Гэры Мур

Гэры Мур
	Гэры Мур
	Робэрт Ўільям Гэры Мур
	Гэры Мур у 2007 годзе
Дата нараджэньня	4 красавіка 1952
Месца нараджэньня	Бэлфаст, Паўночная Ірляндыя, Вялікабрытанія;
Дата сьмерці	6 лютага 2011[…] (58 гадоў)
Месца сьмерці	Эстэпона[d], Маляга[d], Андалюзія, Гішпанія;
Прычына сьмерці	інфаркт міякарда
Месца пахаваньня	царква сьвятой Маргарыты[d];
Месца вучобы	Ashfield Boys' High School[d];
Прафэсія	музыка, сьпявак, паэт, кампазытар, мастак, пісьменьнік
Гады дзейнасьці	1969—2011
Сябра ў	Thin Lizzy[d], Skid Row[d] і Colosseum II[d]
Жанры	блюз, блюз-рок, гард-рок
Вакал	барытон
Інструмэнты	гітара
Гурты	Skid Row, Dr. Strangely Strange, Gary Moore Band, Thin Lizzy, G-FORCE, Scars
Лэйблы	Virgin Records[d]
Сайт	gary-moore.com
	Гэры Мур у Вікісховішчы

Робэрт Ўільям Гэры Мур (па-ангельску: Robert William Gary Moore; 4 красавіка 1952, Бэлфаст, Паўночная Ірляндыя — 6 лютага 2011, Эстэпона, Гішпанія) — ірляндзкі гітарыст, сьпявак, аўтар песень. Зрабіў значны ўнёсак ў разьвіцьцё блюз-року.

Жыцьцяпіс

У восем гадоў пачаў асвойваць акустычную гітару. У 14 гадоў меў ужо сапраўдную гітару. Ад таго часу Гэры навучыўся граць на стандартных «праварукіх» гітарах, нягледзячы на тое, што сам быў ляўшой. Быў заўзятарам Элвіса Прэсьлі і The Beatles. Пасьля таго як наведаў канцэрты Джымі Гэндрыкса і John Mayall’s Bluesbreakers, пачаў сам граць блюз-рок.

Першым гуртом гістарыста была школьная Granny’s Intentions, пасьля якой у 1968 годзе была блюз-рокавая Skid Row (Філ Лайнат — вакал, Брэндан Шылдс — бас, Ноэл Брыджмэн — ударныя).

Пасьля сыходу Лайната гурт запісаў два альбомы, і Гэры Мур заснаваў фолькавую каманду Dr. Strangely Strange, пасьля якой у 1973 годзе была Gary Moore Band (Фрэнк Бойлен — бас, Пірс Кэлі — ударныя). Стыль маладога Гэры Мура ўяўляе сабою варыяцыі на тэму саўнда Джэфа Бэка, але ў сярэдзіне 1970-х пад уплывам Карласа Сантаны Гэры выпрацаваў сваю асабістую манэру — пранізьлівы і адначасова вельмі лірычны стыль, які выдатна падыходзіў да фарміруемага на той час гард-н-гэві.

У студзені 1974 году Лайнот запрасіў Мура ў Thin Lizzy на месца Эрыка Бэла, але праз 4 месяцы гітарыст сышоў у Colosseum II Джона Хайсмэна, дзе запісаў тры альбомы (на кружэлках 1976 і 1977 гадоў ёсьць яго вакальныя партыі). У студзені — траўні 1977 году Гэры Мур працаваў у Thin Lizzy, пасьля ізноў сышоў у Colosseum II, вярнуўся ў жніўні 1978 году і ізноў сышоў праз год, пасьля посьпеху сольнага сынгла «Parisienne Walkways» (UK-8). У 1979—1980 гадах Мур працаваў у складзе амэрыканскага гард-рокавага гурта G-FORCE (Тоні Ньютан — вакал, Ўілі Дзі — бас, Марк Носіф — ударныя), зь якой запісаў альбом.

У кастрычніку 1982 году музыкант падпісаў кантракт з «Virgin Records» і, запрасіўшы прызнаных майстраў харда — ударніка Йэна Пэйса, басіста Ніла Мюрэя, клавішніка Дона Эйры і вакаліста Чарлі Хуна, выдаў альбом «Corridors Of Power» (UK-30/ US-149). Нягледзячы на тое, што большсьць мураўскіх «гасьцей» былі знакамітыя па жорсткай гатычнай форме харду, музыка Гэры атрымалася бяскрыўднай і выгоднай у камэрцыйных адносінах. Альбомы 1984 году Dirty Fingers і 1985 году Run for Cover занялі ў Ангельшшчыне 12-я месца, а альбом 1987-га Wild Frontier — 8-е.

У 1990 годзе Гэры Мур выдаў выдатны альбом «Still Got The Blues» (UK-13/US-83), у якім удзельнічалі Альберт Кінг, Альберт Колінз і Дон Эйры. Гэта роўны і моцны альбом стылізаваны пад хэві-блюз. «Блюзавы пэрыяд» у творчасьці гітарыста працягваўся 7 год; выйшаў цікавы альбом «After Hours» (UK-4/US-145), канцэртная кружэлка, зборнік, сумесны альбом ВВМ «Around The Next Dream» (з Джэкам Брусам і Джынджэрам Бэйкерам, у лепшых традыцыях Cream) і прысьвячэньне Пітэру Грыну «Blues For Greeny» (UK-14).

У 1997 годзе зьявіўся студыйны альбом «Dark Days in Paradise», які выклікаў абурэньне ў заўзятараў Мура. У ім Гэры паўстае вакалістам, адкінуўшы гітару. Стылістычна альбом нагадваетворчасьць Карласа Сантаны і Эрыка Клэптана. Цікавыя, незвычайныя мэлёдыі і багатая аранжыроўка дадаюць альбому нейкі шарм, што аднак было ўспрынята як сыход аўтара ў камерцыйную эстрадную музыку.

Новы напрамак — Электронны блюз-рок быў запісаны ў 1999 годзе на альбоме «A Different Beat». Мур захапіўся на той час выпрабаваньнямі з электронным гукам. Таму альбомы 1997 і 1999 гадоў лічацца самымі супярэчнымі й самымі цікавымі ў творчасьці гітарыста.

У 2004 годзе пабачыў сьвет альбом «Power of the Blues», дзе ўсе трэкі на ім былі новымі, але у старым, адмысловым мураўскім стылі блюз-року.

23 красавіка 2008 году Гэры Мур у рамках сусьветнага турнэ даў канцэрт у Менску на сцэне Палаца Рэспублікі^[7].

Сьмерць

Памёр 6 лютага 2011 году. Музыку знайшлі мёртвым ў нумары гатэлю на Коста-дель-Соль у Гішпаніі. Ён памёр ад сардэчнага прыступу^[8].

Дыскаграфія

Альбомы

1973 — Grinding Stone (Gary Moore Band)
1978 — Back on the Streets
1979 — G-Force (G-Force)
1982 — Corridors of Power
1983 — Victims of the Future
1984 — Dirty Fingers
1985 — Run for Cover
1986 — Rockin' Every Night (Live in Japan)
1987 — Wild Frontier
1989 — After the War
1990 — Still Got the Blues
1992 — After Hours
1993 — Blues Alive
1994 — Ballads & Blues 1982-1994
1994 — Around The Next Dream (BBM)
1994 — Walkways
1995 — Blues for Greeny
1997 — Desperado (сборник 1977-78)
1997 — Dark Days in Paradise
1998 — Out in the Fields (the very best of)
1999 — A Different Beat
2001 — Back to the Blues
2002 — Scars (з гуртом Scars)
2004 — Power of the Blues
2006 — Old New Blues Ballads
2007 — Close As You Get
2008 — Bad For You Baby

Канцэртныя альбомы

1981 — Live at the Marquee
1984 — We Want Moore!
1986 — Rockin' Every Night - Live in Japan
1993 — Blues Alive
2003 — Live at Monsters of Rock
2007 — Live At Montreux DVD [The Definitive Montreux Collection]

Відэа

1985 Emerald Aisles Live In Ireland
1987 The Video Singles
1987 Live At Isstadion
1990 An Evening Of The Blues
1993 Live Blues
1994 Ballads & Blues 1982—1994
1996 Blues for Greeny Live
2003 Thin Lizzy The Boys are Back in Town, Live '78
2003 The Old Grey Whistle Test 2
2003 Live at Monsters of Rock
2004 Live at Montreux 1990

Галерэя

Манчэстэр, 1985
Гітара BFG Гэры Мура

Крыніцы

^ ^а ^б Gary Moore // Энцыкляпэдыя мэталу — 2002.
^ ^а ^б Нацыянальная служба Чэскай рэспублікі
^ ^а ^б Gary Moore // Dictionary of Irish Biography (анг.) — RIA.
^ Guitarist Gary Moore 'died of heart attack' (брыт. анг.) — 2011.
^ Prato G. Thin Lizzy Guitarist Gary Moore Dead at 58 (анг.) — 2011.
^ Gary Moore (1952-2011) - Find a Grave Memorial (анг.) — 1996.
^ Гэры Мур у рамках сусветнага турнэ сёння дасць канцэрт на сцэне Палаца Рэспублікі(недаступная спасылка) БТ 23.04.2008
^ Памёр вядомы гітарыст і рок-музыка Гэры Мур. «Наша Ніва»

[_03cf35804dd60fd6-1] а ^б Gary Moore // Энцыкляпэдыя мэталу — 2002.

[_2fda87a0e449c9ff-2] а ^б Нацыянальная служба Чэскай рэспублікі

[_6a310ad7d4f85d51-3] а ^б Gary Moore // Dictionary of Irish Biography (анг.) — RIA.

[_61b31ec133234bf6-4] Guitarist Gary Moore 'died of heart attack' (брыт. анг.) — 2011.

[_46a3598d507d6c0b-5] Prato G. Thin Lizzy Guitarist Gary Moore Dead at 58 (анг.) — 2011.

[_6689c84aca6271b0-6] Gary Moore (1952-2011) - Find a Grave Memorial (анг.) — 1996.

[7] Гэры Мур у рамках сусветнага турнэ сёння дасць канцэрт на сцэне Палаца Рэспублікі(недаступная спасылка) БТ 23.04.2008

[8] Памёр вядомы гітарыст і рок-музыка Гэры Мур. «Наша Ніва»

[1]

[2]

[3]

[4]

[5]

[6]

[7]

[8]