Сэрафін Міхалеўскі

Сэрафін Корчак-Міхалеўскі
	Сэрафін Корчак-Міхалеўскі
	Serafin Michalewski
Дата нараджэньня	18 траўня 1923
Месца нараджэньня	Берасьце, Польская Рэспубліка
Дата сьмерці	15 студзеня 2006 (82 гады)
Месца сьмерці	Варшава, Польшча
Месца вучобы	Гімназія імя Адама Міцкевіча (1939); Новасібірскі дзяржаўны пэдагагічны ўнівэрсытэт[d];
Занятак	філёляг, філёзаф, рэлігіязнаўца, пісьменьнік, паэт, перакладнік, архівіст, бібліятэкар
Навуковая сфэра	філязофія, філялёгія

Сэрафі́н (Ко́рчак-)Міхале́ўскі (па-польску: Serafin Korczak-Michalewski; 18 траўня 1923, Брэст-над-Бугам — 15 студзеня 2006, Варшава) — беларускі^[1] і польскі філёзаф, філёляг, паэт.

Жыцьцяпіс

Нарадзіўся ў сям’і прадстаўнікоў старога шляхецкага роду. Дзяцінства правёў у вёсцы Росахі (цяпер у Пружанскім раёне). Скончыў польскую гімназію імя Адама Міцкевіча (1939), беларускую сярэднюю школу №1 (1941) у Пружане.

У 1941 сям’я вывезеная ў Сыбір, дзе Сэрафін паступіў у Новасыбірскі пэдагагічны інстытут, займаўся германскімі мовамі. З 1943 — на службе ў Войску Польскім, скончыў афіцэрскую артылярыйскую школу ў Кастраме. Камандаваў батарэяй у складзе 3-га Бэрлінскага палку(pl) I дывізіі пяхоты імя Тадэвуша Касьцюшкі(pl). Удзельнічаў у вызваленьні Варшавы, баях пад Бэрлінам. Тройчы быў паранены, стаў інвалідам. Узнагароджаны ордэнам Віртуці Мілітары^[2], мэдалямі^[3].

Па вайне навучаўся ва ўнівэрсытэтах Лодзі, Уроцлава, Варшавы. Атрымаў дыплёмы магістра па філязофіі і ангельскай філялёгіі. Працаваў навуковым супрацоўнікам у Нацыянальнай бібліятэцы ў Варшаве, у Інстытуце матэматычных лічбавых машын, у бібліятэцы Акадэміі навук, у рэдакцыі футуралёгіі.

Рукапакладзены ў дыяканы^[4], парафіянін варшаўскае праваслаўнае царквы сьв. Яна Клімака(pl).

Дзейнасьць

Займаўся навукова-дасьледчай дзейнасьцю ў галіне філязофіі, рэлігіі, філялёгіі.

Напісаў тэарэтычную працу «Ўводзіны да трансцэндэнтальнай мэдытацыі» і каля дзесяці навуковых рэфэратаў, прысьвечаных рэлігійна-філязофскаму вучэньню старажытнай Індыі — ёзе. У Варшаўскім унівэрсытэце наладзіў дзьве першыя ў Эўропе выставы, прысьвечаныя вучэньню ёгі.

Яму належыць тлумачэньне дагмату пра Сьвятую Тройцу і тэадыцэю, устанаўленьне сапраўднага аблічча Багародзіцы і Збавіцеля. Сэрафін Міхалеўскі пераклаў на польскую мову праваслаўную імшу сьвятога Яна Златавуснага.

Аўтар шматлікіх працаў па лінгвістыцы. Склаў два санскрыцка-польскія слоўнікі, сэлектыўную біяграфію па 900 мовах (слоўнікі і граматыкі), бібліяграфію караімскіх кніг. Распрацаваў праект рэформы кітайскага герагліфічнага пісьма. Афіцыйна засьведчанае ягонае валоданьне 17 мовамі^[3].

Выдаў некалькі зборнікаў уласных афарызмаў на польскай мове. Болей, аднак, вядомы ў Польшчы як паэт. Уваходзіў у Міжнароднае таварыства паэтаў (анг. International Society of Poets). Паэтычныя творы друкаваліся на ангельскай, беларускай, польскай мовах у пэрыядычных выданьнях Варшавы, штотыднёвіку беларусаў Польшчы «Ніва», самвыдаце («Бельскі гостінэць»^[5], «Białowieżanin»^[6]) і на радзіме паэта, у пружанскай газэце «Раённыя будні». У Музэі славутых паэтаў (анг. The International Poetry Hall of Fame) адна з экспазыцыяў прысьвечаная Сэрафіну Міхалеўскаму.

Сям’я

Меў брата Ежы (? — 1989, Польшча) і сястру Варвару (жыла і памерла ў Пружанах)^[7].

Крыніцы

^ Корчак-Міхалеўскі, Сэрафін (нар. 1923) Сводный электронный каталог. Нацыянальная бібліятэка Беларусі. Праверана 17 красавіка 2012 г.
^ Polish Order of the Virtuti Militari Recipients 1792-1992 - M2 (анг.) Poland Genealogy Resources. The Federation of East European Family History Societies. Праверана 21 красавіка 2012 г.
^ ^а ^б Ірына Тамільчык. Міхалеўскі Серафін (Корчак-) Беларусы ў сьвеце. Кантакты і дыялогі. Праверана 17 красавіка 2012 г.
^ Ślub Nowosielskiego (пол.) Don’t Shoot the Prophet Праверана 21 красавіка 2012 г.
^ Materiał dostępny za lata 1988-2000 (пол.). Polska Biblioteka Literacka. Праверана 17 красавіка 2012 г.
^ Białowieżanin (pismo, Białowieża) (пол.) Encyklopedia Puszczy Białowieskiej Праверана 17 красавіка 2012 г.
^ Ірына Сядова. «Польскія» Пружаны // Раённыя будні. — 19 чэрвеня 1993. — № 47 (7084). — С. 3.

Вонкавыя спасылкі

Беларусы ў сьвеце(недаступная спасылка)
Цытаты Сэрафіна Корчак-Міхалеўскага

[1] Корчак-Міхалеўскі, Сэрафін (нар. 1923) Сводный электронный каталог. Нацыянальная бібліятэка Беларусі. Праверана 17 красавіка 2012 г.

[2] Polish Order of the Virtuti Militari Recipients 1792-1992 - M2 (анг.) Poland Genealogy Resources. The Federation of East European Family History Societies. Праверана 21 красавіка 2012 г.

[tamilczyk-3] а ^б Ірына Тамільчык. Міхалеўскі Серафін (Корчак-) Беларусы ў сьвеце. Кантакты і дыялогі. Праверана 17 красавіка 2012 г.

[4] Ślub Nowosielskiego (пол.) Don’t Shoot the Prophet Праверана 21 красавіка 2012 г.

[5] Materiał dostępny za lata 1988-2000 (пол.). Polska Biblioteka Literacka. Праверана 17 красавіка 2012 г.

[6] Białowieżanin (pismo, Białowieża) (пол.) Encyklopedia Puszczy Białowieskiej Праверана 17 красавіка 2012 г.

[7] Ірына Сядова. «Польскія» Пружаны // Раённыя будні. — 19 чэрвеня 1993. — № 47 (7084). — С. 3.

[1]

[2]

[3]

[4]

[5]

[6]

[7]