Віктар Дзенісенка

	Віктар Дзенісенка
3-і амбасадар Беларусі ў Кыргыстане
	22 студзеня 2010 — красавік 2017
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі, Міхаіл Мясьніковіч, Андрэй Кабякоў
Папярэднік:	Валер Брылёў
Наступнік:	Андрэй Страчко
3-і амбасадар Беларусі ў Таджыкістане
	20 верасьня 2021 — цяперашні час
Прэм’ер-міністар:	Раман Галоўчанка
Папярэднік:	Алег Іваноў
Асабістыя зьвесткі
Нарадзіўся:	3 студзеня 1961 (63 гады); Красноўка, Нараўлянскі раён, Гомельская вобласьць, Беларуская ССР, СССР
Адукацыя:	Беларускі дзяржаўны ўнівэрсытэт фізычнай культуры[d]; Менская вышэйшая партыйная школа; БДУ;
Узнагароды:

Ві́ктар Алякса́ндравіч Дзенісе́нка (1961, Красноўка, Нараўлянскі раён, Гомельская вобласьць, цяпер Беларусь) — беларускі дыплямат.

Трэці амбасадар Беларусі ў Кыргыстане (2006—2010) і 3-і амбасадар Беларусі ў Таджыкістане (з 20 верасьня 2021 году).

Біяграфія

У 1978 годзе пачаў працоўную дзейнасьць на вытворчасьці, служыў у Савецкай арміі. Пазьней займаў пасаду загадніка аддзелу суполкі Камуністычнага саюзу моладзі Беларусі. Затым быў 1-м сакратаром Нараўлянскага раённага камітэту Камсамолу Беларусі і 1-м сакратаром Гомельскага абласнога камітэту Камсамолу Беларусі. У 1987 годзе скончыў Беларускі дзяржаўны інстытут фізычнай культуры па спэцыяльнасьці «трэнэр-выкладнік», а ў 1991-м — Інстытут паліталёгіі і сацыяльнага кіраваньня па спэцыяльнасьці «паліталёгія». У 1997—1999 гахдах — начальнік аддзелу па працы зь дзяржаўнымі органамі і грамадзкімі аб’яднаньнямі Дзяржаўнага камітэту ў справах моладзі Беларусі.

У 1999—2001 гадох — 1-ы сакратар аддзелу міжнародных прававых пытаньняў двухбаковай супрацы дамоўна-прававой ўправы Міністэрства замежных справаў Беларусі. У 2001—2006 гадох быў першым сакратаром, дарадцам у Амбасадзе Беларусі ва Ўкраіне. У 2003 годзе скончыў Беларускі дзяржаўны ўнівэрсытэт па спэцыяльнасьці «правазнаўства». У 2006—2010 гадах быў намесьнікам начальніка ўправы рэгіёнаў Расеі ў МЗС Беларусі.

22 студзеня 2010 году быў прызначаны 3-м амбасадарам Беларусі ў Кыргыстане^[1] і заставаўся на гэтай пасадзе да красавіка 2017 году. 20 верасьня 2021 году прызначаны 3-м амбасадарам Беларусі ў Таджыкістане^[2].

Валодае нямецкай і ўкраінскай мовамі. Мае дачку і сына.

Крыніцы

^ Указ Президента Республики Беларусь от 22 января 2010 г. № 30 «О назначении В. А. Денисенко»(недаступная спасылка) (рас.)
^ Новыя прызначэньні ў дыпкорпусе, мясцовай вэртыкалі і міністэрствах. Лукашэнка разгледзіў кадравыя пытаньні // Беларускае тэлеграфнае агенцтва, 20 верасьня 2021 г. Праверана 20 верасьня 2021 г.

Вонкавыя спасылкі

Посольство Республики Беларусь в Кыргызской Республике — Посол Беларуси (па стане на 23 ліпеня 2011 году) (рас.)

[1] Указ Президента Республики Беларусь от 22 января 2010 г. № 30 «О назначении В. А. Денисенко»(недаступная спасылка) (рас.)

[2] Новыя прызначэньні ў дыпкорпусе, мясцовай вэртыкалі і міністэрствах. Лукашэнка разгледзіў кадравыя пытаньні // Беларускае тэлеграфнае агенцтва, 20 верасьня 2021 г. Праверана 20 верасьня 2021 г.

[1]

[2]