Арнольд Шварцэнэгер

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Арнольд Шварцэнэгер
Arnold Schwarzenegger February 2015.jpg
Імя пры нараджэньні Арнольд Алёіс Шварцэнэгер
Дата нараджэньня 30 ліпеня 1947 (71 год)
Месца нараджэньня вёска Таль, Штырыя, Аўстрыя
Прафэсія актор, грамадзкі дзяяч
Кар’ера 1965 — цяпер
Узнагароды
IMDb ID nm0000216
Сайт www.schwarzenegger.com

Арнольд Алёіс Шварцэнэгер (па-ангельску: Arnold Alois Schwarzenegger; нарадзіўся 30 ліпеня 1947 году) — амэрыканскі актор, грамадзкі й дзяржаўны дзяяч аўстрыйскага паходжаньня.

Паходжаньне[рэдагаваць | рэдагаваць крыніцу]

Шварцэнэгер нарадзіўся ў Аўстрыі ў вёсцы Таль (фэдэральная зямля Штырыя), што недалёка да места Грац. Яго бацькі: тата — Густаў Шварцэнэгер (17 жніўня 1905 — 13 сьнежня 1975) тамтэйшы паліцыянт; маці — Аўрэлія (29 ліпеня 1922 — 2 жніўня 1998). Густаў служыў у нямецкім войску падчас Другой сусьветнай вайны. У 1943 годзе яго звольнілі з войска з-за хваробы малярыяй. 20 кастрычніка 1945 году яны ажаніліся. Тату было 38, а маці — 23 гады. А. Шварцэнэгер рос у звычайнай сям’і. Бацькі былі строгія. Стараліся яго выхаваць у каталіцкай веры. Штонядзелю яны разам з Арнольдам хадзілі ў касьцёл. Ва ўзросьце 14 гадоў А. Шварцэнэгер пачаў займацца культурызмам.

Юнацтва, маладосьць[рэдагаваць | рэдагаваць крыніцу]

Арнольд Шварцэнэгер служыў у аўстрыйскім войску ў 1965 годзе. Падчас службы ён выйграў спаборніцтва сярод моладзі па культурызьме. У 1966 годзе А. Шварцэнэгер удзельнічае ў міжнародных спаборніцтвах сярод дарослых у Лёндане. Там ён займае другое месца. У 1967 годзе А. Шварцэнэгер становіцца «Спадаром Сусьвету»: найвышэйшая ўзнагарода сярод культурыстаў, што давалася на спаборніцтвах у Лёндане.

Ад’езд у ЗША[рэдагаваць | рэдагаваць крыніцу]

А. Шварцэнэгер і Рональд Рэйган у 1984 годзе

У верасьні 1968 году А. Шварцэнэгер ад’ехаў у ЗША. Яму быў 21 год. Ён амаль ня ведаў ангельскае мовы. Чым займаўся, як зарабляў на жыцьцё невядома. А. Шварцэнэгер гаварыў, што рабіў на будоўлях грузчыкам, або каменьшчыкам. Спрабаваў удзельнічаць у спаборніцтвах, але няўдала. Толькі ў 1970 годзе ва ўзросьце 23 гадоў А. Шварцэнэгер стаў «Спадаром Алімпія», узнагароду, што давалі ў Нью-Ёрку. У 1977 годзе А. Шварцэнэгер выдаў кнігу для тых, хто хацеў займацца культурызмам і яна мела пэўны посьпех. У 1970-я гады А. Шварцэнэгер вучыўся ў сярэдняй школе ў месьце Сьв. Монікі й у ВУЗе ў месьце Супэрыяр (Вісконсін). Гэта яму было неабходна, каб вывучыць ангельскую мову.

Дасягненьні[рэдагаваць | рэдагаваць крыніцу]

Кіно[рэдагаваць | рэдагаваць крыніцу]

А. Шварцэнэгер спрабаваў займацца кіно, але яму не давалі сур’ёзных роляў. Ён толькі мог паказваць сваё цела й усё. У 1970 годзе А. Шварцэнэгер зьняўся ў кіно Гэркулес у Новым Ёрку. З-за таго, што яго прозьвішча цяжка вымавіць для амэрыканца А. Шварцэнэгер стаў Арнольдам Дужым. Пачаткам славы для А. Шварцэнэгера стала карціна пра баечнага асілка Конана. Карціна называлася «Конан Барбар». Яе зьнялі ў 1982 годзе. Затым А. Шварцэнэгер зьняўся ў 1984 годзе ў працязе карціне «Конан Зьнішчальнік». У гэтым жа годзе А. Шварцэнэгер зьняўся ў сваёй самай вядомай карціне «Тэрмінатар», якая дала яму сусьветную вядомацьсь. У 1985 годзе зьняўся ў карціне «Рудая Соня», 1985 — «Каманда», 1987 — «Драпежнік», «Чалавек-зьбег», 1988 — «Блізьняты», 1991 — «Тэрмінатар 2. Дзень суду» і іншыя.

Дзяржаўная дзейнасьць[рэдагаваць | рэдагаваць крыніцу]

У 2003 годзе А. Шварцэнэгер заявіў аб сваім удзеле ў выбарах губэрнатара штату Каліфорнія. 7 кастрычніка 2003 году яго выбралі на гэтую пасаду. За яго прагаласавала 43,6%. А. Шварцэнэгер быў выбраны ад рэспубліканскае партыі. 7 лістапада 2006 году на перавыбарах А. Шварцэнэгер ізноў быў выбраны на пасаду губэрнатара Каліфорніі. Ён атрымаў 56% галасоў. 3 студзеня 2011 году А. Шварцэнэгер перадаў свае паўнамоцтвы новаму кіраўніку Каліфорніі Джэры Браўну. А. Шварцэнэгер ужо ня мог трэці раз быць выбраны губэрнатарам Каліфорніі, бо гэта забараняў закон.

Джордж Ўокер Буш разам з А. Шварцэнэгерам пасьля выбараў

Асабістае жыцьцё[рэдагаваць | рэдагаваць крыніцу]

Арнольд Шварцэнэгер разам з Мар’яю Шрайвэр у 2007

26 красавіка 1986 года Арнольд жаніўся на Мар’і Шрайвэр. Яны маюць чатырох дзяцей:

  • Кэтрын Юніс Шварцэнэгер (нар. 13 жніўня 1989),
  • Крыстына Мар’я Аўрэля Шварцэнэгер (нар. 23 ліпеня 1991),
  • Патрык Арнольд Шрайвэр Шварцэнэгер (нар. 18 верасьня 1993),
  • Крыстафэр Сарджэнт Шрайвэр Шварцэнэгер (нар. 27 верасьня 1997).

Разам з тым А. Шварцэнэгер мае сына ад сваёй служкі Баены. Яны радзіла 2 кастрычніка 1997

  • сын Джозэф.
Арнольд Шварцэнэгер разам са сваім сынам Патрыкам у сьнежні 2002

9 траўня 2011 года Мар’я й Арнольд абвясьцілі аб сваім разводзе.

Вонкавыя спасылкі[рэдагаваць | рэдагаваць крыніцу]

Commons-logo.svg Арнольд Шварцэнэгерсховішча мультымэдыйных матэрыялаў