Беларуская гімназія ў Клецку

Зьвесткі зь Вікіпэдыі — вольнай энцыкляпэдыі
(Перанакіравана з «Клецкая беларуская гімназія»)
Перайсьці да навігацыі Перайсьці да пошуку

Беларуская гімназія ў Клецку (1924—1931) — сярэдняя беларуская школа ў Клецку за часамі міжваеннай Польскай Рэспублікі.

Заснаваная (спачатку 1—4 клясы) ў 1924 годзе пад ціскам беларускай грамадскасьці, пасьля заступніцтва паслоў Сейму, у тым ліку Браніслава Тарашкевіча, а таксама дзякуючы самаахвярным дзеяньням Язэпа Шнаркевіча.

Месьцілася па адрасе: вул. Татарская, 4. Існавала на ахвяраваньні і аптаце вучняў. Дырэктарам усесь час быў Рыгор Якубёнак.

У 1926 быў арганізаваны інтэрнат для гімназістаў. У 1927 мела 8 асноўных клясаў і адну падрыхтоўчую, дзе навучалася каля 200 гімназістаў.

У 1930/1931 навучальным годзе налічвала 160 вучняў.

У 1931 школа была ліквідаваная польскімі ўладамі на хвалі барацьбы зь беларускім рухам. За тры выпускі гімназіі яе скончыла 46 навучэнцаў.

Пры гімназіі існаваў літаратурна-мастацкі гурток, а таксама хор і аркестар.