1358—1454 гадах у складзе Ганзы і мае важнае значэньне ў Вэстфаліі, аб чым сьведчыць, між іншым, гістарычная забудова пляцу Prinzipalmarkt (даслоўна «Галоўны рынак»). У 1648 годзе ў каталіцкім Мюнстэры і ў суседнім зь ім пратэстанцкім Аснабруку быў падпісаны Вэстфальскі мір, паклаўшы канец Трыццацігадовае вайне. У 1815—1945 гадах — сталіца прускай правінцыі Вэстфалія. Значна пацярпеў ад бамбаваньня ў час Другой сусьветнай вайны.

Славутасьці

• Пляц Прынцыпальмаркт з гістарычнай забудовай часоў Ганзы, у т. л. Ратуша
• Сабор Сьвятога Паўла, заснаваны ў 805 годзе
• Царква Сьвятога Лямбэрта (Lambertkirche), пабудаваная ў 1375 годзе
• Унівэрсітэцкі палац (канец XVIII стагодзьдзя)
• Музэй на вольным паветры Mühlenhof (даслоўна «Млынавы двор»)
• Заапарк

Асобы

• Марыян Гольд — сьпявак і адзін з заснавальнікаў сынты-поп гурту Alphaville

Галерэя

• 
  Мюнстэрская ратуша
• 
  Пляц Прынцыпальмаркт і царква Ляммбэртускірхе
• 
  Сабор Сьвятога Паўла (St Paulus-Dom), Мюнстэр
• 
  Музэй Mühlenhof

Вонкавыя спасылкі

• Афіцыйны сайт