Жэрэмі Нжытап

Жэрэмі Нжытап
Пэрсанальная інфармацыя
Нарадзіўся	20 сьнежня 1978(1978-12-20) (47 гадоў) Бафусам[d], Камэрун
Рост	176 см
Вага	85 кг
Пазыцыя	абаронца, паўабаронца, задні абаронца
Клюбы
Гады	Клюб	Гульні (галы)¹
1995—1996	Расінг Бафусам[d]	28 (5)
1996—1997	Сэра Партэньнё	6 (0)
1997—1999	Генчлербірлігі	57 (9)
1999—2003	Рэал Мадрыд	45 (0)
2002—2003	→ Мідлзбра	33 (7)
2003—2007	Чэлсі	72 (4)
2007—2009	Ньюкасл Юнайтэд	49 (2)
2010	Анкарагюджу	12 (2)
2010—2011	АЭЛ Лярыса	10 (0)
Зборныя
1996—2010	Камэрун	118 (13)

Спартовыя ўзнагароды
Футбол
Алімпійскія гульні
Золата	Сыднэй-2000	футбол
Кубкі афрыканскіх нацыяў
Золата	Малі-2000
Золата	Гана/Нігерыя-2002
Срэбра	Гана-2008
Кубкі Канфэдэрацыяў
Срэбра	Францыя-2003

Жэрэмі Сарэле Нжытап Фотса (па-француску: Geremi Sorele Njitap Fotso; нар. 20 сьнежня 1978 году, Бафусам, Камэрун) — футбаліст зборнай Камэруну. Гуляў на пазыцыях паўабаронцы і абаронцы. Зьяўляецца адным з самых тытулаваных футбалістаў Афрыкі.

Кар’ера

Прафэсійную кар’еру пачынаў у 1995 годзе ў камандзе вышэйшай лігі камэрунскага чэмпіянату «Расінг Бафусам». У 1996 годзе склаў кантракт з камандай вышэйшай лігі чэмпіянату Парагваю «Сэра Партэньнё». У 1997 годзе пераехаў у Турэччыну, склаўшы кантракт з «Генчлербірлігі». Правёў у камандзе 2 сэзоны.

З 1999 па 2003 год гуляў за «Рэал Мадрыд». У складзе каманды станавіўся пераможцам Лігі Чэмпіёнаў у 2000 і 2002 гадах.

Сэзон 2002—2003 гадоў, на правах арэнды, правёў у ангельскім «Мідлзбра». Правёў выдатны сэзон, адыграўшы 33 гульні й забіўшы 7 галоў.

У ліпені 2003 году за 6,9 млн фунтаў быў набыты клюбам «Чэлсі». Правёў у камандзе 4 сэзоны. У складзе каманды выйграваў:

• Чэмпіянат Ангельшчыны па футболе ў 2005 і 2006 гадах;
• Кубак Ангельшчыны па футболе ў 2007 годзе;
• Кубак ангельскай лігі па футболе ў 2005 годзе;
• Супэркубак Ангельшчыны па футболе ў 2005 і 2007 гадах.

Пры трэнэры Клаўдыё Раньеры быў гульцом асноўнага складу. З прыходам Жузэ Маўрыньню прыйшлося дужацца за месца ў складзе з Паўла Фэрэйра.

У ліпені 2007 году, на правах вольнага агента, склаў трохгадовы кантракт з клюбам «Ньюкасл Юнайтэд».

За зборную Камэруну гуляе з 1996 году. Удзельнік Чэмпіянату сьвету 2002 году. У складзе зборнай стаў алімпійскім чэмпіёнам 2000 году. Выйграваў Кубак афрыканскіх нацыяў 2000 і 2002 гадоў. У 2008 году стаў срэбным прызёрам.

Вонкавыя спасылкі

• Профіль на сайце National-football-teams
• Профіль на сайце NUFC
• Профіль на сайце football-players