Дэміен Даф
| Дэміен Даф | ||
 | ||
| Пэрсанальная інфармацыя | ||
|---|---|---|
| Нарадзіўся | 2 сакавіка 1979[1][2][3] (47 гадоў) | |
| Рост | 176 см | |
| Вага | 75 кг | |
| Пазыцыя | флянгавы паўабаронца | |
| Клюбы | ||
| Гады | Клюб | Гульні (галы)¹ |
| 1996—2003 | Блэкбэрн Ровэрз | 185 (27) |
| 2003—2006 | Чэлсі | 81 (14) |
| 2006—2009 | Ньюкасл Юнайтэд | 69 (5) |
| 2009—2014 | Фулгэм | 130 (15) |
| 2014—2015 | Мэльбурн Сіці[d] | 15 (1) |
| 2015 | Шэмрак Ровэрз | 9 (0) |
| Зборныя | ||
| 1998—2012 | Ірляндыя | 100 (98) |
| Трэнэрскія клюбы | ||
| 2021—2025 | Шэлбурн | |
Дэ́міен Э́нтані Даф (па-ангельску: Damien Anthony Duff; нар. 2 сакавіка 1979 году, Балібадэн, Ірляндыя) — ірляндзкі футбаліст, былы гулец зборнай Ірляндыі. Гуляў на пазыцыях ўінгера (на практыцы як на левым, так і на правым флянзе) і ўскрайняга форварда.
Біяграфія
[рэдагаваць | рэдагаваць код]Пачаў прафэсійную кар’еру ў «Блэкбэрн Ровэрз» у 1996 годзе. Дэбютаваў у асноўным складзе ў 1997 годзе ў апошнім матчы сэзону 1996—1997 гадоў супраць «Лэстэр Сіці».
У сваім першым поўным сэзоне 1997—1998 гадоў выявіў сябе як вельмі пэрспэктыўны малады гулец, забіўшы 4 галы. Нягледзячы на вылет «Блэкбэрну» ў наступным сэзоне, застаўся верны свайму клюбу і дапамог яму спачатку вярнуцца ў Ангельскую Прэм’ер-Лігу ў сэзоне 2000—2001 гадоў, а затым выйграць Кубак Лігі. Усе гэтыя гады Даф быў адным зь лідэраў клюбу, яго ўнёсак у посьпехі «Блэкбэрну» цяжка пераацаніць. Выдатна згуляў за зборную Ірляндыі на Чэмпіянаце сьвету 2002 году, паказаўшы сябе гульцом сусьветнага кляса, увайшоў у сфэру інтэрасаў кіроўных клюбаў Эўропы, але ўлетку 2002 склаў новы кантракт з клюбам на чатыры гады. Сэзон 2002—2003 гадоў склаўся для Дафа ўдала: нягледзячы на праблемы са здароўем, ён стаў лепшым бамбардзірам клюбу, забіўшы 11 галоў. Перад наступным сэзонам быў набыты «Чэлсі» за £17 млн (на той момант клюбны трансфэрны рэкорд). У сэзоне 2003—2004 гадоў ён гуляў бліскуча, але адсутнасьць трафэяў у «Чэлсі» падштурхнула ўладальніка клюбу Рамана Абрамовіча звольніць па канчатку сэзону мэнэджара Кляўдыё Раньеры, а новы трэнэр Жузэ Маўрыньню купіў на пазыцыю Дафа галяндца Ар’ена Робэна, яны канкуравалі адзін з адным за месца ў складзе ў сэзоне 2004—2005 гадоў. Даф выдатна правёў той сэзон, стаўшы чэмпіёнам Ангельшчыны і забіўшы 10 галоў. Наступны сэзон прынёс яму яшчэ адно золата Прэм’ер-Лігі, але быў ня гэтак удалы: Даф быў ня ў форме, гуляў мала. У выніку ў ліпені 2006 году ён перайшоў у «Ньюкасл Юнайтэд», падпісаўшы 5-гадовы кантракт. За два сэзоны ў «Ньюкасьле» Дэміен нядрэнна выявіў сябе, гуляе даволі часта, карысны, але нестабільны. З 2009 году па 2014 год зьяўляўся гульцом лёнданскага «Фулгэму». 10 чэрвеня 2014 году Даф далучыўся да аўстралійскага клюбу «Мэльбурн Сіці» ў якасьці вольнага агента, падпісаўшы 1-гадавую дамову[4].
Дасягненьні
[рэдагаваць | рэдагаваць код]«Блэкбэрн Ровэрз»:
- Уладальнік Кубка Лігі: 2002
«Чэлсі»:
- Чэмпіён Ангельшчыны (2): 2005, 2006
- Уладальнік Кубка Лігі: 2005
- Уладальнік Супэркубка Ангельшчыны: 2005
Крыніцы
[рэдагаваць | рэдагаваць код]- ↑ Damien Duff // Transfermarkt (мн.) — 2000.
- ↑ DAMIEN ANTHONY DUFF // Argentine Soccer Database (гішп.)
- ↑ Damien Duff // As (гішп.) — Madrid: PRISA, 1967. — ISSN 1888-6671
- ↑ Damien Duff makes Melbourne City move. BBC Sport.
Вонкавыя спасылкі
[рэдагаваць | рэдагаваць код]- Нарадзіліся 2 сакавіка
- Нарадзіліся ў 1979 годзе
- Нарадзіліся ў Ірляндыі
- Футбалісты клюбу «Блэкбэрн Ровэрз»
- Футбалісты клюбу «Чэлсі» Лёндан
- Футбалісты клюбу «Ньюкасл Юнайтэд»
- Футбалісты клюбу «Фулгэм» Лёндан
- Футбалісты клюбу «Мэльбурн Сіці»
- Футбалісты клюбу «Шэмрак Ровэрз» Дублін
- Футбалісты зборнай Ірляндыі
- Ірляндзкія футбалісты