Ганс-Георг Вік

Ганс-Георг Вік
пастаянны прадстаўнік Нямеччыны ў НАТА[d]
1980 — 1985
амбасадар Нямеччыны ў Індыі[d]
1990 — 1993
Наступнік	Франк Эльбэ[d]
амбасадар Нямеччыны ў Іране[d]
1974 — 1977
Наступнік	Гергард Рыцэль[d]
Асабістыя зьвесткі
Нарадзіўся:	28 сакавіка 1928(1928-03-28) (96 гадоў) Гамбург, Ваймарская рэспубліка
Узнагароды:

Ганс-Георг Вік (па-нямецку: Hans-Georg Wieck, нар. 28 красавіка 1928, Гамбург) — нямецкі дыплямат, прэзыдэнт Фэдэральнай разьведвальнай службы (БНД) ў 1985—1990 гадах. У 1998—2001 — кіраўнік Кансультацыйнай назіральнай групы АБСЭ ў Менску.

Жыцьцяпіс

Нарадзіўся ў Гамбургу, у 1953 годзе скончыў Гамбурскі ўнівэрсытэт, дзе вывучаў права і філязофію, атрымаўшы ступень PhD за працу «Паходжаньне Хрысьціянска-дэмакратычнага саюзу і аднаўленьне Цэнтрысцкай партыі, 1945—1947 гг.»

З 1954 па 1993 гады працаваў у міністэрстве замежных справаў ФРН, а ў пэрыяд 1966—1974 — у фэдэральным міністэрстве абароны (1970—1974 — дырэктар па палітычным плянаваньні). У 1974—1977 быў амбасадарам ФРН у Іране, у 1977—1980 — амбасадар ФРН у СССР, у 1980—1985 — быў сталым прадстаўніком ФРН у Арганізацыі Паўночнаатлянтычнай дамовы (АПАД) ў Брусэлі.

У 1985—1990 гадах быў прэзыдэнтам БНД.

У 1990 годзе вярнуўся на дыпляматычную службу і ў 1990—1993 быў амбасадарам ФРН у Індыі. Пасьля сыходу зь дзяржаўнай службы вёў грамадзкую працу: у 1993—1995 быў дарадцам прэзыдэнта Грузіі Эдуарда Шэварднадзэ, з 1998 па 2001 гады — кіраўніком Кансультацыйнай назіральнай групы АБСЕ ў Менску, з 1996 па верасень 2008 году — старшыня інда-нямецкага таварыства.

З 2004 году Ганс-Георг Вік зьяўляецца старшынём Кансультатыўнага савету па выведцы (GKND).

Вонкавыя спасылкі

• Пэрсанальны сайт Ханса-Георга Віка  (анг.)